Agradecimento pela vida

6 ሼምፔና ዓኣያ ማዔ ማዢንታ ቢያ

ናንጊና ናንጋ ጎዳ ጋላቱዋቴ!

ናንጊና ናንጋ ጎዳ ጋላቲንቶም!

ዻቂሻ ፆኦሲም ሺኢካ ጋላታ

1 ናንጊና ናንጋ ጎዳም ጋላታ!

ታ ሼምፔሌ! ናንጊና ናንጋ ጎዳ ጋላቴ።

2 ሼምፔና ዓኣ ዎዶ ቢያይዳ ናንጊና ናንጋ ጎዳ ታ ጋላታንዳኔ፤

ናንጋ ዎዶ ቢያይዳ ታ ፆኦዛሢ ታኣኒ ቦንቺ ዓይናዻንዳኔ።

13 ታና ጉቤና ማዤሢ ኔናኬ፤

ታ ዒንዶ ጎጳ ታ ዑፆ ዎላ ካንሢ ማዤሢ ኔናኬ።

14 ዲቃሢ ሄርሺሳ ጎይሢና ታ ማዢንቴሢሮ ታ ኔና ጋላታኔ፤

ኔኤኮ ማዻ ቢያ ሄርሺሲ ዲቃሣያ ማዔሢ ጋፒ ታኣኒ ዔራኔ።

15 ጴዹዋያ ማዔ ዓኣሺንቴ ቤዛ ታ ማዢንቴያና

ሳዖ ዴሞ ማዔ ቤዞይዳኣ ታ ዑፃ ፔቴይዳ ዎላ ካንሢንቴያና

ታ ዑፃ ኔ ዓኣፓፓ ዓኣቺንቲ ማዢንቴያቱዋሴ።

16 ታ ዒንዶ ጎጳ ታኣኒ ሱጉሢ ዓኣንቴ ኔ ታና ዴንቄኔ፤

ታኣም ጎዖና ኬላ ሃጊ ፔቴ ጌይ ዓርቂንቱዋንቴ

ኔኤኮ ማዝጋቦይዳ ፃኣፒንቲ ዴዔኔ።

33 ታኣኒ ሼምፔና ዓኣና ናንጊና ናንጋ ጎዳም ዓይናዻንዳኔ፤

ዔቂ ታ ሃንታ ዎዳ ዒዛ ታ ዓኣሣንዳኔ።

34 ታኣኒ ናንጊና ናንጋ ጎዳና ዎዛዻሢጉዲ

ታ ማሊፃ ዒዛ ዎዛሶንጎ።

3 ናንጊና ናንጋ ጎዳ ፆኦሲ ማዔሢ ዔሩዋቴ፤

ኑና ማዤሢ ዒዛኬ፥ ኑኡኒ ዒዛሮኬ፤

ኑኡኒ ዒዛ ዴሮ፥ ዒዚ ሄንቃ ማራቶኬ።

4 ጋላታና ዒዛ ካሮ ባንሢ

ሄርሺሢና ዓሳ ቡካ ጶኦኮዋ ጌሉዋቴ፤

ጋላቱዋቴ፥ ሱንፆዋ ዒዛሲ ዓንጁዋቴ።

7 ፆኦዛሢዮ!

ኔኤኮ ናንጊና ናንጋ ናሹማ ዎዚ ቦንቺንታያዳይ!

ዓሶ ኔኤኒ ካፓሢሮ ኔ ዴማ ካፒንቲ ዴዓኔ።

8 ኔ ማኣራ ጊዲ ዑሣ ዓኣዻ ሙኡዚ ዔያታ ሙዓኔ፤

ኔኤኮ ዎዛሳ ዎራፓ ዋኣፆ ዔያቶ ኔ ዑሻኔ።

9 ኔኤኒ ናንጊኮ ቢያ ዓልቃ ካራኬ፤

ኔኤኮ ፖዓ ፖዓሢሮ ኑ ዛጋኔ።

ጌኤዦ ማኣሮ ዓንጂ ማዾም ጊኢጊሾ ኬሎ ዓይናዺንቴ ዳውቴ ዓይኑሞ

1 ናንጊና ናንጋ ጎዳሢዮ! ሂርኬ ቤዛፓ ኔ ታና ዔቂሴሢሮ

ታ ሞርካ ታኣኮ ሜቶና ዎዛዻንዳጉዲ ኔ ማሂባኣሢሮ

ታ ኔና ዼግ ዼጊዳኔ።

2 ናንጊና ናንጋ ጎዳ ማዔ ፆኦዛሢዮ!

