Agradecimento pela vida

20 وأُشْكْرُوا اللَّهْ الآبْ فِي كُلْ وَقْتْ وعْلَى كُلْ شَيْ بْإِسْمْ رَبْنَا يَسُوعْ المَسِيحْ.

بَرَكَاتْ اللَّهْ الِّي فِي المَسِيحْ

3 مُبَارَكْ اللَّهْ بُو رَبْنَا يَسُوعْ المَسِيحْ، الِّي بَارِكْنَا عْلَى طْرِيقْ المَسِيحْ بْكُلْ بَرْكَة رُوحِيَّة فِي السْمَاوَاتْ،

15 لِلَّهْ الحَمْدْ عْلَى هْدِيْتُو الِّي مَا تِتُوصِفْشْ!

12 وحَامْدِينْ الآبْ الِّي رَدْكُمْ تِسْتَاهْلُوا بَاشْ تْشَارْكُوا فِي وَرْثِةْ القِدِّيسِينْ فِي مَمْلَكْةْ النُّورْ. 13 هُوَّ الِّي نَجَّانَا مِنْ سُلْطِةْ الظْلَامْ وحَطْنَا فِي مَمْلَكْةْ إِبْنُو الِّي يْحِبُّو، 14 الِّي فْدَانَا عْلَى طْرِيقُو وغْفَرْ ذْنُوبْنَا.

حْقِيقِةْ الإِبْنْ

15 والإِبْنْ يَعْطِي صُورَة صَادْقَة عْلَى طَبِيعِةْ اللَّهْ الِّي مَا يِتْشَافِشْ،

وهُوَّ البِكْرْ، وفُوقْ كُلْ مَا تِخْلَقّْ.

16 بِيهْ تِخْلَقّْ كُلْ شَيْ:

الِّي فِي السْمَاء ولِّي عَالأَرْضْ،

الِّي يِتْشَافْ ولِّي مَا يِتْشَافِشْ:

مُلُوكْ وَلَّا أَسْيَادْ

وَلَّا رُؤَسَاءْ وَلَّا سْلَاطِينْ.

كُلْ شَيْ تِخْلَقّْ بِيهْ ولِيهْ.

17 هُوَّ مَوْجُودْ قْبَلْ كُلْ شَيْ،

وفِيهْ كُلْ شَيْ يْدُومْ.