2 కృతజ్ఞతార్పణతో ఆయన సన్నిధికి వద్దాం,

సంగీత గానంతో ఆయనను కీర్తిద్దాము.

4 కృతజ్ఞతతో ఆయన ద్వారాల గుండా ప్రవేశించండి,

స్తుతితో ఆయన ఆవరణంలోకి ప్రవేశించండి;

ఆయనకు వందనాలు చెల్లించండి, ఆయన నామమును స్తుతించండి.

1 యెహోవాను స్తుతించండి.*

యెహోవా మంచివాడు, ఆయనకు కృతజ్ఞతలు చెల్లించండి;

ఆయన మారని ప్రేమ నిరంతరం నిలుస్తుంది.

28 మీరు నా దేవుడు, నేను మిమ్మల్ని స్తుతిస్తాను;

మీరు నా దేవుడు, నేను మిమ్మల్ని హెచ్చిస్తాను.

7 యెహోవాకు కృతజ్ఞత స్తుతులు పాడండి;

సితారా మీటి దేవునికి స్తుతులు పాడండి.

30 నేను పాడుతూ దేవుని నామాన్ని స్తుతిస్తాను.

కృతజ్ఞత చెల్లించి ఆయనను కీర్తిస్తాను.

7 యెహోవాయే నా బలం నా డాలు;

హృదయపూర్వకంగా ఆయనను నమ్మాను, నాకు సాయం దొరికింది.

నా హృదయం సంతోషంతో ఉప్పొంగి పోతుంది.

నా పాటతో నేను ఆయనను స్తుతిస్తాను.

13 మా దేవా! మేము మీకు కృతజ్ఞతలు చెల్లిస్తూ,

మీ ఘనమైన నామాన్ని స్తుతిస్తున్నాము.

6 దేన్ని గురించి వేదన పడకండి, కాని ప్రతి విషయంలో ప్రార్థనావిజ్ఞాపనల చేత కృతజ్ఞతా పూర్వకంగా మీ విన్నపాలను దేవునికి తెలియజేయండి.

3 మీరు గుర్తుకొచ్చినప్పుడెల్లా నేను దేవునికి వందనాలు చెప్తున్నాను.

17 మీరు మాటల్లో కాని పనులలో కాని, ఏమి చేసినా ప్రభువైన యేసు నామంలో చేయండి, తండ్రియైన దేవునికి ఆయన ద్వారా కృతజ్ఞతాస్తుతులు చెల్లిస్తూ ఉండండి.

2 మేము ప్రార్థించిన ప్రతిసారి మీ అందరి గురించి దేవునికి కృతజ్ఞతలు చెల్లిస్తున్నాము. 3 దేవునిపై మీకున్న విశ్వాసంతో చేసిన కార్యాలు, ప్రేమ చేత ప్రేరేపించబడిన మీ ప్రయాసం, మన ప్రభువైన యేసు క్రీస్తులో మీకున్న నిరీక్షణ వలన మీరు చూపుతున్న ఓర్పును మేము మన తండ్రియైన దేవుని ఎదుట మానక జ్ఞాపకం చేసుకుంటున్నాము.

4 క్రీస్తు యేసులో దేవుని కృప మీకు ఇవ్వబడింది కాబట్టి మీ కోసం నా దేవునికి ఎల్లప్పుడు కృతజ్ఞతలు చెల్లిస్తున్నాను.

57 అయితే దేవునికి కృతజ్ఞతలు! మన ప్రభువైన యేసు క్రీస్తు ద్వారా ఆయన మనకు విజయాన్ని ఇచ్చారు.

14 కాబట్టి ఆయన మా ద్వారా ప్రతి స్థలంలో క్రీస్తును గురించిన జ్ఞానపు సువాసన వ్యాపింపచేస్తూ, ఆయనలో మమ్మల్ని ఎల్లప్పుడు విజయోత్సాహంతో ముందుకు నడిపిస్తున్న దేవునికి కృతజ్ఞతలు.

10 విత్తువానికి విత్తనాలు, తినడానికి రొట్టె సమకూర్చే దేవుడు మీకు విత్తనం ఇచ్చి ఫలింపజేస్తారు, మీ నీతి పంటను విస్తరింపజేస్తారు. 11 మీరు ప్రతి సమయంలో ధారాళంగా ఇవ్వడానికి మీరు అన్ని రకాలుగా సంపన్నులు అవుతారు. మీ దాతృత్వం బట్టి మా ద్వారా దేవునికి కృతజ్ఞతలు చెల్లించబడతాయి.

19 సంగీతములతో, కీర్తనలతో ఆత్మ సంబంధమైన పాటలతో, ఒకరితో ఒకరు మాట్లాడుకోండి. మీ హృదయాలతో పాటలు పాడుతూ సంగీతంతో ప్రభువును గురించి కీర్తిస్తూ, 20 ఎల్లప్పుడు మన ప్రభువైన యేసు క్రీస్తు పేరట మన తండ్రియైన దేవునికి అన్నిటి కోసం కృతజ్ఞతాస్తుతులు చెల్లిస్తూ ఉండండి.

21 క్రీస్తుపట్ల గల భయభక్తులతో ఒకరికి ఒకరు లోబడి ఉండండి.

41 అప్పుడు ఆయన ఆ అయిదు రొట్టెలను రెండు చేపలను చేతిలో పట్టుకుని ఆకాశం వైపు కళ్ళెత్తి, కృతజ్ఞత చెల్లించి ఆ రొట్టెలను విరిచారు. తర్వాత ప్రజలకు పంచిపెట్టడానికి తన శిష్యులకు ఇచ్చారు. ఆయన ఆ రెండు చేపలను కూడా వారందరికి విభజించారు. 42 వారందరు తిని తృప్తి పొందారు. 43 తర్వాత శిష్యులు మిగిలిన రొట్టె ముక్కలను చేప ముక్కలను పన్నెండు గంపల నిండా నింపారు.