Agradecimento pela vida
Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.
Bika ti nyonso yina ke wumunaka kukembila Yave!
Aleluya!
Yave ke vuukisaka bantu ya kulemba
Aleluya! Bika ti mu kembila Yave!
Mu ke kembila Yave bilumbu nyonso ya luzingu ya munu,
mu ke yimbidila Nzambi ya munu luzingu ya munu nyonso.
Ni nge yidikaka munu,
ni nge bumbaka munu na kivumu ya mama ya munu.
Mu ke na kukembila nge na yina nge me tula munu na lweka na mutindu mosi ya ngitukulu.
Mambu nge ke salaka kele ya ngitukulu,
mu zaba yawu mpe mu zaba yawu mbote.
Nzutu ya munu vwandaka ve ya kubumbama,
ntangu yina nge vwandaka yidika munu na mansweki,
nge syetaka munu na kati-kati ya yisi ya ntoto.
Ntangu mu vwandaka ntete ve ya kuyilama mbote-mbote, meso ya nge vwandaka tala munu.
Bilumbu nyonso ya luzingu ya munu
vwandaka ya kusonama yimeni na dibuku ya nge,
tekila ti bilumbu yango kusalama.
Na luzingu ya munu nyonso, mu ke yimbidila Yave,
mu ke yimbidila Yave ntangu nyonso yina mu kele moyo.
Bika ti mukunga yayi kuyangidika nge!
Mu zola kuyangalala samu na Yave.
Beno zaba ti ni Yave kele Nzambi,
ni yandi yidikaka beto, beto kele ya Yave,
beto kele bantu ya yandi, beto kele mameme yina yandi ke dikilaka.
Beno kota na myelo ya yandi na kwendaka vutula yandi matondo,
beno kota na lupangu ya Yinzo ya yandi na mikunga ya nzitusu!
Beno kembila yandi,
beno tonda Nkumbu ya yandi!
Ludedomo ya nge kele ya kuzanguka mutindu myongo ya Nzambi.
Banzengolo ya nge kele ya kusunda mutindu mubu.
Yave, nge ke vuukisaka bantu mpe bibulu.
Nzambi, bumbote ya nge nkele mfunu mingi!
Bantu ke kuzwaka kiswamunu ya bawu
na yisi ya mpewo ya mapapu ya nge.
Bawu ke kudyaka mpe ke yukutaka madya ya Yinzo ya nge.
Nge ke nwikisaka bawu maza ya nzadi ya bumbote ya nge.
Yave nge me sala ti mu zinga dyaka
Mukunga samu na mukembo ya mbyekolo ya Yinzo ya Yave.
Mukunga ya Davidi.
Mu ke kembila bunene ya nge, Yave,
nge me telemisa dyaka munu,
nge me bika ve ti bambeni kuseka munu.
Yave, Nzambi ya munu,
mu me bokila nge na kwiza sadisa munu
mpe nge me nyakisa munu.
Nzambi ke fundisa makanda ya bantu
Mukunga ya mfumu ya miyimbidi,
ba ke yimbilaka yawu na muningu ya «Mute-Labene.»
Mukunga ya Davidi.
Mu ke kembila Yave na ntima ya munu nyonso.
Mu ke zonzila mambu nyonso ya ngitukulu yina nge me sala.
Na nkumbu ya Mfumu ya beto Klisto, beno tonda Tata Nzambi ntangu nyonso, mpe samu na mambu nyonso.
Mambu ya mbote yina Nzambi salaka na bantu ya yandi
Beto siika Nzambi, Tata ya Mfumu ya beto Yesu-Klisto. Yandi sakumunaka beto na kupesa beto lusakumunu nyonso ya kimpeve na kati ya mazulu na Klisto.
Matondo na Nzambi samu na dikabu ya yandi yina beto lenda kufwanikisa ve.
Beno tonda Tata Nzambi na kilengi nyonso. Yandi salaka ti beno vwanda ya kulunga na kuzwa bima yina yandi pesaka nsilulu na bantu ya longo yina kele na kati ya nsemo. Yandi katulaka beto na lweka ya lulendo ya kitombe, mpe kotisaka beto na Kimfumu ya Mwana ya yandi ya luzolo. Ni na yandi Nzambi kuulaka beto, mpe lemvokilaka beto masumu.
Kisalu ya Klisto
Yesu-Klisto kele kifwani ya Nzambi yina beto ke talaka ve. Yandi kele mwana ya ntete na kati ya bantu mpe bima nyonso yina Nzambi yidikaka. Ya tsyelika, ni na yandi Nzambi yidikaka bima nyonso na zulu mpe na ntoto: bima yina ke talanaka mpe yina ke talanaka ve, bima yina kele na lulendo ya kimpeve, bayina ke yalaka yinza, bantinu, mpe bamfumu. Ni na yandi Nzambi yidikaka bima nyonso, samu ti yawu vwanda ya yandi. Yandi vwandaka ntete bima nyonso salama, mpe ni na yandi bima nyonso kele ya kukangama na bisika ya yawu.
Beno ke kudya mpe kuyukuta. Beno ke tonda Yave Nzambi ya beno samu na yinsi ya mbote-mbote yina yandi me pesa beno.
Mfumu, nge me nwanina munu.
Nge me kuula luzingu ya munu.
Maza kumaka tii na laka.
Mubu vwandaka dyamisa munu,
matiti ya mubu kwizaka zingama na yintu ya munu.
Mu kulumukaka tii na mbandukulu ya myongo,
na yinsi ya bantu ya kufwa sika mu me kangama ya mankululu,
mpe sika mwelo kele ya kukangama na bikangulu.
Kasi nge, Yave, Nzambi ya munu,
nge me basisa munu ya moyo na dibulu yina ya sunda.