Agradecimento pela vida
Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.
Shempora de7iya ubbay
Godaa galatite!
Goday galatetto!
Kawotan Ammanetofite
Godaa galatite!
Ta shempe Godaa galata!
Ta de7o laytha ubban Godaa galatana;
ta de7ida wode ubban ta Xoossaa sabbana.
Neeni ta giddo asatethaa medhadasa;
ta aaye ulon tana neeni tiladasa.
Neeni tana malaalsiyabanne
yegelsi oothada medhida gisho,
taani nena galatayis.
Ne oosoti malaalsees!
taani hessa loythada erayis.
Taani geema bessan medhetiya wode,
ta meqethay neepe geemmibeenna.
Ta asatethay ta aaye ulon ciimmo giddon
hiillan alleeqetidi oosetiya wode,
ne ayfeti giigonna ta asatethaa be7idosona.
Buroo issoyka doometonna de7ishin,
ne taw buzoyida gallasa ubbay
ne mazgaben xaafetidosona.
Ta de7o laytha ubban Godaas yexana;
ta paxa de7iya wode ubban ta Xoossaa zammarana.
Taani Godan ufaytiya gisho,
ta qofay iya ufayso.
Goday Xoosse gideysa erite;
nuna medhiday iya; nu iyabaa;
nuuni iya asenne iya qooron heemetiya dorsata.
Iya pengiya galatara gelite,
iya dabaaba sabara biite;
iya galatitenne iya sunthaa anjite.
Xoossaw, ne siiqoy ay mela al7o!
Asay ne qefiya garsan qosetidi attees.
Enti ne gibiraape midi kalloosona;
ne keehatetha shaafape uyidi aloosona.
De7o pultoy neepe keyees;
ne poo7uwan nuuni poo7o be7oos.
Qohope Attida Asa Galata
Abeeti Godaw, ne tana ollafe kessida gishonne
ta morketi ufaytonna mela oothida gisho,
ta nena dhoqu dhoqu oothana.
Abeeti Godaw, ta Xoossaw tana maaddana mela,
ta nena xeegin ne tana pathadasa.
Abeeti Godaw, duufo gelonnaada tana naagadasa;
ollan wodhonnaada tana paxa ashshadasa.
Iitata Bolla Yaana Pirda
Abeeti Godaw, ta nena ta kumetha wozanaape galatana;
neeni oothida malaalsiya ooso ubbaa odana.
Taani nenan ufaytana hashshu gaana.
Ubbaafe Dhoqa Xoossaw,
taani ne sunthaas galata mazmure yexana.
Nu Godaa Yesuus Kiristoosa sunthan ubba wode Xoossaa Aawa ubbabaas galatite.
Kiristoosan de7iya ayyaana anjuwa
Salon de7iya ayyaana anjo ubban Kiristoosa baggara nuna anjida, nu Godaa Yesuus Kiristoosa Aaway, Xoossay galatetto.
Zawi bayna Xoossaa imuwas Xoossay galatetto.
Qassi geeshshata poo7o kawotethaa laattana mela hintena oothida Aawa galatite. I nuna dhuma wolqaafe ashshidi ba dosiya na7aa kawotethaako ehis. Iyan wozetidi iya suuthan nagara atotethi demmida.
Kiristoosi bentonna Xoossaas tuma leemiso. I medhetetha ubbaafe bayra. Ubbabay iya baggara medhetis. Bentiyabatinne bentonnabati, wolqatinne godati, haareysatinne maata aawati, saloninne sa7an de7iya ubbay iyawunne iya baggara medhetis. I ubbabaape kase de7ees. Ubbabay iyan ba bessan bessan oyketidi de7ees.
Ne mada kallida wode new I immida lo77o biitta gisho, Godaa ne Xoossaa galata.
Abeeti Godaw ne ta mootuwa mootetada tana wozadasa.
Taani haatha garsan de7iya dereta baasuwa gakada mitettas,
biitta wulay merinaw ta bolla gordetis,
Shin ta Godaw Xoossaw, neeni ta shempiw iita ollafe kessadasa.
Ta shempiya doccida wode,
Godaw ta nena qopas;
ta woosay neeko ne Geeshsha keethaa gakis.