2 Ane iza sinth galatara shiiqoos;

galata mazamure ufayssan yexxoos.

4 Iza penge galatara,

iza zago sabara gelite;

iza galatite;

iza sunththaaka anjjite.

1 GODAA galatite!

Izi kiya gidida gishshas,

iza siiqoykka

mernaas gidida gishshas

GODAA galatite.✝

28 Neni ta Xoossa;

tani nena galatana;

Neni ta Xoossa;

tani nena gitasana.

7 GODAAS galata mazamure yexxite;

nu Xoossas maasinqo

shocishe galatite.

30 Tani Xoossa sunththa

yeththan galatana;

galata yeththan

iza gitateththaa qonccisana.

7 GODAY taas wolqqanne gondalle;

ta wozinay izan ammaneettes;

hessan tani maadettadis;

hessa gishshas

ta wozinay izan ufayettees;

tani iza yeththan sabbana.

13 Ha7ikka nu Xoossawu!

Nuni nena galatoos;

ne bonchcho sunththaaka sabboos» giidi

GODAA galatides;

6 Haniza yo7on ubbaan galatan, woosaninne gaannateththan Xoossa sinth shiiqite attiin ay miishshankka hirgofte.

3 Inttena qoppiza ubba gallas tani ta Xoossaa galatays.

17 Iza baggara Xoossaa Aawaas galata shiishshishe qaalan gidiin woykko ooson intte ooththizayssa ubbaa Godaa Yesusa sunththan ooththite.

2 Nu inttena nu woosan qoppishe ubba wode Xoossaa intte gishshas galatoos. 3 Ammanoninne mino siiqoteththan intte ooththida ooso gishshas Godaa Yesus Kirstoosa bolla diza intte mino hidotan beettida intte minoteththaa gishshas nu Godaa Xoossaa, nu Aawaa sinththan ubba gallas intte gishshas qoppoos.

4 Godaa Yesus Kirstoosa baggara inttes imettida Xoossa kiyateththaa gishshas ubba wode intte gishshassika tani Xoossaa galatays.

57 Gido attiin Godaa Yesus Kirstoosa baggara nuus xoono immiza Xoossas galatay gido.

14 Gido attiin Kirstoosa baggara ubba wode nuna xoono ogen kaaleththi yuushshizanne ba lo7o erateththaa nu baggara ubbason qonccisiza Godaas galatay gakko.

10 Zerizaades zereththi, maanaas kath immiza Goday intte zeriza zereththaa izi keehi darssi immana; izi intte kiyateththa oosoza ayfe inttes darsana.✝ 11 Intte kiyateththan immoyssi nu baggara istta gakkiza asati Xoos galatana mala intte ubba wode kiyateth immana mala Xoossi inttena ubbasora duresana.

19 Ayana yeththan galatara gaththi yexxishe intte giddon issoy issaara haasayettite; intte sabaninne yeththan kumeththa wozinappe Godaa galatite. 20 Hessan Xoossa Aawaa, Godaa Yesus Kirstoosa sunththaa ubba miishshas ubba wode galatite.

21 Intte Kirstoosa bonchchos giidi yashshara issoy issaas azazettite.

41 Izikka ichchashu ukeththatanne nam7u moleta ba kushen oykkidi pude salo xeellidi anjjidinne ukeththaa menththi menththi asaas gishana mala bana kaallizaytas immides; nam7u moletakka ubba asaas shaakereththides. 42 Asay wurikka miidi kallides. 43 Yesusa kaallizayti asay kalli miin attidayssa tammanne nam7u leemate kumeth shiishshides.