Agradecimento pela vida

6 YaꞋan ili ya ayinviki ra̱ka̱ i cikpa Vuzavaguɗu.

Cikpai Vuzavaguɗu.

1 Cikpa Vuzavaguɗu,

cikpa Vuzavaguɗu, wuma u va̱.

2 Mi ta̱ a ku cikpa Vuzavaguɗu ayin a wuma u va̱ ra̱ka̱,

Mi ta̱ a kucanana vishipa

vu kucikpa Ka̱shile ka̱ va̱ ali mi baci n wuma.

13 Avu ɗa vu yaꞋin ili i ka̱tsuma̱ i va̱,

avu ɗa vu yaꞋin mu a̱ ka̱tsuma̱ ka̱ a̱na̱ku a̱ va̱.

14 N cikpa wu ta̱,

adama a tsu na vu yaꞋin mu,

ili wovon i ɗa n ili mereve.

Ulinga u nu ili i mereve i ɗa,

n yeve ta̱ n ka nanlo mayin.

15 Etele a ikyamba a̱ va̱,

i usokongi wa̱ a̱ nu ba,

ana a yaꞋin mu usokongi,

ana a yaꞋin mu a̱ ka̱yimbi.

16 Vu ene mu ta̱ kafu a matsa mu

ayin a na a zuwakai mu n kuyaꞋan,

i ta̱ uɗani a katagarda ka̱ nu,

kafu a̱ gita̱ kuyaꞋan vuza te a̱ ka̱tsuma̱ ke le.

33 Mi ta̱ a kuyaꞋan vishipa u Vuzavaguɗu

a wuma u va̱ dem,

mi ta̱ a kuyaꞋan vishipa vu kucikpa u Ka̱shile ka̱ va̱

a ayin a wuma u va̱ dem.

34 YaꞋan kusheshe ku va̱ ku zuwa yi ma̱za̱nga̱,

ka̱ta̱ mpa tamkpamu

n yaꞋan ma̱za̱nga̱ u Vuzavaguɗu.

3 I yeve a na Vuzavaguɗu a̱yi ɗa Ka̱shile,

a̱yi ɗa u yaꞋin tsu, a̱tsu aza a̱ ni a ɗa,

a̱tsu uma a̱ ni a ɗa n ushiga u ni.

4 Uwai utsutsu wa̱ A̱Ꞌisa̱ a gbayin a̱ ni n kucikpa.

ulanga u kpaꞋa ku ni n kucikpa

I cikpa yi ka̱ta̱ i neke kula ku ni tsugbayin.

7 Ka̱shile,

nu n yiɗa̱i a ku gisanku ugain wu ucigi u nu u na u tsu sabaꞋa ba?

Uma a̱ tsu ciya̱ ta̱ ubuta̱ u kusheɗeku a ɗaka vu evelyu a̱ nu.

8 A ci yaꞋan ta̱ ka̱ɗiva̱ n ka̱bunda̱i ki ilikulyaꞋa i na yi A̱Ꞌisa̱ a gbayin a̱ nu,

vu tsu neke le ta̱ mini moku soꞋo o kuɗolu ku kasingai ku nu.

9 Avu ɗa a̱shi a̱ mini a na e ci neke wuma,

n kutashi ku nu ku ɗa tsu ce ene kutashi.

Ishipa i kucikpa adama a kupotsokpo

1 Vuzavaguɗu, mi ta̱ a kucikpa wu,

adama a na vu wawa mu ta̱,

ɗa vu sa̱nka̱i irala i va̱ i lyaꞋa mu.

2 N folono ta̱ uɓa̱nki wa̱ nu,

Vuzavaguɗu Ka̱shile ka̱ va̱,

ɗa tana vu potsokpoi mu.

3 Vuzavaguɗu, vu isa mu ta̱ a̱ ubuta̱ wu ukpisa̱,

adama a na n ka̱na̱ ta̱ ɗe uye a̱ kugida̱la̱ e kpenle,

ama ɗa vu isai mu.

Ucikpi u Ka̱shile adama afada a mayun.

1 Vuzavaguɗu, mi ta̱ a kucikpa wu n ka̱ɗu ka̱ va̱ ra̱ka̱,

mi ta̱ a kudansa ili i mereve i na vu yain.

2 MalaꞋimili dem, mi ta̱ a kuyaꞋan ma̱za̱nga̱ adama a̱ nu.

Mi ta̱ a kuyaꞋan ishipa n cikpa kula ku nu.

10 Ɗa baci i lyaꞋi ɗa i cuwa̱i, ka̱ta̱ i cikpa Vuzavaguɗu Ka̱shile ka̱ ɗa̱ adama a iɗika i singai i na u nekei ɗa̱.

6 N liɓai a mala ra̱ka̱-ra̱ka̱ ali ɗa n cinai akpanlai, a̱ ɓa̱ya̱ngi mu a̱ ubuta̱ u kuyongo wa̱ a̱kpisa̱. Ama avu Vuzavaguɗu Ka̱shile ka̱ va, vu uta̱ka̱i mu punu a kpenle ku nanlo n wuma. 7 Ana me enei adanshi wuma u va̱ wi ta̱ a kukasa, ɗa n ciɓai n Vuzavaguɗu, avasa a̱ va̱ kpamu a banai wa̱ nu ɗe a A̱Ꞌisa̱ a ciɗa.