Agradecimento pela vida
Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.
Ang tanan nga adunay kinabuhi padayega sa Ginoo.
Dayega ang Ginoo!
Dayega ang Ginoo!
Dayegon ko gayod ang Ginoo.
Dayegon ko ang Ginoo sa tibuok kong kinabuhi.
Awitan ko ang akong Dios sa mga pagdayeg samtang buhi pa ako.
Nakaila ka kanako kay ikaw ang naghimo kanako.
Ikaw ang gaumol kanako didto sa tagoangkan sa akong inahan.
Gidayeg ka nako kay katingalahan gayod ang pagkahimo mo kanako.
Katingalahan ang imong mga buhat,
ug nasayod gayod ako niini.
Nakita mo ang akong mga bukog sa dihang gihimo ako sa tago
sulod sa tagoangkan sa akong inahan.
Nakita mo na ako sa wala pa ako maporma.
Ang gitagal nga mga adlaw sa akong kinabuhi
nasulat na sa imong libro, bisan wala pa kini magsugod.
Awitan ko ang Ginoo sa tibuok kong kinabuhi.
Awitan kog mga pagdayeg ang akong Dios
samtang aduna pa akoy kinabuhi.
Hinaut nga malipay siya sa akong pagpamalandong.
Magkalipay ako diha sa Ginoo;
Ilha ninyo nga ang Ginoo, Dios!
Siya ang naghimo kanato ug iya kita.
Iya kitang katawhan nga giatiman niya sama sa mga karnero.
Sulod kamo sa iyang Templo uban ang pagdayeg ug pagpasalamat.
Dayega ninyo siya ug pasalamati.
Kabililhon sa imong gugma, O Dios.
Gipanalipdan mo ang mga tawo sama sa pagpanalipod sa langgam sa iyang mga piso
ilalom sa iyang mga pako.
Nabuhong sila sa kaabunda sa pagkaon diha sa imong balay;
gipainom mo sila sa imong lamiang tubig.
Kay ikaw ang tinubdan sa kinabuhi.
Gilamdagan mo kami,
ug nahayagan ang among huna-huna.
Gidayeg ka nako, Ginoo, kay giluwas mo ako sa katalagman,
ug wala mo tugoti nga magmaya ang akong mga kaaway sa akong kahimtang.
Ginoo nga akong Dios,
nangayo ako ug tabang kanimo, ug giayo mo ako.
Giluwas mo ako sa kamatayon.
Wala mo tugoti nga mamatay ako.
Pasalamatan ka nako, Ginoo, sa tibuok kong kasing-kasing.
Isaysay ko ang tanan mong katingalahang mga buhat.
Labing Halangdong Dios, maglipay gayod ako
ug mag-awit ug mga pagdayeg tungod kanimo.
Pagpasalamat kamo kanunay sa Dios nga Amahan pinaagi sa atong Ginoong Jesu-Cristo alang sa tanang mga butang.
Dalaygon gayod ang Dios ug Amahan sa atong Ginoong Jesu-Cristo! Tungod kay kita anaa kang Cristo, gihatagan niya kita sa tanang mga panalangin nga espirituhanon. Kini nga mga panalangin gikan sa langit.
Busa magpasalamat kita sa Dios tungod sa iyang gasa kanato nga dili matukib.
Ug makapasalamat kamo sa Amahan tungod kay gihimo niya kamo nga takos sa pagdawat sa panulondon nga alang sa iyang mga katawhan, ang panulondon nga anaa sa kahayag. Giluwas niya kita gikan sa gahom sa kangitngit ug gipahiluna didto sa gingharian sa iyang pinanggang Anak. Pinaagi sa iyang Anak gitubos niya kita. Kini nagpasabot nga gipasaylo na niya ang atong mga sala.
Si Cristo mao gayod ang hulagway sa dili makita nga Dios, ug anaa na siya sa wala pa gihimo ang tanan. Kay pinaagi kaniya ug alang kaniya gibuhat sa Dios ang tanan nga anaa sa langit ug dinhi sa yuta, ang makita ug ang dili makita, sama sa mga espiritu nga adunay kagahom o katungod, mga espiritu nga nangulo o naghari. Sa wala pa ang bisan unsa nga butang, si Cristo anaa na, ug pinaagi kaniya nahimutang ug nahiusa ang tanan sa ilang hustong dapit.
"Kon makakaon na kamo ug mangabusog, dayega ninyo ang Ginoo nga inyong Dios tungod sa maayong yuta nga iyang gihatag kaninyo.
Gitabangan mo ako, Ginoo,
sa akong kaso ug giluwas mo
ang akong kinabuhi.
Miunlod ako ngadto sa kinahiladman sa dagat,
nabilanggo ako sa kinahiladman sa yuta sa walay kataposan.
Apan gihaw-as mo ako gikan sa kahiladman,
O Ginoo nga akong Dios.
"Sa dihang hapit na mahugno ang akong kinabuhi,
misangpit ako kanimo, Ginoo,
ug gidungog mo ang akong pag-ampo
didto sa imong balaan nga templo.