Agradecimento a Deus
Agradecer a Deus é louvor, adoração e reconhecimento da sua soberania. Dai graças ao Senhor porque Ele é bom — a sua misericórdia dura para sempre!
Ngadbad nga p’eowchen ngad pininged e magaer ngak,
ma gadad tangnag u fithik’ e felfelan’ ni gadad be pining e sorok ngak!
Marod ngalan e pi garog ko Tempel rok ni gimed be pining e magaer ngak,
marod ngalan e yoror rok nib thothup ni gimed be pining e sorok ngak!
Mu pininged e magaer ngak mi gimed pining e sorok ngak!
Ngan pining e sorok ngak SOMOL!
Ngan pining e magaer ngak SOMOL, ni bochan e ba manigil;
t’ufeg rok e ba manemus.
I gur e Got rog, ere gu be pining e magaer ngom;
bay gu weliy murung’agem nga feni sorom.
Ngan tangnag e sorok ngak SOMOL;
min chubeg e musik ko harp ngak e Got rodad.
Bay gu tang ni gu be pining e sorok ngak Got;
bay ug pining e magaer ngak ni aram e gu be weliy murung’agen nga feni sorok.
SOMOL e ayuw rog ma yoror rog;
ma ir e ba pagan’ug ngak.
Ma pi’ e ayuw nge felfelan’ ngog;
gu ma pining e sorok ngak ko tang ni felfelan’.
Got romad, chiney e gamad be pining e magaer ngom, ma gamad be pining e sorok nga fithingam nib mathangeluwol.
Ma dariy ban’en ni nge magafan’med ngay, machane fa’an gimed ra meybil ngak Got mi gimed ning ngak e tin nge yag ngomed, ma gubin ngiyal’ ni ngu’um ninged ngak ni gimed be pining e magaer ngak u lanin’med.
Gubin yay ni gimed ra yib ngan’ug ma gu ma pining e magaer ngak e Got rog ni bochmed ni gimed urngin;
Ere urngin ban’en ni ngu’um rin’ed ara gimed be yog ma ngam rin’ed u daken fithingan Somol Jesus, ma gimed be pining e magaer u daken ngak Got ni Chitamangiy.
Gubin ngiyal’ ma gamad ma pining e magaer ngak Got ni bochmed ni gimed gubin, ma gubin ngiyal’ ni gamad ma unegmed ko meybil romad. Ya der m’ay u wun’mad u p’eowchen e Got rodad ni ir e Chitamangidad u rogon ni kam maruwelgad ko michan’ romed, nge rogon nike ngongliymed rogon nib t’uf Got romed nge girdi’ kam maruwelgad nrib gel, nge rogon ni kari l’agan’med ngak e Somol rodad i Jesus Kristus.
Gubin ngiyal’ ni gu be pining e magaer ngak e Got rog ni bochmed, ni bochan e ayuw nike pi’ ngomed u daken Kristus Jesus.
Machane ngad pininged e magaer ngak Got ni ir e ke gelnagdad ko pin’ey u daken e Somol rodad i Jesus Kristus!
Machane ke magaer Got! Ya ta’ab girdi’ ni kad ted Kristus e gubin ngiyal’ ni be fekdad Got i yan ni gadad e kalbus ni yibe dag i yan ni bochan e gel nike tay Kristus. Got e be maruwel ngodad ni ngad muruwliyed nge nang urngin e girdi’ Kristus ni bod rogon ban’en ni bfel’ bon ni be wear u gubin yang i yan.
Mi Got nma pi’ e awoch ngak e cha’ nma wereg e awoch u milay’ nge ggan ni nge kay e ku bayi pi’ ngomed urngin e awoch ni nge yag ngomed me muruwliy nge tugul, nge yib wom’ngin ni pire’ ni nge yib ko gol ni mu ted. Gubin ngiyal’ ni bayi ta’med ni bfel’ urngin e tin ni bay romed nge yag ni um pi’ed ban’en ni gubin ngiyal’ u fithik’ e gol, ni fan e nge yo’or e girdi’ nra pininged e magaer ngak Got ko tow’ath ni kam pi’ed ngorad.
Ra bigimed ma ngi i welthin ngak bigimed u fithik’ e tang ni thin rok Got ni bay ko Psalm, nge tang ni machib, nge tang ni murung’agen Got; um tang niged Somol ni gimed be yin’ e tang ni machib, nge tang ni thin rok Got ni bay ko Psalm, ni gimed be pining e sorok ngak u fithik’ i lanin’med. Gubin ngiyal’ ni ngu’um pininged e magaer ngak Got ni Chitamangiy u fithingan e Somol rodad i Jesus Kristus u gubin ban’en.
Nge bigimed mi i yan nga laniyan’ bigimed, ni bochan e gimed be liyor ngak Kristus.
Me fek Jesus fa lal yal’ i flowa nge fa gali nig, me sap ngalang, me pining e magaer riy ngak Got. Mi i t’et’ar fa yu yal’ i flowa ngi i pi’ ngak pi gachalpen ngar f’othed ko girdi’. Ma ku errogon fa gali nig ni ki t’et’ar nge pi’ ngorad ngar f’othed ko girdi’ ni urngin. Ma yad urngin nra ked ngar fosgad ngay. Me kunukunuy pi gachalpen Jesus e flowa nge nig ndaki m’ay i kay me gaman ragag nge l’agruw e dug riy.