Agradecimento pela vida

Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.

6 Taroakamo bhari-bharia mahaluku modhadhi apuji KAWASANA OPU!

Pujimo KAWASANA OPU!

Salmos 150:6

Tangkanamo KAWASANA OPU Mangatulungina

1 Pujimo KAWASANA OPU!

E inyawaku, pujimo KAWASANA OPU!

2 Iaku bhekupuji

KAWASANA OPU saʼumurua dhadhiku,

tee bhekulaguaka manga lagu kapujia to Aulataʼalaku kangengena dhaangia kudhadhi.

Salmos 146:1,2

13 Roonamo Ingkoo mopadhaangiana bhari-bharia parewana badaku;

Ingkoo mopebhanguiaku i nuncana kadhumana inaku.

14 Iaku kusukuru i Ingkoo roonamo upadhaangiaaku tee cara inda momentela.

Bhari-bharia ipewaumu inda amentela,

tee atotuu-totuu kumataua o giu incia sumai.

15 Manga bukuku ukamatea,

wakutuuna upadhaangiaaku i tampa rahasia,

tee upebhanguiaku i wetana alamu moporitambena mpuu.

16 Ingkoo ukamataaku wakutuu dhaangiapo kumembali satongka raa,

tee i nuncana kitabimu bhari-bharia giu incia sumai padhamo atoburi

to eo-eona mopadhana ipatantuakamu to iaku

wakutuuna indapo aumba saangu eo minaaka i manga incia.

Salmos 139:13-16

33 Iaku bhekulaguaka lagu to KAWASANA OPU saʼumurua dhadhiku;

iaku bhekupuji Aulataʼalaku kananteana dhaangiapo kudhadhi.

34 Maasangia opea ifikiriku amasanaakea incana;

iaku bhekukaunde-unde roonamo KAWASANA OPU.

Salmos 104:33,34

3 Mataumea ande o KAWASANA OPU sumai o Aulataʼala.

Inciamo manga padhaangiana, tee ingkita o pewauana;

ingkitamo o uumatina tee dumba-dumba igembalana.

4 Pesuamo ulaloi bhambana lawana upoose ulaguaka lagu kasukuru,

upesua i aroana Bhanuana Aulataʼala upoose upujia.

Sukurumo i Incia tee upujimo sarona.

Salmos 100:3,4

7 Kabanaramu mboomo gunu momakaa,

manga kambotumu mboomo andalaogena,

E KAWASANA OPU, Ingkoomo modhambaakana maanusia tee binata.

8 Tapanamo kalape o kaasimu molagina, e KAWASANA OPU!

Bhari-bharia maanusia ujagania i nuncana peulusana panimu.

9 Manga incia amambosu akande i Bhanuamu,

tee atarima manga giu momalape mboomo o umala mosiwulu.

Salmos 36:7-9

Doʼa Sukuru roonamo Asalaamati minaaka i Balaa

1 Zaburuna Daud to alaguaka wakutuuna lipuna Israel alimbaisi Bhanua Mangkilo.

2 Iaku kupujiko, e KAWASANA OPU,

sababuna Ingkoo padhamo upasalaamatiaku

tee inda utaroaka musuku asamboakaaku.

3 E KAWASANA OPU, e Aulataʼalaku, iaku kugora i Ingkoo kuemani tulungi

tee Ingkoo mopauntona kapiiku.

Salmos 30:1-3

Kawasana Opu Peulusana Mia Mosaalihi

1 To kapalana molaguna. Mboomo lagu: Matena Samia Ana. Zaburuna Daud.

2 Iaku bhekusukuru i KAWASANA OPU, tee mpuu-mpuuna incaku;

iaku bhekupetulatulaaka bhari-bharia ipewaumu inda momentela.

Salmos 9:1,2

20 upoose uemani sukuru to bhari-bharia giu i Aulataʼala o Amata, i nuncana sarona Isa Al Masi, Oputa Momalanga.

Efésios 5:20

Kabarakati to Manga Mia Motopili

3 Bhari-bharia kapujia to Aulataʼala o Amana Isa Al Masi, Oputa Momalanga mopadhana mobarakatina rohita tee bhari-bharia kabarakati minaaka i sorogaa alaloi Isa Al Masi.

Efésios 1:3

12 sumaimo tee ngangaranda mokaunde-unde ingkomiu uemani sukuru i Amata siitumo Aulataʼala. Incia mopamembalikomiu ulaenga upotibhaaka kadhawu ipasadiaakana to manga mia mosaalihi i nuncana Pamarintana Momainawa. 13 Incia uka mopadhana mangarambasakana minaaka i kuasana kalalanda tee mangapapinda i nuncana Pamarintana Anana imaasiakana. 14 Alaloi Anana sumai Incia mangatolosi, tee aʼamponi manga dosata.

Kalabhiana Al Masi

15 Al Masi satotuuna o gambarana Aulataʼala inda momembalina motokamata tee o Al Masi alabhi minaaka i bhari-bharia mopadhana ipadhaangia. 16 Alaloi Incia, Aulataʼala apadhaangia bhari-bharia giu, malape modhaangiana i sorogaa atawa modhaangiana i dunia, malape motokamatana atawa inda motokamatana, malape mokokauncuramakana, mokokuasana, mokopamarintana, tee mokenina kuasa. Saangua pamarinta i dunia sii, bhari-bharia sumai o Aulataʼala mopadhaangiaia alaloi Al Masi, mamudhaakana o Anana sumai amembali raja to bhari-bharia ipadhaangiana. 17 Incia adhaangia porikana minaaka i bhari-bharia giu tee roonamo Incia bhari-bharia giu adhaangia i tampana sumbesumbere.