Agradecimento pela vida

Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.

6 Kĩndũ gĩothe kĩrĩ mĩhũmũ nĩkĩgooce Jehova.

Goocai Jehova.

Salmos 150:6

Kũgooca Ngai nĩ ũndũ wa Ũteithio Wake

1 Goocai Jehova.

Wee ngoro yakwa-rĩ, gooca Jehova.

2 Ndĩgoocaga Jehova hĩndĩ ĩrĩa yothe ngũtũũra muoyo;

ndĩrĩinaga, ngoocage Ngai wakwa rĩrĩa rĩothe ngũtũũra muoyo.

Salmos 146:1,2

13 Nĩgũkorwo nĩwe wombire ciĩga ciakwa cia na thĩinĩ;

wanyiitithanirie ndĩ o nda ya maitũ.

14 Nĩngũkũgooca nĩ ũndũ mũũmbĩre ũrĩa nyũmbĩtwo naguo

nĩ wa kũmakania na wa magegania;

ciĩko ciaku nĩ cia magegania,

niĩ mwene nĩnjũũĩ ũguo o wega.

15 Mahĩndĩ makwa matiahithĩkĩte harĩwe,

rĩrĩa ndoombĩirwo kũrĩa kũhitharu.

Rĩrĩa ndanyiitithanagio hamwe ndĩ thĩ kũrĩa kũriku mũno-rĩ,

16 maitho maku nĩmonaga mwĩrĩ wakwa ũtanombwo biũ.

Matukũ mothe marĩa nyamũrĩirwo

nĩmandĩkĩtwo ibuku-inĩ rĩaku

o na mbere ya ũmwe wamo kũgĩa.

Salmos 139:13-16

33 Ngũtũũra nyinagĩra Jehova matukũ mothe ma muoyo wakwa;

ndĩrĩinaga ngĩgoocaga Ngai wakwa hĩndĩ ĩrĩa yothe ngũtũũra muoyo.

34 Jehova arokenio nĩ mecũũrania makwa,

rĩrĩa ndĩrĩkenaga nĩ ũndũ wake.

Salmos 104:33,34

3 Menyai atĩ Jehova nĩwe Ngai.

Nĩwe watũũmbire, na ithuĩ tũrĩ ake,

tũrĩ andũ ake, ngʼondu cia ũrĩithio wake.

4 Tonyerai ihingo ciake mũrĩ na ngaatho,

mũtoonye nja ciake mũkĩmũgoocaga;

mũcookeriei ngaatho na mũgooce rĩĩtwa rĩake.

Salmos 100:3,4

7 Hĩ! Kaĩ wendo waku ũrĩa ũtathiraga nĩ wa goro mũno-ĩ!

Andũ othe anene na anini

moragĩra kĩĩgunyĩ-inĩ kĩa mathagu maku.

8 Marĩĩaga makaigania kuumana na ũingĩ wa nyũmba yaku;

ũmaheaga gĩa kũnyua kuuma rũũĩ-inĩ rwaku rwa gĩkeno.

9 Nĩgũkorwo gĩthima kĩa muoyo kĩrĩ kũrĩ we;

ũtheri-inĩ waku nĩho tuonaga ũtheri.

Salmos 36:7-9

Ihooya rĩa Gũcookia Ngaatho

1 Wee Jehova-rĩ, nĩngũgũtũũgĩria

nĩgũkorwo wandutire kũrĩa kũriku,

na ũkĩgiria thũ ciakwa ingenerere.

2 Wee Jehova Ngai wakwa,

ndagũkaĩire ũndeithie nawe ũkĩĩhonia.

3 Wee Jehova, wandutire kuuma mbĩrĩra-inĩ;

ũkĩgiria njikũrũke, ndoonye irima.

Salmos 30:1-3

Wathani wa Ngai wa Kĩhooto

1 Wee Jehova, nĩngũkũgooca na ngoro yakwa yothe;

nĩngũgana maũndũ maku mothe ma magegania marĩa wĩkĩte.

2 Nĩngũcanjamũka na ngene nĩ ũndũ waku.

Nĩngũina rwĩmbo ngooce rĩĩtwa rĩaku, Wee Ũrĩ-Igũrũ-Mũno.

Salmos 9:1,2

20 na mũcookagĩrie Ngai o we Ithe witũ ngaatho maũndũ-inĩ mothe, thĩinĩ wa rĩĩtwa rĩa Mwathani witũ Jesũ Kristũ.

Efésios 5:20

Irathimo cia Kĩĩroho thĩinĩ wa Kristũ

3 Atĩrĩrĩ, Ngai, o we Ithe wa Mwathani witũ Jesũ Kristũ, arogoocwo, o we ũtũrathimĩte na irathimo ciothe cia kĩĩroho thĩinĩ wa Kristũ, iria ciumaga kũu igũrũ.

Efésios 1:3

15 Ngai arocookerio ngaatho nĩ ũndũ wa kĩheo gĩake kĩrĩa gĩtangiugĩka na ciugo ũrĩa gĩtariĩ!

2 Coríntios 9:15

12 na mũgĩcookagĩria Ithe witũ ngaatho, ũrĩa ũmũtuĩte aagĩrĩru a kũgaya igai rĩa arĩa aamũre ũthamaki-inĩ wa ũtheri. 13 Nĩgũkorwo Ngai nĩatũhonoketie, agatũruta ũthamaki-inĩ wa nduma, na agatũthaamĩria ũthamaki-inĩ wa Mũriũ ũrĩa endete mũno, 14 thĩinĩ wake-rĩ, nĩtũkũũrĩtwo na tũkarekerwo mehia maitũ.

Ũnene wa Kristũ

15 Ũcio nĩwe mũhianĩre wa Ngai ũrĩa ũtonekaga, na nĩwe irigithathi harĩ indo ciothe iria ciombirwo. 16 Nĩgũkorwo nĩwe wombire indo ciothe: indo iria irĩ igũrũ na iria irĩ thĩ, iria cionekaga na iria itonekaga, o na angĩkorwo nĩ itĩ cia ũnene kana maahinya, kana aathani o na kana arĩa marĩ ũhoti; indo ciothe ciombirwo nĩwe na nĩguo ituĩke ciake. 17 Kristũ nĩwe warĩ kuo mbere ya indo ciothe, nacio indo ciothe itũũraga inyiitithanĩtio nĩwe.