Agradecimento pela vida

Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.

6 Chila iyali mgima yamtunye IMNDEWA.

Mumtunye IMNDEWA!

Salmos 150:6

Ukumtunya Imulungu Mkombotsi

1 Mtunye IMNDEWA!

Leka nene nimtunye IMNDEWA!

2 Nitsomtunya IMNDEWA matsuwa ghose ghanikala mgima,

Nitsomwimbila Imulungu wangu matsuwa ghose ghanikala mgima.

Salmos 146:1,2

13 Ghweghwe kuniumba pfiungo pfangu pfa mghati,

na nibasa hamwe lida lya mai wangu.

14 Nitsolonga mighede kwaapfila niumbighwa kwa ukukangawatsa na kwa ukupfukighwa,

ghamatendo ghako ghokangawatsa,

na nene konimanya ghendo.

15 Imipate yangu ng’aipfisike baye kuna ghweghwe,

ahala haniumbighwe kwa chinyele nyele mna isi

ahala hanikalie nibasa mghati mwa isi.

16 Ghweghwe tsakumbona ng’ana nene nyoneke baye,

ghamatsuwa ghangu ghaunikile,

ghose tsaghandikighwa mna ichitabu chako,

hata ng’ana litsuwa limwe lyanze baye.

Salmos 139:13-16

33 Nitsomwimbila IMNDEWA mna ghamatsuwa gha ugima wangu,

nitsakwimba wila tsa ukumtunya Imlungu wangu matsuwa ghose hanikala mgima.

34 Ukutongelela kwangu nakumnoghele yeye,

nene nomdeng’elela IMNDEWA.

Salmos 104:33,34

3 Mmanye kuwa IMNDEWA yuyo Imulungu,

yeye iyatuumbile, na twetwe wakwake yeye,

twetwe twa wanu wake na twa wang’olo iyowadima kuna ghumghina ghwake.

4 Mwingile mna ghamalango ghake aku mwolonga mighede

na mbite akuno mwodeng’elela mna ipfibwalu pfake,

mlonge mighede na mlitunye litaghwa lyake.

Salmos 100:3,4

7 Lola! Uluso wako pfauli mkulu,

Ghwe Imulungu, iwanu wotsumila ichimbeho cha ghamabawa ghako.

8 Weghuta ipfijo ipfinonile, ipfimemile mng’anda mwako,

naghwe kowanwesa kulawa kuna ghumto ghwa uluso wako.

9 Kwaapfila ghweghwe kwa mbwibwi ya ugima,

ghumwanga ghwako ghotwapfila twone.

Salmos 36:7-9

Mighede Imulungu

1 Ghwe MNDEWA, nitsokutunya kwaapfila kunyinula,

na ng’uwalekile baye aduwi tsangu waniseke.

2 Ghwe MNDEWA, Imulungu wangu, nikulilila ghweghwe unyapfile,

naghwe kunihonetsa.

3 Ghwe MNDEWA, kunikombola kulawa kutsimu,

kungaya keli ugima,

kundapfa ndeke kughenda hamwe na awala iwoghenda kutsimu.

Salmos 30:1-3

Mighede Imulungu

1 Nitsomtunya IMNDEWA kwa ghumoyo ghwangu ghose,

nitsoghapeta matendo ghako ghose gha ukukangawatsa.

2 Nitsosekelela na kukudeng’elela Ghweghwe,

nitsakwimba nilitunye litaghwa lyako,

ghweghwe yuli Kuchanya ng’ani.

Salmos 9:1,2

20 Ghamatsuwa ghose mumlongele mighede Aba Imulungu kubitila taghwa lya Imtwatsa wetu Yesu Kiristu kwaajili ya chila chinu.

Efésios 5:20

Imulungu katusaghula kubitila Kiristu

3 Yatunyighwe Imulungu, Aba we Imtwatsa wetu Yesu Kiristu. Kwaapfila kwa kwilunga na Kiristu, katubaliki kwa kutwing’a fwaida tsa Ghumuhe Mwenzeluka kulawa kulanga.

Efésios 1:3

15 Tulonge mighede kwa Imulungu kwa ghweko lyake kulu sideke!

2 Coríntios 9:15

12 na kwa kudeng’elela mumlongele mighede Aba iyawatendile mdahe kubokela uhala we iwahenzeluka mne undewa. 13 Naye katukombola kulawa mne ingupfu ya chisi, katughala mne undewa we Imwanaghe iyomnoghela, 14 kubitila yeye twokombolighwa, twoleghusighwa nzambi.

Kiristu na isang’ano yake

15 Kiristu yatumwonile keghala ghendo ne Imulungu ing’akoneka bae. Yeye tsakabaho ng’ana pfilumbe pfose pfilumbighwe. 16 Kwaapfila kubitila yeye Imulungu kalumba ipfinu pfose, ipfili kulanga ne ipfili muisi, ipfikoneka ne ing’apfikoneka bae, iwane uwetso, iwatawala, iwakulu na iwane tsingupfu. Pfyose tsapfilumbighwa kubitila yeye na kwaajili yake. 17 Kiristu tsakabaho ng’ana ipfinu pfose pfilumbighwe, na mne ukwilunga na Kiristu ipfinu pfose pfekindisa.