Agradecimento a Deus
Agradecer a Deus é louvor, adoração e reconhecimento da sua soberania. Dai graças ao Senhor porque Ele é bom — a sua misericórdia dura para sempre!
Munààve na lipamba kwamba chinu chohecho, henga kwa kila hali imuvenayo, nnyaulilange Nnungu àlalá lamusikikidile, kwa kunnyuwa na kumpembeja pamo na kunshukulu.
Kushukulu na kuyuwa kwanga Paolo
Nangu nìnshukulu Nnungu wangu kwajili yenu kila paninkumbukilanga.
Kila chinu chimutenda au kutangola, chitendange akuno umumala kuva mùchitenda kwa niaba ya Nang’olo Yesu, na munshukulu Nnungu Atata kupitila nang’e.
Iikadi na ing’ulupa ya Vasesalonike
Tùnanshukulu Nnungu maduva lammalele kwajili yenu mwenu mmammalele, akuno utunkumbukilanga kwa kunnyuwilanga bila kuhopela. Patunshukulu Nnungu Atata wetu, hwetu tùnankumbukilanga mwenu pameho pake namuna chimulanguja ing’ulupa yenu kwa kuntumikila Nnungu, na namuna chimutumbama kukola madengo ing’anya ya itamwi yenu na namuna lilolelo lyenu kwanga Yesu Kilisto chilihwingile.
Sukulani
Nìnshukulu Nnungu maduva lammalele kwajili yenu mwenu ing’anya ya inema yake yampele mwenu kwa indila ya Yesu Kilisto.
Henga ashukuliwe Nnungu atwîng’a ushindi kwa indila yanga Nang’olo wetu Yesu Kilisto!
Henga Nnungu ashukuliwe, kwa kuva kwa kulundanywa kwetu na Kilisto nang’e àtutendile hwetu kuva matwala vake na kutulongolelela mmaduva lammalele mmaandamano la ushindi wa Kilisto. Na nang’e àtutumila hwetu kuyanjaja habali dya kummala Kilisto kila pachinu, na habali anedyo dìvele muchi liumba lya mahuta la kunung’ila.
Nnungu njo amwîng’a nkúpanda dimbeyu na nkate wa kulya. Uchocho, nang’e achiamwing’ange mwenu na kuyenjeja achila chimuvenacho uchinga mùùve na ntima wambone wa kuhalija kuhumya. Nang’e àmbentendanga mwenu kuva mmakupata mma kila namuna uchinga maduva lammalele mulanguje mitima ya kuhumya, na vanu vánshukùlù Nnungu kwajili ya nsada utuvapelekejija, kuhaloka kwenu mwenu.
akuno umutangojana kwa malove la Zabuli na dihimu dya kunnombolela Nnungu na dihimu dinji dya chinnungu. Mumwimbile Nang’olo na kunhangalalila mmitima yenu yammalele, na kunshukulu Nnungu Atata maduva lammalele kwa kila chinu, kwa lina lyanga Nang’olo wetu Yesu Kilisto.
Mahundo kwa valombwîje na valombîle
Mupilikanane mmene kwa mmene kwa kumweshimu Kilisto.
Anepo Yesu nkuitwala aila mikate nnyano na avala ahomba vavili, nkulola muha kulihunde, nkunshukulu Nnungu. Nkuimeyanya aila mikate pamo na ahomba vavili, nkuveng’a vakuhundwa vake vavayavile vanu. Vanu vammalele nkulya na kusiba. Vakuhundwa vake nkulokotanga vibeduli vya mikate iisalidîle na vibeduli vya ahomba, nkuumbaja makalala kumi na mbili.