Agradecimento pela vida
Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.
De ma sababu nanga Jou Yesus Kristus Awi manara nginika, so o kia bato nia oho ma rabaka hika ngini salalu nia sukuru niatide o Baba Gikimoika.
Ma ngale ma Kristus so o bi laha idala yamake gena o Paulus
awi sukuru o Gikimoika
Ngohi kanaga totemo nanga Jou Yesus Kristus ma Baba gena o Gikimoika, <<Ya, Jou! Ani laha ka ilamo poli.>> Sababu ma ngale ngone dede ma Kristus pomarimoika, so Una Awi laha moi-moi kanaga o sorogaka gena ḋangodu wonahike ḋaboloka.
Hino la ngone nanga sukuru patide o Gikimoika, sababu igogou to Una Awi ngongike gena ḋaloha icarawa.
sidago lo nia sukuru niatide o Baba Gikimoika. Sababu Una waaka la asa idadi, ma orasi ngini o soroga ma nita ma rabaka nigoge, de o moi-moi maro o kia Una wojajajika done asa Awi nyawa yamake o sorogaka, magena lo aku niamakeli. Maro o ngopa moi ma baba awi warisi aku wamake.
O Gikimoi Una magegena o Iblis ma kuasa ma rabano ngone wonasisalamatika, maro o bubutuno o nyawa wasisupuka, de wonatuluru so ma Ngopa widododara to Una Awi pareta ma rabaka kagena powosa. Ma ngale nanga dorou ma ija, ena gena Awi Ngopa wosone, so ngone nanga dorouno asa wonapalako de nanga dorou lo aku wosiapongu.
Ma Kristus Una Awi jamani gena
imatero de ka to Gikimoi,
gena Una powikokelelowa.
Nako o moi-moi isidadadika ḋangodu,
ma Ngopa Una womatetengo
kanaga foloisi wolamo.
Sababu ka Una magena so
o bi moi-moi ḋangodu idadika,
o moi-moi kanaga o sorogaka
so ḋangodu pakokelelowa,
de o moi-moi ḋangodu o duniaka
so paaku pakeleloka,
komagena o bi gurumi lo
ḋangodu ikokuasa de ipopareta lo.
Una gena foloisi wolamoli
ma sababu o moi-moi ḋangodu wosidadi
ma ngale Una iwisigiliri.
Magena igogou de itetero,
sababu ka ma nonomasi
o kia naga moi lo ihiwasi
de Una masirete he kanagaka,
de sababu Una Awi kuasa so o moi-moi ḋangodu wosirimoika.