Agradecimento a Deus
Agradecer a Deus é louvor, adoração e reconhecimento da sua soberania. Dai graças ao Senhor porque Ele é bom — a sua misericórdia dura para sempre!
Iya sinthe galatara shiiqoos.
Galata mazmure ufaysan yexoos.
Iya pengiya galatara gelite,
iya dabaaba sabara biite;
iya galatitenne iya sunthaa anjite.
Godaa galatite!
I keeha gidiya gishonne
iya siiqoy merinaasa gidiya gisho,
Godaa galatite.
Neeni ta Xoossaa; ta nena galatana;
neeni ta Xoossaa; ta nena sabbana.
Godaas galata yethi yexite;
nu Xoossaas diithan yexite.
Taani Xoossaa sunthaa mazmuren galatana;
galata imon iya gitayana.
Goday taw wolqanne gondalle;
ta wozanay iyan ammanetees;
ta iyan maadetas.
Ta wozanay iyan ufaytees;
ta iya mazmuren sabbana.
Ha77ika nu Xoossaw, nuuni nena galatoos; ne boncho sunthaa sabboos.
Hinte Xoossaa woossiya wode ubban iya galatishe, hintena koshshiyaba ubbaas woossitepe attishin, aybibaasika hirgofite.
Taani hintena qopiya wode ubban, ta Xoossaa galatayis.
Xoossaa Aawa Yesuusa baggara galatishe hinte odetiyaba woyko oothiyaba ubbaa Godaa Yesuusa sunthan oothite.
Nuuni Xoossaa woossiya wode ubban hintena qopishe hinte gisho ubba wode Xoossaa galatoos. Xoossaa nu Aawa sinthan ammanon hinte oothida oosuwa, siiqon hinte daaburida daaburanne Yesuus Kiristoosan de7iya ufaysaa ekanaw hinte minnidi eqida equwa ubba wode nuuni qopoos.
Xoossay Kiristoos Yesuusa baggara hintew immida aadho keehatetha gisho, taani ubba wode Xoossaa galatayis.
Shin nu Godaa Yesuus Kiristoosa baggara nuus xoono immiya Xoossaa galati gako.
Shin Kiristoosa baggara ubba wode nuna xoonon kaalethiyanne shitto mela sawiya Kiristoosaba nu eriya timirtiya ubba bessi gathana mela oothiya Xoossaa galati gako.
Zereysas zerethi, maanaw kathi immiya Goday, hinte zeriya zerethi darsidi immana. Hinte xillotetha ayfiyaka darsana.
Daro asay hinte immiya imuwa nuupe ekidi, Xoossaa galatanaada, hinte ubba wode darsidi immeyisata gidana mela Xoossay hintena ubba baggara dureyana.
Mazmuren, sabaninne ayyaana yethan, issoy issuwara odetite. Qassi hinte wozanan yexishenne sabbishe Godaa galatite. Nu Godaa Yesuus Kiristoosa sunthan ubba wode Xoossaa Aawa ubbabaas galatite.
Kiristoosa bonchuwas gidi issoy issuwas haaretite.
Yesuusi ichashu uythaanne nam7u molota ekidi, pude salo xeellidi Xoossaa galatis. Uythaa menthidi asaas gishana mela ba tamaaretas immis. Qassi nam7u molota enta ubbaas shaakis. Asa ubbay midi kallidosona. Attida uytha tiifiyanne molota tiifiya, iya tamaareti tammanne nam7u gayta kumethi denthidosona.