Agradecimento pela vida
Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.
Esalebe liligi huluane! Hina Godema nodoma!
Hina Godema nodoma!
Sia: ama dagoi
Hina Godema nodoma!
Na dawa:su amoga Hina Godema nodoma!
Na da esalobawane,
na esalebe we huluane Godema nodone gesami hea:su hamonanumu.
Di da na da:i huluane hahamoi.
Di da na da:i huluane na:me ea hagomo ganodini disisi.
Dunu huluane da Diba:le beda:mu da defea.
Amaiba:le, na Dima nodosa.
Dia hamobe huluane da degabo amola noga:idafa.
Amo huluane na dawa:.
Di da na gasa na:me ea hagomo ganodini noga:le hahamone, disisilaloba,
na da amogawi wamowane alelaloba, na da amogawi esaloba,
Di da na dawa:digi dagoi.
Na da hame lalelegeiawane, Dia na dawa:i.
Na da hame lalelegeiawane na esaloma:ne ilegei,
amo Di da Dia meloa amo ganodini dedene legei.
Na esalusu huluane amo ganodini,
na da Hina Godema gesami hea:le gala:lumu.
Na da esalea, na da na Godema nodone gesami hea:le gala:lumu.
E da na gesami hea:le gala:be, amo hahawane ba:mu da defea.
Bai na hahawane hou da Hi iabeba:le fawane nama iaha.
Hina Gode da Godedafa.
Amo maedafa gogolema!
E da nini hahamoi, amola nini da Ea:.
Nini da Ea fi dunu, amola Ea sibi wa:i gala.
Debolo logo holei amoga nonodona golili sa:ima.
Debolo diasu gagoi amo ganodini nonodona golili sa:ima.
Ema hahawane nodone, Ea Dio gaguia gadoma.
Gode! Dia mae fisili asigidafa hou da bidiga lamu hamedei galebe!
Ninia da Dia ougiaha gaga:su ba:sa.
Dia da ninima ha:i manu bagohame iabeba:le, ninia da sadini naha.
Dia noga:idafa hou da hano agoane, amola ninia da amo moma:ne,
Dia da logo doasisa.
Di da esalusu huluane ea baidafa gala.
Amola Di da Hadigidafa.
Amaiba:le, ninia da hadigi ba:sa.
amola moloidafa hou hamonanebe, ilima asigima!
Hina Gode! Na da Dima nodosa!
Bai Dia da na gaga:i dagoiba:le.
Amola Di da nama ha lai dunu
ilia nama hidale habosesesu logo hedofai dagoi.
Na Hina Gode! Na da Dia fidima:ne Dima dini i.
Amola Di da na uhinisi dagoi.
Di da na bogosa:besa:le gaga:i dagoi.
Na da bogosu hagudu amoga ahoanu galu, be Di da na bu esaloma:ne hamoi.
Hina Gode! Na dogo huluane amoga Dima nodosa.
Amola hawa: hamosu noga:idafa Dia hamoi amo na da sisa:i lamu.
Di galebeba:le, na da hahawane gesami hea:mu.
Gasa Bagade Gode! Na da Dima nodone gesami hea:mu.
Liligi huluane amola hou huluane, dilima doaga:beba:le, Hina Gode Yesu Gelesu Ea Dioba:le, Ada Godema nodone sia:ne gadoma.
Ninia Hina Yesu Gelesu Ea Gode amola Ada, Ema nodone dawa:mu da defea. E da hahawane a:silibu hou, Hebene soge ganodini diala houdafa, amo ninima i dagoi.
Gode Ea Mano da bidi huluane baligi dagoi. Gode da amo Mano ninima iabeba:le, ninia Godema nodomu da defea.
Gode da Ea hadigi gasa amoga gasa bagade hou dilima ima:ne, na da dawa:lala. Amasea, se nabasu liligi dilima doaga:sea, dilia mae da:i dione, mae dafane esalumu. Gode da dili ea Hadigi Hinadafa Hou amo ganodini esaloma:ne, dilia hou afadenei dagoiba:le, dilia da hahawane mae fisili Ada Godema nodone sia:mu. Ninia da musa: gasi ganodini esalu. Be E da nini oule asili, Ea dogolegei Manodafa amo Ea Hinadafa Hou ganodini esaloma:ne, gaga:i dagoi. Yesu Ea hawa: hamobeba:le, ninia se iasu diasu logo da doasi dagoi. Bai ninia wadela:i hou da gogolema:ne olofoi dagoi.
Gode da a:silibu. Amaiba:le Ea da:i hodo ninia hame ba:sa. Be Yesu Gelesu da Gode amola Ea da:i hodo amola hou da ba:su liligi. E da Gode Ea magobo mano. Yesu da Gode Ea hahamoi liligi huluane baligisa. Yesu Gelesu Ea hawa: hamobeba:le, Gode da liligi huluane Hebene ganodini amola osobo bagade ganodini, hahamoi dagoi. Ba:su liligi, hame ba:su liligi, a:silibu ouligisu dunu, gasa liligi amola gamane ouligisu dunu, huluane Yesu Gelesu Ea hawa: hamobeba:le amola amo liligi huluane Ea ouligima:ne, Gode hahamoi dagoi. Yesu da liligi huluane hame hahamoi eso amoga esalu. E da liligi huluane mae muguluma:ne gagusa.
Dilia hanai defele ha:i manu bagade ba:mu amola Hina Gode da dilima soge noga:idafa ia dagoiba:le, dilia da Ema nodone sia:mu."
Di da na esalusu gaga:musa: misini,
na esaloma:ne hamoi.
Na amo hano haguduga goumi, dabua gadonini dala gududafa doaga:i,
amo soge amoea, na masunu gogolele, logo ga:si dialu.
Be amomane Hina Gode Bagade, Di da na Godedafa, Dia na bu laiba:le.
Amola, luguduga lale, na esaleawane bu walesi.
Hina Gode! Na dawa:loba, na da bogomu gadenei agoai ba:i.
Be amomane, na Dima dafawane dawa:i.
Amola na Hina Gode, Dima sia:ne gadoiba:le,
Di da Dia hadigi Debolo Diasu ganodini nabi.