ኔ ታና ማኣዳንዳጉዲ ታ ኔና ዔኤሌም

ኔኤኒያ ታና ፓሤኔ።

3 ናንጊና ናንጋ ጎዳሢዮ! ሼምፓሢ ታኣኮ ሄሊንቱዋያ ማዔ

ዹሞ ዔታፓ ኔኤኒ ኬሴኔ፤

ሊካ ዱኡፖ ዔቶ ኬዲፆይዳፓ ኔ ታና ካፔኔ።

ዓይኑሞ ሱኡጋሢ ዓይሣ ጎይፆና «ናኣዚ ሃይቦና» ጌይ ዓይናዾ ዳውቴ ዓይኑሞ

1 ናንጊና ናንጋ ጎዳሢዮ! ጉቤ ዒናፓ ታ ኔና ጋላታኔ፤

ኔኤኮ ዲቃሢ ሄርሺሳ ማዾ ዛሎ ቢያ ታኣኒ ኬኤዛኔ።

2 ኔኤና ዔኤቢ ታኣም ኮሽካሢሮ ታ ዎዛዻኔ፤

ዼኤፖ ፆኦዛሢዮ!

ኔ ሱንፆ ጋላታ ዓይኑሞና ታ ሄርሻኔ።

20 ኑ ጎዳሢ ዬሱስ ኪሪስቶሴ ሱንፆና ቢያ ባኣዚሮ ፆኦሲ፥ ዓዳሢ ቢያ ዎዴ ጋላቱዋቴ። ✝

ኪሪስቶሴ ዛሎና ጴዻ ዓያና ዓንጆ

3 ጫሪንጮይዳ ዓያኖ ዓንጆ ዒንጊሢና ኪሪስቶሴ ዛሎና ኑና ዓንጄ፥ ኑ ጎዳ ዬሱስ ኪሪስቶሴኮ ዓዶ ማዔ፥ ፆኦዛሢ ጋላቲንቶንጎ።

15 ዓሲ «ሃማኬ» ጌይ ኬኤዛኒ ዳንዳዑዋ ፆኦሲኮ ዒንጊፆሮ ዒዚ ጋላቲንቴያ ማዖንጎ።

12 ሃሣ ፖዖ ካኣቱሞይዳ ፆኦሲም ዱማዼ ዓሶና ዎላ ፆኦሲ ዒንጋ ባኮ ዒንሢ ዔካያ ማዓንዳጉዲ ዒንሢ ማሄ ፆኦዛሢ፥ ዓዳሢ ዎዛና ዒንሢ ጋላታንዳጉዲኬ። 13 ዓይጎሮ ጌዔቴ ዒዚ ዹሞ ካኣቱሞ ዴማፓ ኑና ዻቂሺ፥ ፔኤኮ ናሽኪንታ ናዓሢ ካኣቱሞ ዴሞ ጌላንዳጉዲ ኑና ማሄኔ። 14 ዒዛ ዛሎና ኑ ዻቂ፥ ጎሜፓ ማኣሪንቲሢያ ኑ ዴንቄኔ። ✝

ኪሪስቶሴኮ ቢያፓ ባሼ ማዒፆ

15 ኪሪስቶሴ ዓሲም ጴዹዋ ፆኦዛሢኮ ጎኔ ማሎኬ። ዒዚ ቢያ ማዢንቶኮ ቤርታ ዓኣ ቶይዳሢኬ። 16 ዎይቲ ጌዔቴ ጫሪንጮና ሳዖናይዳ ዓኣ ባካ፥ ዓኣፒዳ ጴዻሢንታ ጴዹዋ ባካ፥ ጫሪንጫ ዼኤፖ ማዢንቶና ዎይሣዞንሢ፥ ሱኡጎንታ ቢታንታ ዓኣዞንሢያ ቢያ ማዢንቴሢ ዒዛናኬ። ፆኦሲ ቢያ ባኮ ማዤሢ ዒዛና ሃሣ ዒዛምኬ። 17 ዒ ቢያ ባኮኮ ቤርታፓ ዓኣያኬ፤ ቢያ ባካ ዎላ ካኣሚ ዶዲ ዔቄሢ ዒዛናኬ።

10 ሙይ ዒንሢ ሚሽኪ ዬኖ ማሎ ዓጬሎ ዒንሢም ዒንጌ፥ ናንጊና ናንጋ ጎዳ ማዔ ዒንሢኮ ፆኦዛሢ ዒንሢ ጋላታንዳኔ» ጌዔኔ።

58 «ናንጊና ናንጋ ጎዳሢዮ! ኔኤኒ ታ ዛሎ ሞኦቲ

ታና ኔኤኒ ዓውሴኔ።

6 ሊካ ዹኮኮ ዴሞ ታኣኒ ኬዴኔ፤

ዬያኮዋ ዴማ ዓኣ ሳዖ ዴማ

ናንጊና ታኣኒ ካራ ዎዺንቴም ዴዔኔ፤

ኔኤኒ ጋዓንቴ ናንጊና ናንጋ ጎዳ ማዔ ታ ፆኦዛሢዮ!

ዬያ ዋኣፆ ዔቶይዳፓ ኬሲ ዔኪ ሼምፓሢ ታኣኮ ዓውሴኔ።

7 ታኣኒ ሃይቄያ ታኣም ማሌ ዎዶና

ናንጊና ናንጋ ጎዳ ታኣኒ ማሊ ጶቂሤኔ፤

ኔና ታኣኮ ፆኦዛሢ ታኣኒ ሺኢቄኔ፤

ሺኢቂፆ ታኣሲ ኔኤኮ ጌኤዦ ማኣሮይዳ ኔ ዋይዜኔ።