2 Wabiuru e nyime gi erokamano

kendo wami nyinge duongʼ ka wawer kendo wakok gi mor.

4 Donjuru e rangeyene kugoyo erokamano

bende biuru e laru mare kupake.

Goneuru erokamano kendo pakuru nyinge.

1 Pakuru Jehova Nyasaye!

Gouru erokamano ne Jehova Nyasaye, nikech ober;

kendo herane osiko manyaka chiengʼ.

28 In Nyasacha, omiyo abiro goyoni erokamano;

in Nyasacha omiyo abiro miyi duongʼ.

7 Weruru ne Jehova Nyasaye kugoyone erokamano,

weruru wer mamit ne Nyasachwa kugoyo nyatiti.

30 Abiro pako nying Nyasaye gi wer

kendo abiro miyo nyinge duongʼ gi erokamano.

7 Jehova Nyasaye e tekona kendo okumbana;

chunya ogeno kuome kendo en e konyruokna.

Chunya nigi mor

kendo abiro goyone erokamano gi wer.

13 Koro, Nyasachwa, wadwokoni erokamano,

kendo wapako nyingi maduongʼ.

6 Kik uparru kuom gimoro amora, to kwauru Nyasaye gik moko duto muchando, kulamo, kendo kugoyone erokamano, kuketo kwayou mondo ongʼere ni Nyasaye.

3 Adwokone Nyasacha erokamano seche duto ma aparoue.

17 Gimoro amora mutimo kata ma uwacho, to timuru e nying Ruoth Yesu, kugoyo erokamano ni Nyasaye Wuoro e nying Yesu.

2 Wadwokone Nyasaye erokamano kinde duto nikech un duto, kwaluongo nyingu e lemo magwa. 3 E nyim Nyasachwa kendo Wuonwa, wasiko kwaparo yie ma un-go mosemiyo utimo gik mabeyo gi herau momiyo utiyo ne Nyasaye matek, kod geno ma un-go kuom Ruoth Yesu Kristo, momiyo uchungʼ motegno kutimo kinda.

4 Adwokone Nyasacha erokamano kinde duto kuomu, nikech ngʼwonone mosemiyou kuom Kristo Yesu.

57 To erokamano ni Nyasaye. Omiyowa loch kuom Ruodhwa Yesu Kristo!

14 Erokamano ni Nyasaye, ma kinde duto telonwa kaka joma oselocho kuom Kristo, kendo ma konyore kodwa kuom keyo tik mamit mar ngʼeyo Kristo.

10 Koro Jal machiwo kodhi ne jachwoyo kendo machiwo chiemo michamo biro chiwonu kendo medonu nyadi mangʼeny kodhi michwoyo kendo obiro miyo timu makare medore. 11 Obiro miyo udok jo-mwandu e yore duto, mondo ubed mangʼwon kinde duto, kendo mondo ji mangʼeny odwok erokamano ni Nyasaye kuom mich mane watero nigi koa kuomu.

19 Wuouru ngʼato gi ngʼato kod weche mag zaburi kwero wende kitabu kod wende chuny. Weruru kendo denduru Ruoth e chunyu 20 ka udwoko erokamano kinde duto ni Nyasaye Wuoro kuom gik moko duto e nying Ruodhwa Yesu Kristo.

21 Beduru gi winjruok ngʼato gi ngʼato, mondo umi Kristo duongʼ.

41 Bangʼe nokawo makati abichgo gi rech ariyogo nongʼiyo polo malo, kogoyo erokamano. Nongʼingo makatigo mi omiyo jopuonjrene mondo opog ji. Rech ariyo ka bende nopogo matindo tindo ni ji duto. 42 Giduto negichiemo mi giyiengʼ chuth, 43 kendo bangʼ chiemo jopuonjre nochoko ngʼinjo mag chiemo mane ji ochamo oweyo okepe apar gariyo mopongʼ mag makati gi rech.