Agradecimento pela vida
Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.
Te, nono Yaglno Kade Jisas, God Kere Yugwa Yagl i kogon erumara i pre ene God Nem ege ege di wakai yei teo. Jisas kogon erumara i mina God ene taragl wakai kane kane ere togwa pre ene ege ege ye taragl mudu erukwa i poglo di prisre, ye di wakai yei teo.
Jisas mina God ere wakai ere norukwa
Ana nono Yaglno Kade Jisas Krais Nem, Godmo i, kagie kade tenamga paugwa. Ye Kere Yugwa Yagl kogon erumara i mina nono kiano mina wakai moraiglmedi heven taragl mudu noro kodugwa.
Ana God taragl wakai wakai norukwa i, nono erme drano mina mudu ta dinamga i, kuno ta erekrabuka. Ba ye taragl mere kide kaima norumara i pre nono ye di wakai yei tenamga paugwa.
Neno Kade di wakai yei tenaiglmedi kamage erubuglka. Neno Kade pre diga i, yene dumo ta abuglage podo paugo sugl moglmara i, God yobama taragl wakai wakai inaiglkwa i, ene ama akie inaiglmedi di paduglkwa.
Okna yagl kide mim erumara bitno moglko, nono atne munga ba Neno Kade nono mogl pai mogl dinaiglmedi no ere yugwa. No ere idre, i pi dumo wakaile ye Wam sugl moglmara suna edugo, munga. Ye Wam, dem muduo podo togwa ikra. Mungo, ye Wam kogon erumara i mina nono topo si ikne edidre, tadaglmeno gugl ede noro kodugwa.
Pol Krais siragl mere moglkwa pre dugwa
God siragl mere moglkwa yoba kankrikwa ba Krais ye kuno kaima i nogugl ede norsre, te, God taragl mudu ere yogwa i, Krais mogl mitna kaima ede tedre, bitno moglkwa. I siragl pre God taragl kane kane ere yenagledi prukwa i, God ye Krais dedugo, Krais taragl mudu ere yogwa. Taragl ta makandigle meglkwa mo heven ibo meglkwa i, ya te, nono gumuglno mina kanumga mo kankrumga i, Krais mudu ere yogwa. Angelo tau yobuglno podo paugo, ye taragl tau bitno mogl, sugl meglkwa i ama pra, Krais ye ere yogwa pre taragl kane kane i, ye swara pre meglkwa ya paigwa. Taragl kane kane i, moglkre, paikre, erikwa igne, Krais swara moglkwa. Te, erme Krais swara sugl moglmara taragl kane kane atne wakai mogl paigwa.
Na ede atne eiga i, makan muglo yei, ede nigl atne ime eimara mabunomugl pidre, dumo ta aimadi panaglka mere yegl moglka. Na yoba geglkwa pai meglmara mere yegl moglka ba Yawe, ene na Godna motnga i, ene na kor morabedi na i kor edidre, i ede egli uniwe di, yegl dugwa.
Jona ka yegl didre, ka ta ama yegl dugwa, Yawe yo, na goragledi ere, ene poglo di prisre, kamage ere teiga. Kamage ere teigo, na kana ede pi ene yugunen i pere edinga i yugugl motnara ogo, ene pitnga.