Agradecimento pela vida

Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.

6 Nii kpein é yɛnvuzu, naa pɛ ge Ɠɔoɠɔ GALAGI maamusɛ!

À Ɠɔoɠɔ GALAGI maamusɛ!

Salmos 150:6

Màliɠii ɠa ɗa faa zɔlegai ɠɛ zobobɛlala nuiti bɛ

1 À Ɠɔoɠɔ GALAGI maamusɛ!

Nà Ɠɔoɠɔ GALAGI lɛbizu ga zìimaʋɛ pɛ!

2 Nà yɛ Ɠɔoɠɔ GALAGI lɛbizu sìi ma voloi pɛ su,

nà nà-GALAGI lɛbi ga guye wooi, ni nà dɛ nɔ vulua.

Salmos 146:1,2

13 Kɛʋelei gè su, ɗa ɠa è kpɛ̀tɛai ɠana,

ɗa ɠa è fɛ̀lɛni dèe ɠoozu.

14 È mama kɛ̀ɛzu ga kpɛtɛanii gola vizɔgai,

ɗa laavɔɔ vaa wolaiti kɛɛzu, gè naa zuɠwɛɛ ga pagɔ.

15 Dɔɔɠuzu ada la ɠɛni kpùsɛi ʋa è ɠaazu,

siɛgi zu è ɠɛni kpɛ̀tɛzu la dɔɔɠuzu,

è ɠɛai ma fɛ̀lɛzu zooi ɓomaʋɛ.

16 Siɛgi zu gè ɠɛni la dɛ dèe ɠoozu, è ɠɛni kàazu,

foloi liegɔi è kpɛtɛni bɛ̀, naa zɛʋɛʋɛ ɗa-zɛʋɛi zu,

naazu ti tanɔpɛ ge la ɠɛni dɛ tɔɔzeini.

Salmos 139:13-16

33 Nà pɔ gè ɗa guyei loo Ɠɔoɠɔ GALAGI ʋɛ, nà-eteai pɛ su,

nà guyei loo nà-GALAGI ʋɛ, sìi ma voloi pɛ su.

34 Nà-kidafaawu wuyei nɛ tɔun bɛ!

Nɔ̀un nà, nà ɠoozunɛɛzu Ɠɔoɠɔ GALAGI ʋɔ.

Salmos 104:33,34

3 À suɠwɛɛ ga Ɠɔoɠɔ GALAGI ɠila ka é ga GALAGI!

Tɔ ɠa é de ɓɛtɛa, da ga nɔnɔiti,

da ga ná-nuɓusɛiti, ná-baala kpulugi é kɔnɔkulazu.

4 À lɛ ná-siɠidaʋɛti ga faanɛɛ wuuɠwɛɛgaiti,

à lɛ ná-koizuʋɛti ga maamusɛi!

À dɛbi, wo mamagi ve bɛ!

Salmos 100:3,4

7 Ɗa-lelebodai ɠaaɠoozaʋɛ, eɠɛʋelei gize ɠaaɠoozagiti ti la,

ɗa-leveiti kpoma ɠoozaʋɛ, eɠɛʋelei kpoloɗɛiti buuzeiɗai la,

ee, Ɠɔoɠɔ GALAGI, ɗa ɓaazu nuiti maazu ta suaiti.

8 Ee, GALA, ɗa-wooɠɛɠiladai wola ʋagɛ!

Nuɓusɛiti ta lɔɔɠuzu è-ɠoʋegiti ma niinigi wu.

9 Ɗa ɗa-ʋɛlɛi wu vaaɓɔɠɔi ɠɛɛzu ti ʋɛ, ta sɔlɔɔ é ʋooʋa ti ma,

ti ɓɔɔle ga ɗa-nuɓɔɠɔlai ma ɗɛ wola ʋagɔi.

Salmos 36:7-9

È zɛ̀nvui vea zèa ʋolu

1 GALA sei ʋɛlɛi laalao guyei. Davide ná-guyei.

2 Ee, Ɠɔoɠɔ GALAGI, nà è maamusɛzu,

mazɔlɔɔ è kùlaa zeɠe ɓokulagi zu.

È la vaani bu, sìli nuiti ti ʋa ɗa ɲɛɛɠula sù.

3 Ɠɔoɠɔ GALAGI, nà-GALAGI, gè è loligɛ ga è ɓɔ bà,

ɗa ma, è bàloʋɛ.

Salmos 30:1-3

GALA sɔlegɛ

1 Guye loo ɠundiɠii nɔnɔi ʋe. Nii é loozu é zoloo guye wooi ma, nii daa ga: «Zunu loin ná-saai». Davide ná-guyei.

2 Nà Ɠɔoɠɔ GALAGI maamusɛ ga zìimaʋɛ pɛ,

nà ɗa-vaa ʋagɔi kpein bo.

Salmos 9:1,2

20 À mamagi ve yeenɔpɛ Ɠɛɛɠɛ GALA bɛ fai pɛ su, ade-Maliɠii Yesu Kilista laaseigi zu.

Efésios 5:20

GALA ná-faaɓɔɠɔi ɓela ge la ba

3 Mamagi ɠa de-Maliɠii Yesu Kilista Kɛɛɠɛ GALA bɛ, é tuya looni ade ʋɛ ga zɛnvu zu luyai ma zii pɛ, niiti ti zeɠezu geeɠɔlɔgi zu, ada-ɠilibalai maaʋele ma da Kilista.

Efésios 1:3

15 Mamagi ɠa GALA bɛ ná-vebɛanii vaa zu, nu la pokɔɠɔga ani nɔpɛ ma!

2 Coríntios 9:15

12 À Ɠɛɛɠɛ GALA mama ga koozunɛɛi. Tɔ ɠa é zobo fea wo ʋɛ, ga wo wɔnɔ zɔlɔɔ poganiiti su, ti makɛgai wozakalagi ma masadai zu naati bɛ, ti ga ná-nuiti. 13 É ade ɠulaa kpidii ná-zobogi ya, é li ga deye nɛɛbɛ Loun Zunui ná-masadai zu. 14 De unmɔɔgi zɔlɔɔga ga tɔun maaʋele, é ade zuvaayɛ ga da-ɠotoiti.

Kilista ɠɛʋelei ta ná-botii

15 GALAGI nu la kaazu, Kilista ɠa é ga naa maaniinigi. Tɔ ɠa é ga Doun Zunu Mɔungi, bɔɔlɔai kpɛtɛanii pɛ ba. 16 Mazɔlɔɔ GALA ge aniiti kpein kpɛtɛni ga Kilista maaʋele, geeɠɔlɔgi zu, zooi ma, niiti nu a ti ɠa ga ɠaazu, ta niiti nu la ti ɠa ga ɠaazu, masadaiti, maliɠilaiti, kundiɠilaiti, zobodaiti. GALA ge anii pɛ kpɛtɛni saɓui zu, ta tɔun bɛ. 17 Kaite toɠa ná aniiti pɛ tuɠɔ, ti pɛ ta ɠɛʋele ma tɔun saɓui zu.