Agradecimento pela vida
Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.
Kila kiumbe kili na ugima,
kimtogole Mndewa Imulungu.
Mtogoleni Mndewa Imulungu.
ZABULI YA 146
Mtogoleni Mndewa Imulungu!
Loho yangu mtogole Mndewa Imulungu,
Nomgwaa nhogolwa Mndewa Imulungu muugima wangu wose,
nomwimbila nhogolwa Imulungu wangu siku zose vinikala mgima.
Kwavija gweye iyo ulumbile mgati yangu,
kunilumba mwiinda ya mamangu.
Nokushukulu kwavija kunilumba kwa unzonza mkulu na kudumbiza.
Sang’hano zako za unzonza,
mbuli ayo noijuwa goya.
Lukuli lwangu lwabule kifiso kumwako,
nilumbigwa hanhu hakifiso,
nilumbigwa kwa ufundi mwiinda ya mamangu.
Meso gako gawona lukuli lwangu lung’hali halunakwisha,
na kwandika kila kinhu mkitabu chako,
siku zangu zose kuzipanga,
hata siku ya ichanduso hainakuwa.
Nomwimbila Mndewa Imulungu ugima wangu wose,
nomtambikila Imulungu wangu vivino vinili mgima.
Go Mndewa Imulungu, unogezwe na kugesa kwangu,
kwavija niye nodeng’helela kukujuwa gweye.
Mujuwe kamba Mndewa Imulungu ayo Imulungu.
Heyo ayo yatulumbile na siye twa wanhu zake,
twa wanhu zake na ng’hondolo wake odimigwa.
Ingileni mmilango yake kwa kushukulu,
kuuluwa lwake kwa kumtogola,
mtogoleni na mdigwelele nhogolwa twaga jake.
Unogelo wako hawishaga gweye Mndewa Imulungu, unoga ng’hani!
Wana wa iwanhu okimbilila sisila da mabawa gako.
Okwiguta ukunona kwa ivinhu va mng’anda yako,
na kowagwaa king’waji kulawa kuulwanda lwa ganogile gako.
Kumwako gweye kuna nzasa ya ugima,
kudilenge jako tokona mulenge.
ZABULI YA 30
Gweye Mndewa Imulungu nokutogola,
kwavija kunikombola,
huwalekile iwanhu onihila waniseke.
Gweye Mndewa Imulungu, Imulungu wangu,
nikulilila unitaze,
na gweye kunihonya.
Mndewa Imulungu, kunikombola kulawa kuzimu,
kunigwaa kabili ugima,
kunisegesa mna iwanhu ochola kuzimu.
ZABULI YA 9
Nokushukulu Mndewa Imulungu kwa moyo wangu wose,
nogasimulila gose ga unzonza gautendile.
Nodeng’helela na kukwinula gweye,
noditogola twaga jako, gweye uli Uchanha Ng’hani.
Siku zose mgweleleni nhogolwa Imulungu Tata, kwa twaga da Mndewa wetu Yesu Kilisito kwa kila kinhu.
Kumweda kiloho kwa kuilumba na Kilisito
Tumgwee nhogolwa Imulungu yeli Tata wa Mndewa wetu Yesu Kilisito! Kwavija kwa kuilumba na Kilisito katutenda tumwede kwa kutugwaa kila kinhu kinogile cha kiloho cha ako kuulanga.
Tumgwee nhogolwa Imulungu mbuli ya nhunza yake iswelile ulonzi wa kuisimulila!
kwa kumgwaa nhogolwa Tata yawatendile mweye muwe na fungu mna igaja gayawekile wanhu zake muundewa wa mulenge. Imulungu katuhonya kulawa mmakono ga ziza, katugala muundewa wa Mwanage yomnogela, kubitila heyo tolekesigwa na nzambi zetu zogeligwa kumgongo.
Ukulu wa Kilisito
Kilisito yokoneka kaigala too na Imulungu hakoneka. Kilisito ayo chaudele, heyo ayo mkulu wa vinhu vose viumbigwe. Kwavija kubitila heyo vinhu vose va kuulanga na mwiisi vilumbigwa, vinhu vikoneka na vija havikoneka, hamoja na wandewa, watawala, wakulu na weli na udahi. Vinhu vose vilumbigwa kubitila heyo na kwa mbuli ya heyo. Vinhu vose ving’hali havinalumbigwa Kilisito kakala baho, na kwa kuilumba na heyo vinhu vose vikigwa goya.
Moja na mokwiguta, na momtogola Mndewa Imulungu, Imulungu wenu kwa isi inogile iyawagwelele.