2 آؤ ہم شُکر گُزاری کے ساتھ اُن کے رُوبرو حاضِر ہُوں

اَور نغموں اَور سازوں کے ساتھ اُن کی تعریف کریں۔

4 شُکر گُزاری کے ساتھ اُن کے پھاٹکوں میں

اَور حَمد کرتے ہُوئے اُن کی بارگاہوں میں داخل ہو جاؤ؛

اُن کا شُکر بجا لاؤ اَور اُن کے نام کو مُبارک کہو۔

1 یَاہوِہ کی سِتائش کرو۔

یَاہوِہ کا شُکر بجا لاؤ کیونکہ وہ بھلےہیں؛

اَور اُن کی شفقت اَبدی ہے۔

28 آپ میرے خُدا ہیں، اَور مَیں آپ کا شُکر بجا لاؤں گا؛

آپ میرے خُدا ہیں اَور مَیں آپ کی تمجید کروں گا۔

7 یَاہوِہ کے لیٔے شُکر گُزاری کے ساتھ نغمہ گاؤ؛

سِتار پر ہمارے خُدا کی مدح سرائی کرو۔

30 میں گا کر خُدا کے نام کی سِتائش کروں گا،

اَور شُکر گُزاری کے ساتھ اُن کی تمجید کروں گا۔

7 یَاہوِہ میری قُوّت اَور میری سِپر ہیں؛

میرا دِل اُن پر توکّل کرتا ہے، اَور اُن ہی سے مُجھے مدد مِلی ہے۔

اِس لیٔے میرا دِل شادمان ہے

اَور مَیں نغمہ سرائی کرکے اُن کی سِتائش کروں گا۔

13 اِس لئے اَے ہمارے خُدا، ہم آپ کے شُکر گذار ہیں،

اَور آپ کے جلالی نام کی تعریف کرتے ہیں۔

6 کسی بات کی فکر نہ کرو، اَور اَپنی سَب دعاؤں میں خُدا کے سامنے اَپنی ضروُرتیں، اَور مَنّتیں شُکر گُزاری کے ساتھ خُدا کے سامنے پیش کیا کرو۔

3 میں جَب کبھی تُمہیں یاد کرتا ہُوں تو اَپنے خُدا کا شُکر اَدا کرتا ہُوں۔

17 اَورجو کچھ تُم کہتے یا کرتے ہو وہ سَب خُداوؔند یِسوعؔ کے نام سے کرو، اَور خُدا باپ کا شُکر کرتے رہو۔

2 تُم سَب کے لیٔے ہم ہمیشہ خُدا کا شُکر کرتے اَور تُمہیں اَپنی دعاؤں میں بھی یاد رکھتے ہیں۔ 3 اَور ہم اَپنے خُدا اَور آسمانی باپ کی حُضُوری میں تمہارے ایمان کے کام اَور محنت کو جو مَحَبّت کا نتیجہ ہے اَور تمہارے اُس صبر کو یاد رکھتے ہیں، جو ہمارے خُداوؔند یِسوعؔ المسیح میں اُمّید کی بابت ہے۔

4 مَیں تمہارے لیٔے ہمیشہ اَپنے خُدا کا شُکر اَدا کرتا ہُوں کیونکہ خُدا نے المسیح یِسوعؔ کے وسیلہ سے تُم پر فضل کیا ہے۔

57 مگر خُدا کا شُکر ہو کہ وہ ہمارے خُداوؔند یِسوعؔ المسیح کے وسیلہ سے ہمیں فتح بخشتا ہے۔

14 لیکن خُدا کا شُکر ہے کہ وہ المسیح میں ہمیں ہمیشہ فاتحانہ جَشن میں لیٔے پھرتاہے اَور اَپنے علم کی خُوشبو ہمارے وسیلہ سے ہر جگہ پھیلاتا ہے۔

10 لہٰذا وہ خُدا جو بونے والے کو بیج اَور کھانے والے کو روٹی عطا فرماتے ہیں وُہی تُمہیں بھی بیج عطا فرمائے گا، اُسے اُگائے گا اَور تمہاری راستبازی کی فصل کو بڑھائے گا۔ 11 خُدا تُمہیں مالا مال کرےگا تاکہ تُم ہر وقت بڑی کثرت سے دے سکو، اَور لوگ ہمارے وسیلہ سے تمہارا عَطیّہ پا کر خُدا کا شُکر اَدا کریں۔

19 ایک دُوسرے سے زبُور، حَمد و ثنا اَور رُوحانی غزلیں اَور خُداوؔند کی تعریف میں دِل سے گاتے بجاتے رہا کرو، 20 ہر بات میں ہمارے خُداوؔند یِسوعؔ المسیح کے نام سے ہمیشہ خُدا باپ کا شُکر کرتے رہو۔

21 اَور المسیح کا خوف کرتے ہویٔے ایک دُوسرے کے تابع رہو۔

41 یِسوعؔ نے وہ پانچ روٹیاں اَور دو مچھلیاں لیں اَور آسمان، کی طرف نظر اُٹھاکر اُن پر برکت مانگی۔ پھر آپ نے اُن روٹیوں کے ٹکڑے توڑ کر شاگردوں کو دئیے اَور کہا کہ اِنہیں لوگوں کے سامنے رکھتے جایٔیں۔ اِسی طرح خُداوؔند نے دو مچھلیاں بھی اُن سَب لوگوں میں تقسیم کر دیں۔ 42 سَب لوگ کھا کر سیر ہو گئے، 43 روٹیوں اَور مچھلیوں کے ٹُکڑوں کی بَارہ ٹوکریاں بھر کر اُٹھائی گئیں۔