Agradecimento a Deus
Agradecer a Deus é louvor, adoração e reconhecimento da sua soberania. Dai graças ao Senhor porque Ele é bom — a sua misericórdia dura para sempre!
ବାତେବା ବିଷୟ୍ତେ ଚିନ୍ତେ ଆୟ୍ମାଟ୍ ! ବାତେଙ୍କ୍ଇତ୍କେ ମିକିଂଙ୍କ୍ ବାତ୍ ଦର୍କାଡ଼୍, ଆଦ୍ ପ୍ରାର୍ତନାତାଗ୍ ଇଶ୍ୱର୍ତିଙ୍କ୍ ତାଲ୍କାଟ୍ । ମେଣ୍ଡେ ପ୍ରାର୍ତନା ମାଡ଼ାନ୍ ୱେଲେ ସାରେଦାମ୍ ହୃଦୟ୍ତେ ଦନ୍ୟବାଦ୍ ତଡ଼୍ ମିୟାଦ୍ ସାର୍ରେ ନିବେଦନ୍ ଇଶ୍ୱର୍ତିଙ୍କ୍ କେଲାଟ୍;
ବେସ୍ଦାମ୍ ନାନ୍ ମିକିଂଙ୍କ୍ ଏର୍କା ମାଡ଼ିତାନ୍, ନା ଇଶ୍ୱର୍ତିଙ୍ଗ୍ ଦନ୍ୟବାଦ୍ ଇଦ୍ତାନ୍,
ମିଡ଼୍ ବାକ୍ୟ ବା କାମ୍ତାଗ୍ ବାତେ ବା ମାଡ଼୍ତିଡ଼୍, ଆଦ୍ ସାରେ ପ୍ରବୁ ଜିସୁନ୍ ପେଦେର୍ତେ ମାଡ଼ି ବାବାଲ୍ ଇଶ୍ୱର୍ତିଙ୍କ୍ ଦନ୍ୟବାଦ୍ ଇମୁଟ୍ ।
ମାମ୍ମେ ସାରେଦିନା ମିଇ ସାରେତଡ଼୍ ସେଙ୍ଗେ ଇଶ୍ୱର୍ତିଙ୍ଗ୍ ଦନ୍ୟବାଦ୍ ଇସମାନ୍ତମ୍ ନୁ ମାମ୍ମେ ପ୍ରାର୍ତନାତାଗ୍ ମିଇ ବିଷୟ୍ତେ ସାରେଦାମ୍ କେସମାନ୍ତମ୍ । ମାମ୍ମେ ବାବାନ୍ ଇଶ୍ୱର୍ତେ ପାକେ ଏର୍କା ମାଡ଼ମାନ୍ତମ୍, ବେଲାନ୍ ମିଡ଼୍ ନିଜେତ୍ ବିଶ୍ୱାସ୍ତିଙ୍କ୍ ପାଡ଼ିୟିଦାଗ୍ ମାଡ଼ୁତମ୍, ପ୍ରେମତେ ମାଡ଼ି ବେଲାନ୍ ତିପାଲ୍ତେ ମାଡ଼ୁତିଡ଼୍ ନୁ ମାମ୍ମେ ବେଲାନ୍ ଡ଼ାଟ୍ଟୁମ୍ ।
ବାତେଙ୍କ୍ ଇତ୍କେ କ୍ରିଷ୍ଟନ୍ତଡ଼୍ କାୟ୍ଲ୍ତେ ସେଙ୍ଗେ ଇଶ୍ୱର୍ ମିକିଂଙ୍କ୍ ଆଦ୍ ଅନୁଗ୍ରହ ଇସ୍ମିନ୍ଦେଣ୍ଡ୍, ଆଦିନ୍ ମାଇଦିଙ୍କ୍ ନାନ୍ ଇଶ୍ୱର୍ତିନ୍ ସାରେଦାମ୍ ଦନ୍ୟବାଦ୍ ଇଦୁତାନ୍,
ଇତ୍କେ ମାନାଡ଼୍ ଇଶ୍ୱର୍ତିଙ୍କ୍ ଦନ୍ୟବାଦ୍ କେତିତାଡ଼୍, ବାତେଙ୍କ୍ଇତ୍କେ ଅଣ୍ଡ୍ ମାନ୍ ପ୍ରବୁ ଜିସୁ କ୍ରିଷ୍ଟନ୍ ତଡ଼୍ ମାନାଡ଼୍କିଙ୍କ୍ ଜିଡ଼୍ପ୍ତଣ୍ଡ୍ ।
