2 Kasizeni phambi kwakhe ngokubonga

simdumise ngamachacho langengoma.

4 Ngenani emasangweni akhe ngokubonga

lemagumeni akhe ngokudumisa;

mbongeni lidumise ibizo lakhe.

1 Dumisani uThixo.

Bongani uThixo, ngoba ulungile;

uthando lwakhe lumi lanini.

28 UnguNkulunkulu wami, ngizakubonga;

unguNkulunkulu wami, ngizakuphakamisa.

7 Hlabelani kuThixo ngokubonga;

litshaye amachacho kuNkulunkulu wethu.

30 Ngizalidumisa ibizo likaNkulunkulu ngengoma,

ngilibabaze ngokubonga.

7 UThixo ungamandla ami lesihlangu sami;

inhliziyo yami yethemba Kuye, ngiyancedwa.

Inhliziyo yami iyaqolotsha ngentokozo

njalo ngizambonga ngehubo.

13 Siyakubonga khathesi, Nkulunkulu wethu,

silidumisa ibizo lakho elilodumo.

6 Lingakhathazeki kodwa ngazo zonke izikhathi bikani izicelo zenu kuNkulunkulu ngokukhuleka, ngokuncenga langokubonga.

3 Ngiyambonga uNkulunkulu wami izikhathi zonke lapho ngilikhumbula.

17 Njalo kukho konke elikwenzayo, ngelizwi loba ngesenzo, konke kwenzeni ngebizo leNkosi uJesu, libonge uNkulunkulu uYise ngaye.

2 Sihlala silibongela lonke kuNkulunkulu njalo silibeka emikhulekweni yethu. 3 Siyawukhumbula kokuphela phambi kukaNkulunkulu wethu uBaba umsebenzi wenu ongenxa yokukholwa lokusebenza kwenu okufuqwa luthando kanye lokubekezela kwenu okuqiniswa yikwethemba eNkosini uJesu Khristu.

4 Ngihlezi ngimbonga kokuphela uNkulunkulu wami ngani, ngenxa yomusa wakhe eliwuphiweyo kuJesu Khristu.

57 Kodwa kabongwe uNkulunkulu! Uyasinika ukunqoba ngeNkosi yethu uJesu Khristu.

14 Kodwa-ke, kabongwe uNkulunkulu, yena osikhokhelela kokuphela njengabathunjiweyo ekunqobeni kukaKhristu njalo esenza sithele iphunga elimnandi lokumazi ezindaweni zonke.

10 Lowo onika umhlanyeli inhlanyelo lesinkwa sokudla uzanika njalo aqhelise isiphala senu senhlanyelo, andise lesivuno sokulunga kwenu. 11 Lizanothiswa ngezindlela zonke ukuze liphane ngezikhathi zonke, kuthi ngathi ukupha kwenu kulethe ukubongwa kukaNkulunkulu.

19 likhulumisana omunye komunye ngamahubo, amaculo kanye lezingoma zakoMoya. Hlabelani lenzele iNkosi imiculo ezinhliziyweni zenu 20 limbonge kokuphela uNkulunkulu uBaba kukho konke, ngebizo leNkosi yethu uJesu Khristu.

21 Zehliseni omunye komunye lihlonipha uKhristu.

41 Ethatha izinkwa ezinhlanu lenhlanzi ezimbili wakhangela ezulwini, wabonga, wasehlephuna izinkwa. Waseziqhubela abafundi bakhe ukuba bazabele abantu. Waphinda wabehlukanisela inhlanzi zombili. 42 Bonke badla basutha, 43 abafundi basebebutha imvuthu zezinkwa lenhlanzi bagcwalisa izitsha ezilitshumi lambili.