Agradecimento a Deus
Agradecer a Deus é louvor, adoração e reconhecimento da sua soberania. Dai graças ao Senhor porque Ele é bom — a sua misericórdia dura para sempre!
Gidaadou gi lloomoi gi heia tadau danggee hagaamu i mua o Mee,
mo di tenetene dadaahili nia daahili hagaamu.
Ulu adu gi lodo di Hale Daumaha mo di daahili i nia daahili danggee.
Ulu adu gi lodo di gowaa di Hale Dabu mo di daahili hagaamu.
Heia godou danggee ang gi Mee mo di hagaamu a Mee.
Hagaamuina Dimaadua!
Goodou danggee ang gi Dimaadua, i Mee dela e humalia,
di aloho o Maa e hana hua beelaa.
Ma Kooe dela go dogu God, au e hai dagu danggee adu gi di Goe,
gei au ga hagadele do maaloo.
Daahili i nia daahili hagaamu ang gi Dimaadua.
Daahili i godou ‘harp’ ang gi tadau God.
Au ga hagaamu di ingoo o God gi taahili.
Au ga hagadele nia humalia o Maa gi dagu hai danggee gi Mee.
Dimaadua e hagaloohi gei e abaaba au.
Au e hagadagadagagee gi Mee.
Mee e hagamaamaa au gei e hai au gi tenetene.
Au e hagaamu a Mee gi nia daahili haga tenetene.
Dolomeenei, meenei di madau God, gimaadou e dugu adu di madau danggee di mee bolo Goe, gei gimaadou e hagaamu do ingoo madamada hagalabagau.
Goodou hudee de nnoomaalia i dahi mee, tangi ang gi God i godou mee ala e hiihai ginai mo di danggee aga i lodo godou manawa,
Au e danggee ang gi dogu God i goodou i nia madagoaa huogodoo ma ga maanadu goodou.
Nia mee huogodoo ala e hai go goodou be e helekai ai, gi heia i di ingoo o Tagi go Jesus, gi hagaamuina God Tamana mai i Jesus.
Gimaadou e danggee hagaamu tumaalia ang gi God i nia madagoaa huogodoo, ge dee modu di madau haga langahia labelaa goodou i lodo madau dalodalo. Gimaadou e langahia i mua nnadumada o tadau Damana go God i di godou hai hegau gi godou hagadonu, mo di aloho dela gaa hidi ai goodou ga ngalua damana, mo di godou hagamau dangihi i lodo di godou hagadagadagagee gi tadau Dagi go Jesus Christ.
Au e danggee ang gi God i nia madagoaa huogodoo i goodou, i Mee dela ne dugu adu gi goodou tumaalia mai i Jesus Christ.
Di mee bolo God i dana hai gidaadou gi aali mai i tadau Dagi go Jesus Christ.
Gidaadou gi danggee ang gi God, go Mee dela e dagidagi gidaadou i tadau aali i baahi o Christ, gaa hai gidaadou gi iloo dono maalama, gi hagadele ina ang gi nia daangada huogodoo di modongoohia iloo o Mee dela e manongi gadoo be di lolo kala, dela e modoho gi nia gowaa huogodoo.
God e wanga gi digau hai hadagee nadau lii laagau e dogi mo nadau palaawaa e gai, gei go Mee hogi dela e gowadu gi goodou nia lii laagau huogodoo ala e hiihai ginai goodou, ga haga tomo aga nia maa, bolo gii hai nia huwa laagau e logowaahee mai i godou dumaalia. Gei Mee gaa hai goodou gi maluagina huoloo i nia madagoaa huogodoo, bolo goodou gii mee di wanga gi daha i nia madagoaa huogodoo ga hidi mai digau dogologo ga danggee gi God i godou wanga dehuia ala gaa kae go digaula mai tadau baahi.
Helehelekai i godou mehanga i nia helekai o nia daahili Pisalem, nia daahili hagaamu, mo nia daahili ang gi God. Daahili i nia daahili hagaamu mono Pisalem ang gi Tagi mo di hagaamu i lodo godou manawa. Danggee i nia mee huogodoo gi God Tamana i di ingoo tadau Dagi go Jesus Christ i nia madagoaa huogodoo.
Goodou gi hagadau dugu anga i goodou, idimaa, goodou e hagalaamua a Christ.
Jesus ga dahi aga nia palaawaa e lima, ge lua iga, gaa mmada gi di langi, ga danggee ang gi God, ga ginigini nia palaawaa, gaa wanga gi ana dama agoago bolo gi duwwaa gi digaula. Gei Mee gaa duwwe labelaa nia iga e lua gi digaula huogodoo. Digaula huogodoo gu miami, gu maaluu. Nia dama agoago gaa haa nadau gada e madangaholu maa lua, guu honu i nia mee ala ne dubu i nia palaawaa e lima ge lua iga.