Agradecimento pela vida
Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.
प्रत्येक सजीव प्राणी याहवेहचे स्तवन करो.
याहवेहचे स्तवन करा.
याहवेहचे स्तवन करा.
हे माझ्या जिवा, याहवेहचे स्तवन कर.
आजीवन मी याहवेहचे स्तवन करेन;
माझ्या जिवात जीव असेपर्यंत मी माझ्या परमेश्वराची स्तुती करेन.
माझ्या शरीरातील अंतरंगाची घडण तुम्हीच केली आहे;
माझ्या मातेच्या उदरात माझी देहरचना केली.
मी तुमची स्तुती करतो,
कारण तुम्ही मला भयपूर्ण व अद्भुत रीतीने निर्माण केले आहे;
तुमचे हे कार्य किती अद्भुत आहे,
हे मी पूर्णपणे जाणतो.
गुप्तस्थानी माझी निर्मिती होत असताना,
जेव्हा माझा सांगाडा तुमच्यापासून लपलेला नव्हता,
जेव्हा पृथ्वीच्या गर्भामध्ये माझी घडण होत होती.
तुमच्या नेत्रांनी मला पिंडरूपात पाहिले;
माझा एकही दिवस उगविण्यापूर्वी माझ्या
आयुष्याच्या प्रत्येक दिवसाची तुम्ही लेखी नोंद केली.
मी आजीवन याहवेहचे स्तोत्र गाईन;
माझ्या शेवटच्या श्वासापर्यंत मी माझ्या परमेश्वराचे स्तुतिगान करेन.
माझे चिंतन त्यांना संतुष्ट करो,
कारण याहवेहतच माझा आनंद परिपूर्ण आहे.
याहवेह हेच परमेश्वर आहेत, हे जाणून घ्या.
ते आपले निर्माणकर्ते आहेत व तेच आपले स्वामी आहेत;
आपण त्यांचे लोक, त्यांच्या कुरणातील मेंढराप्रमाणे आहोत.
उपकारस्तुती करीत त्यांच्या द्वारातून आत जा;
स्तुती करीत त्यांच्या अंगणात प्रवेश करा;
त्यांचे उपकार माना, त्यांच्या नावाला महिमा द्या.
हे परमेश्वरा, तुमची अक्षय प्रीती किती अमूल्य आहे!
सर्व मानवजात तुमच्या पंखांच्या छायेत आश्रय घेते.
तुमच्या भवनातील विपुलतेतून तुम्ही त्यांना तृप्त करता;
आपल्या आनंदाच्या नद्यांचे पाणी तुम्ही त्यांना पाजता.
कारण जीवनाचा झरा तुमच्याजवळ आहे;
तुमच्या प्रकाशानेच आम्हाला प्रकाश मिळतो.
याहवेह मी तुमची प्रशंसा करेन,
कारण तुम्ही मला खोल दरीतून बाहेर काढले आहे
आणि माझ्या शत्रूंना माझा उपहास करू दिला नाही.
हे याहवेह, माझ्या परमेश्वरा, मी तुम्हाला साहाय्यासाठी विनवणी केली
आणि तुम्ही मला रोगमुक्त केले.
याहवेह तुम्ही मला अधोलोकातून बाहेर काढले;
तुम्ही मला गर्तेत जाण्यापासून वाचविले.
याहवेह, मी माझ्या संपूर्ण मनापासून तुमचे आभार मानेन;
मी तुमच्या सर्व अद्भुत कृत्यांबद्दल सांगेन.
मी आनंदित होईन आणि तुमच्यामध्ये हर्ष करेन;
हे सर्वोच्च प्रभू, मी तुमच्या नावाची स्तुतिस्तोत्रे गाईन.
आपले प्रभू येशू ख्रिस्त यांच्या नावाने आपले परमेश्वर आणि पिता यांचे प्रत्येक गोष्टीसाठी नेहमी उपकार माना.
ख्रिस्तामधील आध्यात्मिक आशीर्वादासाठी स्तुती
परमेश्वर आणि आपल्या प्रभू येशू ख्रिस्ताचे पिता यांची स्तुती असो, ज्यांनी आपल्याला स्वर्गामधील सर्व आत्मिक आशीर्वादाने ख्रिस्तामध्ये आशीर्वादित केले आहे.
परमेश्वराच्या अवर्णनीय देणगीबद्दल त्यांची स्तुती असो.
त्या पित्याचे आभार मानणारे व्हा, ज्यांनी प्रकाशाच्या राज्यामध्ये असलेल्या पवित्र लोकांच्या वतनामध्ये सहभागी होण्यासाठी तुम्हाला पात्र ठरविले आहे. कारण अंधकाराच्या सत्तेतून सोडवून त्यांनी आपल्याला त्यांच्या प्रिय पुत्राच्या राज्यात आणले आहे, त्यांच्यामध्ये आपणास खंडणी, अर्थात् पापांची क्षमा मिळाली आहे.
परमेश्वराच्या पुत्राची सर्वश्रेष्ठता
त्यांचा पुत्र हे अदृश्य परमेश्वराची प्रतिमा आहेत, सर्व सृष्टीत प्रथम जन्मलेले आहेत. त्यांच्यामध्ये सर्वगोष्टी निर्माण झाल्या: स्वर्गातील गोष्टी आणि पृथ्वीवरील, दृश्य आणि अदृश्य, मग ती सिंहासने किंवा अधिपत्य किंवा शासक किंवा अधिकारी असोत, प्रत्येक गोष्ट त्यांच्याद्वारे व त्यांच्यासाठी निर्माण करण्यात आली आहे. ते सर्व गोष्टींच्या पूर्वी आहेत आणि त्यांच्यामध्ये सर्वगोष्टी स्थिर राहतात,
जेव्हा तुम्ही खाल आणि तृप्त व्हाल, याहवेह तुमच्या परमेश्वराने तुम्हाला उत्तम देश दिल्याबद्दल त्यांचा धन्यवाद करा.
हे प्रभू, तुम्हीच माझा वाद चालविला;
तुम्ही माझ्या जीवनाची खंडणी दिली.
मी पर्वतांच्या मुळाशी पोहोचलो होतो;
मी कायमचा जमिनीत बंदिस्त झालो होतो.
तरीसुद्धा, हे याहवेह माझ्या परमेश्वरा,
तुम्ही माझा जीव खड्ड्यातून वर आणला.
"जेव्हा माझे जीवन क्षीण होत होते,
तेव्हा मी याहवेहचे स्मरण केले,
आणि माझी प्रार्थना वर तुमच्याकडे,
तुमच्या पवित्र मंदिराकडे पोहोचली.