Agradecimento pela família
Agradecer pela família é reconhecer a bênção mais preciosa que Deus nos concede. Os filhos são herança do Senhor — cada membro da família é presente divino a ser celebrado.
పిల్లలు యెహోవా ఇచ్చే స్వాస్థ్యం,
గర్భఫలం ఆయన ఇచ్చే బహుమానం.
యవ్వనకాలంలో పుట్టిన పిల్లలు
వీరుని చేతిలో బాణాలవంటివారు.
వారితో తన అంబులపొదిని
నింపుకున్నవాడు ధన్యుడు.
గుమ్మంలో తమ విరోధులను ఎదుర్కొన్నప్పుడు
వారు అవమానం పొందరు.
నా ప్రాణమా, యెహోవాను స్తుతించు;
నాలోని సమస్తమా, ఆయన పవిత్ర నామాన్ని స్తుతించు.
నా ప్రాణమా, యెహోవాను స్తుతించు,
ఆయన ఉపకారాలలో ఏదీ మరచిపోవద్దు.
వారి వారసులకు తెలియకుండా వాటిని దాచిపెట్టము;
యెహోవా చేసిన స్త్రోత్రార్హమైన కార్యాలను,
ఆయన శక్తిని, ఆయన చేసిన అద్భుతాలను గురించి
తర్వాతి తరానికి మేము చెప్తాం.
పిల్లల పిల్లలు ముసలివారికి కిరీటం,
తల్లిదండ్రులు వారి పిల్లలకు అలంకారము.
నేను ఈ బిడ్డ కోసం ప్రార్థించాను, నేను యెహోవాను ఏమి అడిగానో, ఆయన నాకు అదే ఇచ్చారు.
కృతజ్ఞత చెల్లించుట, ప్రార్థించుట
మీరు గుర్తుకొచ్చినప్పుడెల్లా నేను దేవునికి వందనాలు చెప్తున్నాను.
మీ వలన దేవుని సన్నిధిలో మేము పొందిన సంతోషమంతటిని బట్టి దేవునికి మీ కోసం కృతజ్ఞతాస్తుతులు ఎంతని చెల్లించాలి?
ప్రజల వంశాల్లారా, యెహోవాకు చెల్లించండి,
మహిమను బలాన్ని యెహోవాకు చెల్లించండి.
పైనుండి వచ్చే ప్రతీ శ్రేష్ఠమైన సంపూర్ణమైన బహుమానం వెలుగును కలిగించిన తండ్రి దగ్గర నుండి క్రిందకు వస్తున్నాయి, ఆయన ఒకచోట నిలబడని నీడల్లా ఎన్నడు మారరు.
ఆయన సంపూర్ణతలో నుండి మనం అందరం కృప వెంబడి కృపను పొందాము.
అప్పుడు స్త్రీలు నయోమితో అన్నారు: "ఈ రోజున నిన్ను విడిపించే సమీపబంధువు ఉండేలా చేసిన యెహోవా స్తుతినొందును గాక. ఇశ్రాయేలులో అతనికి ఖ్యాతి కలుగును గాక! అతడు నీ జీవితాన్ని నూతనపరచి, నీ వృద్ధాప్యంలో నిన్ను ఆదుకుంటాడు. ఎందుకంటే నిన్ను ప్రేమించే, ఏడుగురు కుమారుల కంటే ఉత్తమమైన నీ కోడలు, అతనికి జన్మనిచ్చింది."
నేను ఈ రోజు స్తుతిస్తున్నట్లు,
సజీవులు, సజీవులే కదా మిమ్మల్ని స్తుతిస్తారు;
తల్లిదండ్రులు తమ పిల్లలకు
మీ నమ్మకత్వాన్ని తెలియజేస్తారు.