Agradecimento pela família

3 Ang mga anak gasa ug panalangin gikan sa Ginoo.

4 Ang mga anak nga natawo sa batan-on pa

ang amahan sama sa mga pana diha sa mga kamot sa usa ka sundalo.*

5 Bulahan ang tawo nga adunay daghang anak,*

kay dili siya mapildi kon makig-atubang siya sa iyang mga kaaway sa hukmanan.

1 Dayegon ko gayod ang Ginoo.

Dayegon ko siya sa iyang pagkabalaan* sa tibuok kong kinabuhi.

2 Dayegon ko gayod ang Ginoo,

ug dili ko gayod kalimtan ang iyang kaayo.

4 Dili nato kini itago sa atong mga kabataan;

isugilon nato kini sa mosunod nga mga henerasyon.

Suginlan nato sila sa gahom sa Ginoo

ug sa iyang dalaygon ug katingalahang mga buhat.

6 Garbo sa mga tigulang ang ilang mga apo,

maingon nga garbo usab sa mga anak ang ilang mga ginikanan.

27 Gipangayo ko kining bataa gikan sa Ginoo ug gihatag niya ang akong gipangayo.

Ang Pag-ampo ni Pablo alang sa mga Taga-Filipos

3 Nagpasalamat ako sa Dios sa matag higayon nga maghandom ako kaninyo.

9 Hilabihan ang among pagpasalamat sa Dios sa kalipay nga iyang gihatag kanamo tungod sa inyong pagtuo.

28 Dayega ninyo ang Ginoo,

kamong mga katawhan sa mga nasod.

Dayega ninyo ang iyang gahom ug kusog.

17 Kay ang tanan nga maayo ug hingpit nga gasa naggikan man sa Dios. Siya mao ang naghimo sa tanan nga atua sa langit nga naghatag ug kahayag dinhi sa kalibotan. Ug bisan mausab ang ilang kahayag ug mabalhin ang ilang landong, ang Dios dili gayod mausab.

16 Tungod sa iyang dako nga kaluoy walay puas ang iyang pagpanalangin kanatong tanan.

14 Miingon ang mga babaye kang Noemi, "Dalaygon ang Ginoo! Gihatagan ka niya karong adlawa ug apo nga moatiman kanimo. Hinaut nga mahimo siyang bantogan sa Israel! 15 Pabaskogon ug atimanon ka niya kon tigulang ka na, kay anak siya sa imong umagad nga nagpangga gayod kanimo labaw pa sa pagpangga sa pito ka anak nga lalaki."

19 Ang mga buhi lang ang makadayeg kanimo

sama sa akong ginahimo karon.

Ang matag henerasyon magsugilon sa mosunod

nga henerasyon sa imong pagkamatinumanon.