Agradecimento a Deus
Agradecer a Deus é louvor, adoração e reconhecimento da sua soberania. Dai graças ao Senhor porque Ele é bom — a sua misericórdia dura para sempre!
Kinaat jaahiɗ ŋ ali in ; waaye ŋ in nu wa min nik ɗah, kiimaat Kooh, woyaat ɗe etoh ciŋ ɗu, te wa hun na corkiɗ ɗe.
Mi yii corkiɗ Koohiŋ ngo, waas nu ŋ liiɓ nga ɗu ɗah ;
In nu ɗu na tume ɗah, wa nik ŋ woo wala ŋ tumohaaɗ, tumaata ŋ tiikiŋ Yeesu Heɗi, ɗu corkiɗee Kooh Baabi saguuce.
Ɓoo na gene corkiɗ Kooh ŋ ini kaɗ nga ɗu jen ne ɓoo ɓaahndohha ɗu ŋ kiim ciŋ ɓoo ɗah. Ŋ ineem, ɓoo na gene naandsuk ŋ fiki Kooh Baabi tumohaaɗ ciŋ ɗu sagu kosi ɗu kos Heɗ ɓoo Yeesu Kiristaa, na pangkiŋ ɗu miskiɗi sagu waaɗi ɗu waaɗ ɗe na mini ɗu min muñ sagu oolki ɗu ooluk in ci a gapoh.
Mi na gene corkiɗ Koohiŋ ngo, ŋ ini kaɗ nga ɗu, sagu baahohi Kooh baahoh ɗu ŋ niki ɗu nik ŋ Kiristaani Yeesu.
Waaye ɓoo corkiɗaat Kooh yi on ɓoo ndam taamboh ŋ Yeesu Kiristaa Heɗ ɓoo.
Waaye, ɓoo corkiɗaat Kooh. A na gene ɓoo maaƴɗukoh ŋ mbehiŋ yakɗiŋ ndamiŋ ɗe ŋ niki ɓoo nik ŋ Kiristaani, te a taambohee nga ɓoo ne Kiristaani inhu ŋ ɗisik nu nik findi eeñ laackoloñ.
Kooh yi na eɗe sokohi tisoh, na kañam pesoha, a hey ɗu name eɗ tisoh, a ɓaata po baah kiŋ ɗu raak rim laayiɗ. Ŋ ineem, ɗu hey nike heɗ raak-raak ŋ in ci jen, ɗu min onoh keeh-keeh, ɓo' laayiɗ corkiɗ Kooh ŋ in ci ɗu eɗan ɓoo ne ɓoo eɗ ɓa ca.
ɗu woyee ŋ harmban ɗu na ƴeek ciŋ Sabuur na ƴeek corkiɗoha Kooh, na ƴeek ci puloh ŋ Fuuɗsi Hoolohngaani jen ; ƴeekaat ɗu yakɗee Heɗi na keeñ ciŋ ɗu jen. Genaat corkiɗ Kooh Baabi ŋ in nu nik, taamboh ŋ tiikiŋ Heɗ ɓoo Yeesu Kiristaa.
Yaa nu nga ɗu ɗah teyɗukɗaat morom ce sagu nupi ɗu nup Kiristaani.
A ɓayya mbuuruuca yatuus ca na cuurund ca kanak ca, a marakka ŋ ɗafki, a corkiɗta Kooh. A nguɗsohha mbuuruuca, a eɗta taalubeeci ca ne ɓa paysoh ca mboolnda, a nammba tum cuurund ca ɗaa po ɓooɓa jen raakka. Ɓooɓa jen ñammba po ɓa kappa. Wa ɓooɓa ñam po ɓa ƴutta, taalubeeca nangɗohha tasɗohiica po ɓa raakka ini mit pañe riifiɗ ndaŋkiyaah na kanak (12).