Agradecimento a Deus
Agradecer a Deus é louvor, adoração e reconhecimento da sua soberania. Dai graças ao Senhor porque Ele é bom — a sua misericórdia dura para sempre!
Mai tapoaro i aroana tee taemani sukuru,
tee tasambo-sambo to Incia tee talaguakea lagu kapujia!
Pesuamo ulaloi bhambana lawana upoose ulaguaka lagu kasukuru,
upesua i aroana Bhanuana Aulataʼala upoose upujia.
Sukurumo i Incia tee upujimo sarona.
Pujimea o KAWASANA OPU!
Sukurumo i KAWASANA OPU, roonamo Incia amalape,
kaasina molagina abakaa saʼumurua.
Ingkoomo o Aulataʼalaku, iaku bhekusukuru tee Ingkoo;
Ingkoomo o Aulataʼalaku, iaku bhekumuliangiko!
Lagumo tee usukurumo i KAWASANA OPU!
Laguakamea manga lagu kapujia tee umagasiaaka kecapi to Aulataʼalata.
Maka iaku sii kunarakaa tee kumapii.
E Aulataʼala, tulungiaku
tee ujaganiaku.
KAWASANA OPU o kakaaku tee katangkesiku,
totona incaku aparacaea i Incia, tee atulungiaku.
Incaku akaunde-unde,
tee laguku kusukuru i Incia.
Bholi dhaangia ililahoakamiu, maka pakawaakamea bhari-bharia ipeelumiu i Aulataʼala alaloi doʼa tee opeapo uka iemanimiu alaloi kasukuru tee tarimakaasi.
Iaku kuemani sukuru i Aulataʼala gagari kuudhanikomiu.
Opea ibhoasakamiu tee ipewaumiu tabeana bhari-bharia upewaua i nuncana sarona Isa, Oputa Momalanga tee uemanimo sukuru i Aulataʼala Amata alaloi Al Masi.
Ingkami sadia tasukuru i Aulataʼala rampaakanamo ingkomiu, tee ingkami inda taunto-unto tasarongi saromiu i nuncana doʼamami. Ingkami taudhania torotorosu tuaapa o pemingkuimiu apokana tee iimanimiu i wakutuuna ingkami tadoʼa i aroana Aulataʼala o Amata. Ingkami taudhania uka o usahamiu apokana tee kaasimiu, tee o kapoolimiu to utarai kanarakaa rampaakana opea iharapumiu tee Isa Al Masi Oputa Momalanga.
Iaku sadia kusukuru i Aulataʼala isombaku to rahumati mopadhana idhawuakana to ingkomiu alaloi sarona Isa Al Masi.
Maka tasukuru i Aulataʼala, Incia mangapamembalina takana alaloi Isa Al Masi Oputa Momalanga.
Wakutuuna upogau podho-podho ingkomiu ubhoasakamo pogau mominaakana i Zaburu, tee manga lagu kapujia atawa o lagu-lagu mosagaanana to upujiaka Aulataʼala. Ingkomiu tee ngangarandamiu mokaunde-undena tabeana ulaguakamo lagu kapujia to Kawasana Opu, upoose uemani sukuru to bhari-bharia giu i Aulataʼala o Amata, i nuncana sarona Isa Al Masi, Oputa Momalanga.
To uhoromatiaka Al Masi, ingkomiu tee mia mosagaanana tabeana upaporitambe karomiu.
Isa aalamo roti lima anguna tee ikane rua mbaana sumai, kasiimpo apotingara i laiana tee aemani sukuru i Aulataʼala to manga kinande sumai. Sapadhana sumai aweta-wetamea o roti sumai tee limana tee adhawuakea i manga murina to apapodhawu-dhawuakea i manga mia bhari sumai, tee uka atumpu manga murina to apapodhawu-dhawuakea o ikane rua mbaana sumai sakawana bhari-bharia mia apotibhaaka dhawuna. Kasiimpo manga incia akande sakawana amambosu. Sapadhana sumai, manga mia sumai arombusakamo bhilaana manga roti tee ikane sumai, garaaka dhaangia sapulu rua langka o bhilaana.