Agradecimento a Deus
Agradecer a Deus é louvor, adoração e reconhecimento da sua soberania. Dai graças ao Senhor porque Ele é bom — a sua misericórdia dura para sempre!
Bika tuizanu ku ntualꞌandi mu vana matondo
tunyayisa mu miziki ayi mu minkunga.
Kotanu mu mielo miandi mu phutudulu matondo
ayi mu ziphangu ziandi va kimosi ayi minzitusu.
Lumvutudila matondo ayi luzitisa dizina diandi.
Enati tuisi bakuikama ko, vayi Nzambi widi kaka wukuikama.
Luzitisa Yave,
luvutudila Yave matondo bila widi wumboti,
luzolo luandi lunzingila mu zithangu zioso.
Ngeyo Nzambi ama ayi ndiela kuvutudila matondo.
Ngeyo Nzambi ama ayi ndiela kuyayisa.
Luyimbidila Yave mu kumvutudilanga matondo ;
Lusikila Nzambi eto miziki mu ngitala.
Ndiela zitisanga dizina di Nzambi mu nkunga,
ayi ndiela kunkembisa
mu phutudulu matondo.
Yave niandi zingolo ziama ayi nkakuꞌama.
Ntimꞌama wuntulanga diana mu niandi
ayi ndisadusu.
Ntimꞌama weti mona khini yi ngolo
ayi ndiela kumvutudila matondo mu nkungꞌama.
Lubika banga mayindu kani mu diambu dimosi ; vayi mu mambu moso bikaluzabikisa zitsatu zieno kuidi Nzambi mu lusambulu ayi mu zindombolo va kimosi ayi phutudulu matondo.
Lusambulu lu phutudulu matondo
Minu ndieti vutula matondo kuidi Nzambi ama mu mambu moso momo ndieti kulutebukilanga moyo.
Dioso diambu lumvanga mu thubulu voti mu mavanga, buna bika luvangila diawu mu dizina di Pfumu Yesu ayi luvutulanga matondo kuidi Nzambi Tata mu nzilꞌandi.
Minu ayi kifuani ki basi Tesalonika
Beto tueti vutudila Nzambi matondo mu diambu dieno mu zithangu ziosobu tukulutebukilanga moyo mu zitsambulu zieto, bu tukulutebukilanga moyo mu zithangu zioso va meso ma Nzambi, dise dieto, mu diambu di mavanga malembo monika mu minu kieno, kisalu ki luzolo lueno, mvibudulu yintotukila mu diana dieno di ngolo mu Pfumu eto Yesu Klisto.
Polo wuvutudila Nzambi matondo mu diambu di basi Kolinto
Minu ndimvutulanga matondo mu zithangu zioso kuidi Nzambi ama mu diambu dieno, mu diambu di nlemvo andi wowo kaluvana mu Klisto Yesu.
Matondo kuidi Nzambi bila niandi wukutuvananga ndungunu mu Pfumu eto Yesu Klisto.
Ndungunu yi Klisto
Vayi matondo kuidi Nzambi ! Niandi wukutunungisanga mu zithangu ziosomu Klisto ayi beto keta sadila mu tembikisa, mu bibuangu bioso, bioso nzayilu yi Klisto banga malasi ma tsudi yi kitoko.
Nzambi niandi weta vana mimbutu kuidi nkuni ayi bidia, wela luvana ayi kulufulusila mimbutu mieno ayi wela wokisa mimbutu mi busonga bueno.
Niandi wela kulukitula zimvuama mu bima bioso muingi lubaka bu kabudilanga batu bankaka. Buna batu bawombo bela vutudila Nzambimatondo mu diambu di makaba meno, momo luela tambula kuidi beto.
Bika lukikindisanga mu minkunga mikubuku, mu minkunga mi sanisinaayi mu minkunga mi kipheve. Luyimbila ayi lusanisina Pfumu mu mintimamieno mimvimba. Mu zithangu zioso, luvutudilanga Nzambi Tata matondo mu mambu mamo mu dizina di Pfumuꞌeto Yesu Klisto.
Zindubu kuidi babakala ayi baketo
Bika kadika mutu kakinzika ndiandi mu diambu di lukinzu luidi yeno mu Klisto.
Bosi wubonga mapha beni matanu ayi zimbizi beni zizole, wuvumbulameso ku Yilu, wuvutula matondo ; wubukuna mapha, wuvana minlonguki muingimikabudila nkangu wu batu. Wubuela kabudila zimbizi zizole beni kuidi batu boso. Batu boso badia ayi bayukuta. Batota kumi bipani biodi biwala mu bitini bi mapha ayi mu zimbizi ziozi zisiadidila.