ଇଶ୍ୱର୍ତେ ଦନ୍ୟବାଦ୍ ଆୟି । ବାତେଙ୍କ୍ ଇତ୍କେ ଅଣ୍ଡ୍ ଜିସୁ କ୍ରିଷ୍ଟନ୍ ତଡ଼୍ ସାରେଦାମ୍ ମାକିଂଙ୍କ୍ ଜିଡ଼ାନ୍ ଆର୍ଦାଗ୍ ମୁନ୍ନେ ଆଦ୍ତନ୍ । ମେଣ୍ଡେ ଲେକେତ୍ ଗାବ୍ ଚାରେପାକ୍ ଲିକ୍ତେ ଲେକାମ୍ କ୍ରିଷ୍ଟନ୍ ବୁଦ୍ତେ ବାଗାତଡ଼୍କ୍ ଇଦାନଙ୍କ୍ ଇଶ୍ୱର୍ ମାକିଙ୍କ୍ ବ୍ୟବହାର୍ ମାଡ଼ିତନ୍ ।
ବେନଡ଼୍ ବାଦ୍କାନଡ଼୍କ୍ ଇଶ୍ୱର୍ ୱିତାନ୍ ସେଙ୍ଗେ ୱିଜ୍ ନୁ ତିନ୍ଦାନ୍ ସେଙ୍ଗେ କାଦି କେପ୍ସିତନ୍, ଅଣ୍ଡ୍ ମିୟାଦ୍ କାମ୍ମାଡ଼ାନ୍ ଲେକାମ୍ତେ ୱିଜ୍ ନେହେଚିଦ୍ତନ୍ ନୁ ମିଇୟାଦ୍ ଉଦାର୍ତେ କାୟେ ଲେକାମ୍ ମିଡ଼୍ ଆନ୍ତେ ନାର୍ଗେ ଫସଲ୍ ପାଣ୍ଡ୍ସ୍ପିତିଡ଼୍ । ମିଇଡ଼୍ ସାରେଦାମ୍ ବେଲାନ୍ ଉଦାର୍ ଲେକାମ୍ ଦାନ ମାଡ଼େ ପାର୍ତିଡ଼୍, ଇଦିନ୍ ସେଙ୍ଗେ ଇଶ୍ୱର୍ ମିକିଂଙ୍କ୍ ସାରେ ବିଷୟ୍ତେ ଉନ୍ନତି ମାଡ଼ିତନ୍ ନୁ ମାନ୍ ତଡ଼୍ ମିଡ଼୍ ରଅସ୍ମାନ୍ଦାନ୍ ଦାନ ସେଙ୍ଗେ ନାର୍ଗେ ଇଶ୍ୱର୍ତିଙ୍କ୍ ୱେଡ଼୍କେତେ ଦନ୍ୟବାଦ୍ ଇଦ୍ତଡ଼୍ ।
ପାଟ୍, ଆରାଦନା ନୁ ବକ୍ତିତଡ଼୍ ପାଟ୍ ପାରାଟ୍ ନୁ ନିଜେ ନିଜର୍ଲପେ ସାର୍ଦେ ଆୟ୍ମୁଟ୍ । ହୃଦୟ୍ତେ ଲପେଙ୍କ୍ ପ୍ରବୁନ୍ ପେଦେର୍ତେ ପାଟ୍ ପାରାଟ୍ । ସାର୍ରେୱେଲେ ସାର୍ରେ ବିଷୟ୍ ପ୍ରବୁ ଜିସୁ କ୍ରିଷ୍ଟନ୍ ପେଦେର୍ତେ ନୁ ବାବାଲ୍ ଇଶ୍ୱର୍ତିଙ୍କ୍ ଦନ୍ୟବାଦ୍ ଇମୁଟ୍ ।
କ୍ରିଷ୍ଟନ୍ ପର୍ର ନିୟାଦ୍ ବକ୍ତି ମାନ୍ନାଙ୍କ୍ ମିଡ଼୍ ମିମିଲପେ କାୟ୍ଲି ମାନୁଟ୍ ।
ତାନ୍ପେର୍କେ ଜିସୁ ଆୱୁ ଏଇଙ୍କ୍ ରୋଟି ନୁ ରେଣ୍ଡ୍ କିକେ ଅସ୍ ସ୍ୱର୍ଗପାକେ ପରୁଉଡ଼ି ମିକା ଇଶ୍ୱର୍ତିଙ୍କ୍ ଦନ୍ୟବାଦ୍ ଇତ୍ତଣ୍ଡ୍ । ମେଣ୍ଡେ ଆୱୁ ରୋଟିକିଙ୍କ୍ ଉସ୍ ନାରୁଡ଼୍ ପାକେ ସାରେତଡ଼୍କ୍ ତୁଉସିଦ୍ନଙ୍କ୍ ଶିଷ୍ୟନଡ଼୍କ୍ ଇତ୍ତଣ୍ଡ୍ । ସାରେତଡ଼୍ ତିଞ୍ଜ୍ ଡଙ୍କ୍ ନିହିତ୍ତଡ଼୍ । ତାନ୍ପେର୍କେ ଶିଷ୍ୟନଡ଼୍ ମିଗ୍ଲିମାନ୍ଦାନ୍ ରୋଟି ନୁ କିକେ ଦୁଡ଼ାକି ପେହେକି ବାରଟାନ୍ ଜୁଡ଼ିନାଗ୍ ନିହିତ୍ତଡ଼୍ ।