Agradecimento pela vida
Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.
Moladh gach nì anns a bheil anail an Tighearna. Molaibh-se an Tighearna.
Molaibh-se an Tighearna; mol an Tighearna, O m’anam.
Molaidh mi an Tighearna an cian as beò mi; seinnidh mi cliù dom Dhia am feadh a bhios bith agam.
Oir ghabh thu sealbh air m’àirnean; dh’fhalaich thu mi ann am broinn mo mhàthar.
Molaidh mi thu, oir is uamhasach, iongantach a dhealbhadh mi; is iongantach d’obraichean-sa, agus is ro-fhiosrach m’anam air sin.
Cha d’fhalaicheadh mo chorp uat nuair a rinneadh mi ann an diamhaireachd, a dhealbhadh mi gu h-iongantach ann an ionadan ìochdarach na talmhainn.
Chunnaic do shùilean mo chiad-fhàs anabaich, agus ann ad leabhar sgrìobhadh sìos mo bhuill uile, a dhealbhadh ri ùine, gun aon dhiubh fhathast ann.
Seinnidh mise don Tighearna an cian as beò mi; canaidh mi moladh dom Dhia fhads a bhios bith agam.
Bidh mo smuaintean air milis; nì mi gàirdeachas anns an Tighearna.
Biodh fhios agaibh gur e an Tighearna as Dia ann; is e a rinn sinn, agus cha sinn fhèin; is sinn a shluagh, agus caoraich a ionaltraidh-san.
Thigibh a-steach na gheatachan le buidheachas, na chùirtean le moladh; thugaibh buidheachas dha, beannaichibh a ainm;
Cia luachmhor do choibhneas gràdhach, a Dhè! Uime sin, earbaidh clann nan daoine à sgàil do sgiathan.
Sàsaichear iad gu mòr le saill do thaighe, agus à abhainn do shòlasan bheir thu orra òl.
Oir agadsa tha tobar na beatha; ann ad sholas-sa chì sinne solas.
Molaidh mi thu, a Thighearna, oir thog thu suas mi, agus cha tug thu air m’eascairdean gàirdeachas a dhèanamh os mo chionn.
A Thighearna mo Dhia, ghlaodh mi riut agus shlànaich thusa mi.
A Thighearna, thog thu m’anam a-nìos as an uaigh; ghlèidh thu beò mi, a-chum nach rachainn sìos don t-sloc.
Molaidh mi thu, a Thighearna, lem uile chridhe; cuiridh mi an cèill d’obraichean iongantach gu lèir.
Nì mi aoibhneas agus gàirdeachas annad; seinnidh mi cliù dod ainm, O Thì as àirde.
A’ toirt buidheachais a-ghnàth airson nan uile nithean do Dhia, eadhon an t-Athair, ann an ainm ar Tighearna Iosa Crìosd;
Beannaichte gu robh Dia, eadhon Athair ar Tighearna Iosa Crìosd, a bheannaich sinne leis gach uile bheannachadh spioradail ann an ionadan nèamhaidh ann an Crìosd;
Buidheachas do Dhia airson a thìodhlaic do-labhairt.
A’ tabhairt buidheachais don Athair, a rinn sinn iomchaidh a-chum a bhith nar luchd-compàirt de oighreachd nan naomh anns an t-solas:
A shaor sinn o chumhachd an dorchadais, agus a dh’atharraich sinn a-chum rìoghachd Mac a ghràidh-san:
Anns a bheil againn saorsa tre a fhuil, eadhon maitheanas nam peacaidhean:
Neach as e ìomhaigh an Dè neo-fhaicsinnich, ciad-ghin a’ chruthachaidh uile:
Oir is ann leis-san a chruthaicheadh na h-uile nithean, a tha air nèamh, agus a tha air thalamh, faicsinneach agus neo-fhaicsinneach, mas àrd-chathraichean iad, no tighearnais, no uachdaranachdan, no cumhachdan; is ann leis-san agus air a shon-san a chruthaicheadh na h-uile nithean:
Agus tha esan ro na h-uile nithean, agus trìdsan tha na h-uile nithean a’ co-sheasamh.
Nuair a dh’itheas tu agus a shàsaichear thu, an sin beannaichidh tu an Tighearna do Dhia airson an fhearainn mhaith a thug e dhut.
Thagair thusa, O Thighearna, cùisean m’anama; shaor thu mo bheatha.
Chaidh mi sìos gu ìochdar nan slèibhtean; dhruid an talamh a croinn gu bràth orm: gidheadh thug thusa a-nìos as an t-sloc mo bheatha, O Thighearna mo Dhia.
Nuair a dh’fhannaich m’anam an taobh a-staigh dhìom, chuimhnich mi air an Tighearna; agus thàinig m’ùrnaigh ad ionnsaigh, gud theampall naomh.