2 Beto kwenda na mantwala ya yandi na mikunga ya nzitusu,

beto kembila yandi na mikunga.

4 Beno kota na myelo ya yandi na kwendaka vutula yandi matondo,

beno kota na lupangu ya Yinzo ya yandi na mikunga ya nzitusu!

Beno kembila yandi,

beno tonda Nkumbu ya yandi!

1 Aleluya!

Beno kembila Yave samu ti yandi kele mbote,

samu ti kukwikama ya yandi ke zingilaka bantangu nyonso!

28 Nge kele Nzambi ya munu, mu ke kembila nge,

Nzambi ya munu, mu ke kembila bunene ya nge.

7 Beno yimbila mukunga samu na Yave na kuvutula yandi matondo,

beno sika nsambi samu na Nzambi ya beto!

30 Munu, mu kele mputu mpe muntu ya mpasi,

kasi nge Nzambi, lusalusu ya nge ke na kukeba munu.

7 Yave kele ngolo ya munu mpe kinwanunu yina ke kebaka nzutu ya munu.

Kivuvu ya munu kele na yandi, yandi me sadisa munu.

Ntima ya munu kele na nsayi,

mu ke kembila yandi na mikunga.

13 Ni yawu yina, Nzambi ya beto, beto ke na kuvutula matondo na nge mpe kusiika Nkumbu ya nge ya mbote.

6 Beno vwanda na manyongo ve. Kasi bantangu nyonso, beno zabisa bansatu ya beno na Nzambi na kati ya balusambulu nyonso, mpe na kuvutula yandi matondo.

3 Mu ke vutulaka matondo na Nzambi bantangu nyonso yina mu ke banzaka beno.

17 Mambu nyonso yina beno lenda kusala to kuzonza, beno sala yawu na Nkumbu ya Mfumu Yesu na kuvutulaka matondo na Tata Nzambi na lusalusu ya yandi.

2 Beto ke na kubika ve na kutonda Nzambi samu na beno nyonso, mpe na kusambidila beno. 3 Beto ke bambukaka moyo na ntwala ya Tata ya beto Nzambi wapi mutindu beno ke salaka bisalu samu na kiminu ya beno, wapi mutindu beno ke salaka bisalu ya mpasi samu na luzolo ya beno, mpe wapi mutindu beno kele na kivuvu na kuvwanda ya kukwikama na Yesu-Klisto, Mfumu ya beto.

4 Ntangu nyonso, mu ke tondaka Nzambi samu na bumbote ya yandi yina yandi lakisaka beno na Yesu-Klisto.

57 Kasi beto tonda Nzambi yina ke pesaka beto ngolo ya kununga na lusalusu ya Mfumu ya beto, Yesu-Klisto.

14 Mu ke na kutonda Nzambi, samu ti konso ntangu yandi ke nataka beto na mulonga ya nkembo ya kununga ya Klisto. Na beto, yandi ke zabisaka Nsangu ya Klisto na bisika nyonso mutindu mananasi yina nsunga ke na kumwangana na bisika nyonso.

10 Nzambi yina ke pesaka kisadi-bilanga bambuma ya kukuna mpe madya ya kudya, ke pesa mpe beno bambuma ya kukuna, ke butisa yawu, mpe ke sala ti ludedomo ya beno buta bambuma mingi. 11 Nzambi ke sala ti beno vwanda bamvwama na mambu nyonso samu na kutatamana na kukabula na mambu nyonso. Na yina, bantu mingi ke vutula matondo na Nzambi samu na makabu ya beno yina beto ke pesa bawu.

19 Beno kindisa bampangi beno na beno na kuyimba Mikunga, banzimbu ya masiika, mpe banzimbu ya kimpeve. Beno yimba mpe kembisa Mfumu na ntima nyonso ya beno. 20 Na nkumbu ya Mfumu ya beto Klisto, beno tonda Tata Nzambi ntangu nyonso, mpe samu na mambu nyonso.

21 Beno fwana kutumama beno na beno samu na buzitu yina beno ke pesaka Klisto.

41 Na manima, Yesu bakaka mampa tanu mpe bambisi zole. Yandi talaka na zulu mpe tondaka Nzambi. Yandi bukunaka mampa mpe pesaka yawu na bilandi ya yandi, samu ti bawu kabula yawu na bantu nyonso. Yandi kabulaka mpe bambisi zole yina na bantu nyonso. 42 Bawu nyonso kudyaka mpe yukutaka. 43 Bilandi lokotaka bibuku ya mampa mpe ya bambisi yina bikanaka. Bawu fulusaka bitunga kumi na zole.