Agradecimento pela vida
Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.
Nia manu mo nia daangada mouli huogodoo,
goodou hagaamuina Dimaadua!
Hagaamuina Dimaadua!
Hagaamuina Dimaadua go tadau Dangada Hagamouli
Goodou gi hagaamuina Dimaadua!
Dogu hagataalunga nei, hagaamuina Dimaadua!
Au ga hagahagaamu a God i di waalooloo o dogu mouli,
gei au ga daahili ang gi dogu God i di waalooloo o dogu mouli.
Goe ne hai nia mee huogodoo o dogu huaidina,
gei Goe ne haga noho au i lodo tinae o dogu dinana.
Au e hagaamu Goe i doo hai au hagahumalia ge haga goboina,
au mee huogodoo ala e hai le e haga goboina gei e humalia huoloo.
Au gu iloo eau di mee deenei mai i lodo dogu manawa hagatau.
Di madagoaa hua ogu iwi ne haga noho
hagahumalia gii donu i lodo tinae o dogu dinana,
ga tomo aga i di gowaa ngala, gei Goe gu iloo bolo au gu i golo.
I mua dogu haanau, gei Goe gu gidee au.
Nia laangi ala e mouli iei au la gu hagailongo huogodoo gi lodo dau beebaa,
mo i mua di daamada di laangi matagidagi o dogu mouli.
Au ga daahili ang gi Dimaadua i di waalooloo o dogu mouli.
Au ga daahili e hagaamu dogu God i di waalooloo o dogu mouli.
Au e hiihai bolo God gi manawa tene gi dagu daahili,
idimaa, ma go Mee dela e haga manawa lamalia au.
Heia gi iloo bolo Dimaadua la go God.
Ma go Mee dela ne hai gidaadou, gei gidaadou la nia mee ni Mee.
Gidaadou la nia daangada ni Mee, gidaadou la di hagabuulinga siibi ni Mee.
Ulu adu gi lodo di Hale Daumaha mo di daahili i nia daahili danggee.
Ulu adu gi lodo di gowaa di Hale Dabu mo di daahili hagaamu.
Heia godou danggee ang gi Mee mo di hagaamu a Mee.
Meenei God, e dahidamee behee go do manawa aloho dee modu!
Gimaadou guu gida madau gowaa e duuli ai gimaadou i lala di malu o bakau.
Gimaadou e hai madau hagamiami gi au hagabae meegai ala ne dahi aga,
gaa hai gimaadou gi inu mai i nia monowai o do dumaalia.
Ma dela hua Kooe dela go di hagamau o nia mouli huogodoo.
Idimaa go do maalama, gimaadou gaa mee di mmada gi di maalama.
Talodalo danggee
Au e hagaamu Goe, meenei Dimaadua,
idimaa Goe dela ne haga dagaloaha au, ne hai ogu hagadaumee
gi de gadagada haganneennee au.
Au ne dangidangi adu gi di Goe belee hagamaamaa au,
meenei Dimaadua, go dogu God, gei Goe hogi gu hagamaaloo aga au.
Goe gu benebene au gi daha mo taalunga.
Dogu hana hua gi baahi digau mmade, gei Goe guu hai au gi mouli.
Danggee ang gi God i ono donu
Meenei Dimaadua, au ga hagaamu Goe mai i lodo dogu manawa hagatau.
Au ga hagi aga au hegau haga goboina huogodoo ala ne hai.
Au ga daahili mo di tenetene idimaa Kooe.
Au ga daahili e hagaamu do ingoo, meenei God Koia e Aamua Muginua.
Danggee i nia mee huogodoo gi God Tamana i di ingoo tadau Dagi go Jesus Christ i nia madagoaa huogodoo.
Nia maluagina hagataalunga i lodo Christ
Gidaadou gi danggee ang gi God Tamana o tadau Dagi go Jesus Christ! I tadau buni anga gi Christ, gei Mee gu haga maluagina gidaadou i dana gaamai nia maluagina o di Hagataalunga mai i di langi.
Gidaadou gi hagaamuina a God i dana wanga dehuia kisakis deenei.
Gimaadou e dangidangi bolo goodou gi hai mee gi nia hagadilinga maaloo huogodoo, ala e loomoi i ono mahi madamada, gii mee ai goodou di hai hegau hagamahi i lodo nia haingadaa huogodoo i di hagakono o di manawa mo di tenetene. Danggee gi Tamana i di manawa tene, i Mee dela ne haga honu goodou bolo gii mee di hai mee gi ana mee ala gu dugu anga gi ana dama i lodo tenua maalama. Mee ne haga dagaloaha gidaadou gi daha mo di mogobuna o di bouli, gu dagi mai gidaadou gi lodo tenua o dana Dama dela e aloho ai. Deenei go Mee ne haga dagaloaha gidaadou, dono hadinga bolo ne wwede tadau huaidu huogodoo.
Tangada mo nnegau a Christ
Christ la go di ada o God dela e de gidee. Gei Mee la go Tama madua dela e aamua i nia mee huogodoo ala ne hai. Idimaa, God ne hai nia mee huogodoo mai i Mee, nia mee ala i di langi mo i henuailala, nia mee ala e gidee mo e de gidee, digau di langi mogobuna, mo nia dagi di langi, mo digau aamua di langi mo henuailala. God ne hai nia mee huogodoo mai i Christ, ge ne hai ang gi Mee. Christ guu i golo i mua nia mee huogodoo ne hai. I di buni gi Mee, nia mee huogodoo la gu haga noho hagahumalia gi nadau lohongo.
Di godou madagoaa dela ma ga miami ga maaluu, gei gaa noho manawa lamalia, gei goodou gi hagaamuina Dimaadua di godou God i dana dugu adu gi goodou tenua huwa humalia deenei.
"Meenei dogu Dagi, Goe gu haga dagaloaha au, gu hagamouli au.
Gei au gu hana loo guu noho i tono nia gonduu,
i lodo tenua dela e tai dono abaaba
gaa hana hua beelaa.
Meenei Dimaadua go dogu God,
Goe gu hila mai gi di au,
gu laha aga au gi daha mo di gowaa llala.
Dogu hagalongo ia i di au
bolo dogu mouli la gu ngudu mai,
meenei Dimaadua,
malaa, au gu dalodalo adu gi di Goe,
gei Goe gu hila mai gi di au
i lodo do Hale Daumaha dabuaahia.