Agradecimento pela vida

Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.

6 Ngasi byoshi bibâmwo omûka, kuzagi Nyakasane Aleluya!

Salmos 150:6

Iragi lyâge ocîkubagira Nnâmahanga

1 Aleluya!

Murhima gwâni kuza Nyamuzinda

2 Oku ncibamw’omûka, nâkazikuza Nyamwagirwa, amango goshi ncizîne nakâyimbira Nyamuzinda irenge.

Salmos 146:1,2

13 We waburungusagya ensiko zâni,

We wambumbaga omu nda ya nyâmà.

14 Ncîkwitakîre bulya oku wanjirîre kusômerîne,

bulyâla emikolo yâwe eri ya kurhangâza.

Omurhima gwâni ogumanyire bwinjà,

15 na ntà kavuha kandimwo ohabire.

Nabîre ndwîrhe nabumbwa bushâla-shâla,

nabîre ncidwîrhe nashwinjirwa omu kuzimu,

16 erhi n’amasù gâwe mîra gabonaga ebijiro byâni,

erhi byoshi binakola biri biyandike omu citabu câwe;

ensiku zâni zayôrhaga ziri nganje,

erhi n’olurhanzi-rhanzi muli zo lurhacija oku nkuba.

Salmos 139:13-16

33 Oku nciyisa omûka erhi kuyimba nanyimbira Nyakasane, oku ncihabà erhi kuziha nanzihira Nyamuzinda wîrhu olulanga.

34 Ebinwa byâni bimununire mâshi: nânacîzigiriza muli Nyakasane.

Salmos 104:33,34

3 Mumanye oku Nyakasane ye Nyamuzinda, Yêne warhulemaga nîrhu rhuli bâge, rhuli ishanja lyâge, rhunali bibuzi by’okw’irango lyâge.

4 Mushesherere omu mihango yâge erhi mwanakoma akagasha. muyongoberere omu côgo câge n’enyimbo; mumuhè irenge, mukuze izîno lyâge.

Salmos 100:3,4

7 Obushinganyanya bwâwe kwo buli ak’entondo za Lungwè, okumany’itwa emmanja kwâwe kwo kuli nka muhengere gwa nyanja. We ciza abantu we ciza n’ebintu Nyamwagirwa.

8 Nnâmahanga mushâna oburhonyi bwâwe bwône! Barhâgaywa abâna b’abantu bakaz’iyâkira omu byûbi byâwe;

9 banakaz’ishêga oku mwandu gw’ebinja bibà omu mwâwe, bakola basûza obahêke aha nshalalo y’obununîrizi bwâwe.

Salmos 36:7-9

Omunkwa gw’omuntu ofulumusire akâga k’okufà

1 Lulanga. Lwimbo lw’omugisho gw’aka-Nyamuzinda. Lwa Daudi.

2 Nkola naderha aminjà gâwe, Nyamwagirwa: wandîkûzize Muhanyi, orhanazigaga abashombanyi bâni bacîzigiriza nie ntumire.

3 Yâgirwa Nyamuzinda wâni, nshuba nakuyâkûza wananfumya.

Salmos 30:1-3

(cihabr. 9): Nyamuzinda Mucîranuzi Mushinganyanya

1 Gwârhi omukulu w’abimbiza. Nzihwa y’omu karhêra erhi lulanga. Lulanga. Lwa Daudi.

2 Yâgirwa Nyamuzinda,

nakukuza n’omurhima gwâni gwoshi,

namanyîsa ebirhangâzo byâwe byoshi.

Salmos 9:1,2

20 Ngasi mango n’oku ngasi kantu mukaz’ivuga Nyamuzinda Îshe omunkwa, oku izîno lya Nnawîrhu Yezu Kristu.

Efésios 5:20

Kurhenga amango goshi erhi Nyamuzinda alonza okurhujira bâna bâge

3 Ayâgirwe Nyamuzinda n’Îshe wa Nnawîrhu Yezu Kristu, owarhugishaga, arhuhà obwangà bw’obunya-mûka bwa ngasi lubero, bwangà buhubuka omu mpingu muli Kristu!

Efésios 1:3

15 Nyamuzinda akonkwa oku nshôkano yâge erhankaderhwa!

2 Coríntios 9:15

12 munavuge Larha Nyamuzinda omunkwa n’enshagali, owammushobôzagya enshôkano y’okushangîra iragi ly’abatagatîfu omu bulangashane. 13 Ye warhurhenzagya omu bujà bw’omwizimya, aj’irhudêkereza omu Bwâmi bwa Mugala wâge muzigirwa 14 warhucungulaga anarhukûlira ebyâha.

Kristu ye Mwâmi mukulu w’ebintu byoshi

15 Ye nshusho ya Nyamuzinda orhaboneka, ye Nfula omu biremwa byoshi.

16 Bulya byoshi muli ye byalemagwa, emalunga n’en’igulu, ebiboneka n’ebirhaboneka, Entebe n’Amarhegesi, Amâmi n’Amahashe: byoshi byoshi ye wabilemaga, ye byanalemeragwa;