Agradecimento pela vida
Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.
Pas’a shemppatuu ubbatuu,
Med’inaa Godaa galatino!
Med’inaa Godaa galatite!
Med’inaa Godaa galatite!
Ta shemppattee Med’inaa Godaa galataa!
Ta de’uwaa laytsaa ubbaan,
taani Med’inaa Godaa galatana;
taani de’eedda keenan ubbaan
ta S’oossaa sabbana.
Neeni ta giddo asatetsaa ubbaa med’d’aadda;
ta aatti uluwaan taana neeni waas’a med’aadda.
Neeni taana malalissiyaabaanne ooratsabaa ootsaade med’d’eedda diraw,
taani neena galatay.
Ne oosotuu malalissiyaawantta!
Taani k’ay hewaa wurssaade eray.
Taani geema sa’aan med’ettiyaa wode,
ta mek’etsatuu neeppe geemmibeyikkino.
Ta bollay ta aatti uluwaa c’iimmaa giddon
hiillan alleek’k’ettiide oosettiyaa wode,
yelettibeenna ta asatetsaa ne ayifii be’eedda.
Biro ittuunne doomettennan de’ishshin,
taw neeni giigiseedda gallassatuu ubbatuu
ne mazggobiyaan s’aafetteeddino.
Taani ta de’uwaa ubbaan Med’inaa Godaw yes’s’ana;
taani de’eedda laytsaa ubbaan ta S’oossaa sabbana.
Taani Med’inaa Godaan nashettiyaa diraw,
ta k’ofay Aa nashechcho.
Med’inaa Goday S’oossaa gidiyaawaa erite;
nuuna med’d’eeddawe Aa; nuuni aawantta.
Nuuni Aa asatuwaanne Aa k’ooruwaan de’iyaa dorssatuwaa.
Aa penggiyaa galataana,
Aa dabaabaa sabaanna gelite;
Aa galatitenne Aa suntsaa sabbite.
Abeet S’oossaw, aggena ne siik’uu ayiba al"obee!
Asay ne k’efiyaa giddo bak’ati attee.
Unttunttu ne soo gidon palaho maaddappe miide kalliino;
ne keekkatetsaa shaafaappe neeni unttuntta ushshaasa.
Ayaw gooppe, de’uwaa pulttuu ne matan de’ee;
Ne poo’uwaan nuuni poo’uwaa be’eetto.
Abeet Med’inaa Godaw,
neeni taana c’iimmuwaappe kesseedda dirawunne
ta morkkatuwaan, «Hashshu aw» giissabeenna diraw,
Taani neena d’ok’k’u d’ok’k’u ootsana.
Abeet Med’inaa Godaw ta S’oossaw,
neeni taana maaddanaadan, taani neena s’eesaad;
neeni taana patsaadda.
Abeet Med’inaa Godaw, taana duufuwaa beennaadan naagaadda;
Duge c’iimmo ollaan gelennaadan,
neeni taana pas’a ashshaada.
Abeet Med’inaa Godaw, taani neena ta kumentsaa wozanaappe galatana;
Neeni ootseedda maalalissiyaa
ne oosuwaa ubbaakka odana.
Neenan nashettananne hashshu gaana.
Ubbaappe D’ok’k’iyaa S’oossaw,
taani ne suntsaw galataa yes’s’ana.
Nu Godaa Yesuusi Kiristtoosa suntsan, Aawuwaa S’oossaa ubbabaw ubbaa wode galatite.
Ayaanaa anjjuwaa ubbaan Kiristtoosa baggana bolla saluwaan nuuna anjjeedda S’oossaa, nu Godaa Yesuusi Kiristtoosa Aawuwaa, nuuni galateetto.
Zaway bayinna S’oossaa aad’d’o keekatetsaa diraw, S’oossaa galatay gakko.
K’ay S’oossaa naanaatoo giigeedda poo’o kawutetsaa laattanaw, nuuna danddayisseedda S’oossaa Aawuwaa galatite. I nuuna d’umaa wolk’k’aappe ashshiide, bare siik’iyaa Na’aa kawutetsaakko pintseedda. K’ay I bare Na’aan nuuna woziide, nu nagaraa atto geedda.
Kiristtoosi beettena S’oossaa k’onc’c’issiyaawaa; I med’etteeddawaa ubbaappe aad’d’iyaa bayira Na’aa. Ayaw gooppe, ubbabaykka aan med’etteedda; beettiyaawanttu, beettenawanttu, ayyaanatuwaappe beettiyaa wolk’k’aynne godatetsay, d’ok’k’atetsaynne maatay, saluwaaninne sa’aan de’iyaa ubbabaykka Aaninne Aw med’etteedda. I ubbabaappe kase de’eedda; ubbabaykka Aan bare sa’aa sa’aa oyk’k’iide de’ee.
Neeni hewan maade kallana; yaataade, I new immeedda lo"o biittaa diraw, Med’inaa Godaa ne S’oossaa galatana.
Abeet Godaw, neeni ta mootuwaa mootettaade, taana wozaadda.
Taani deri baasetteedda sa’aa duge wod’d’aad; biittaaninne Aa kubuwan med’inaw gorddettad. Shin abeet Med’inaa Godaw, ta S’oossaw, neeni ta shemppuwaa c’iimma ollaappe kessaadda.
«Taani wode, neena Med’inaa Godaa hassayaadi. Ta woosaykka neekko, ne geeshsha Golliyaa Mak’idasiyaa gakkeedda.