Agradecimento pela vida
Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.
Bɛmaa abɔdeɛ biala mɔɔ gu ɛnwomenle la ɛye Nana Nyamenle ayɛlɛ!
Bɛye Nana Nyamenle ayɛlɛ!
Awulae Nyamenle, yɛ Sinzavolɛ Kpole ne
Bɛye Nana Nyamenle ayɛlɛ! O me ɛkɛla, ye Awulae ayɛlɛ! Mebaye Nana Nyamenle ayɛlɛ wɔ melɛ ala mɔɔ mede ngoane nu la. Mebado ayɛlɛyelɛ edwɛne meamaa me Nyamenle wɔ me ngoane mekɛ muala anu.
Wɔmɔ yɛɛ ɛbɔle me nwo nane ne ye ɛleka biala a; wɔmɔ yɛɛ ɛnwonle me wɔ ɔmɔ ako ɛzɛne ne anu a. Meye wɔ ayɛlɛ, ɔluakɛ ɛ nwo yɛ ɛzulolɛ nee nwanwane; debie biala mɔɔ ɛyɛ la le nwanwane, na eza ɔyɛ ɛzulolɛ. Meze ɛhye mesie wɔ me ahonle nu. Me sonlabaka mumua ne anvea wɔ wɔ mekɛ mɔɔ ɛnee bɛlɛyɛ me fealera nu wɔ ɔmɔ akunlu la. Nwanwane nu ala yɛɛ bɛyɛle me wɔ azɛlɛ ne abo nehane a. Bɔbɔ mɔɔ ɛnee bɛtɛyɛle me la, ɛnee ɛze ɔmɔ amodinli ne. Wɔ buluku ne anu yɛɛ bɛhɛlɛle me nwo ninyɛne ne amuala wɔ nu wɔ mekɛ mɔɔ ɛnee bɛtɛnrenzɛle me la a, bɔbɔ wɔ mekɛ mɔɔ ɛnee bɛtɛyɛle me nwo debie biala la.
Mebado edwɛne meahanvo Nana Nyamenle, wɔ melɛ ala mɔɔ mede ngoane nu la; mebado edwɛne meaye me Nyamenle ayɛlɛ, wɔ mekɛ ala mɔɔ mede aze la. Maa me ahonle nu nzɛlɛlɛ ɛzɔ ɔ nye, ɔluakɛ me anyelielɛ vi Awulae ɛkɛ.
Bɛnwu ye wienyi kɛ Awulae le Nyamenle! Yemɔ yɛɛ ɔbɔle yɛ a, na yɛ kpokpoti yɛle ye deɛ; yɛle ye menli, yɛle ye adidileka mboane.
Bɛva moyɛlɛ bɛwolo ye nlenkɛ ne mɔ anu, bɛva ayɛlɛyelɛ bɛhɔ ye aako ne anu! Bɛva moyɛlɛ bɛmaa ye, na bɛhanvo ye duma ne.
O Nana Nyamenle, wɔ ɛhulolɛ sonle bolɛ amgba; ɛhye ati a aleɛabo amra nriandi bafea ɛ ndɛba kpole ne abo la. Wɔ aako nu ɛkponledolɛ yi bɛ ko tetɛkɛɛ; ɛmaa bɛno wɔ azudenle ne mɔɔ maa ahonle dwo fɔɔnwo la bie.
Ɔluakɛ wɔmɔ a le ngoane baka ne a; na wɔ Kɛnlaneɛ ne a maa yɛ wienyi a.
Bɛdie wɔ ngoane bɛfi anwodolɛ nu a
Meyeyɛ wɔ, O Nana Nyamenle; ɔboalekɛ wɔmɔ yɛɛ wɔlie me ngoane a. Wɔammaa me kpɔvolɛma anli me nwo zo konim. O Nana Nyamenle, me Nyamenle, menzunle menvɛlɛle wɔ; na ɛdawɔ noko ɛmaanle me nwo zale. O Nana Nyamenle, wɔmɔ a wɔva me ɛkɛla wɔvi Ɛbolɔ wɔra a; wɔmɔ yɛɛ wɔlie me ngoane, mɔɔ wɔammaa meangɔ ewule kuma nu a.
Nana Nyamenle, Pepɛdievolɛ Kpole ne
Mebayeye me ahonle nu kpokpoti meahanvo wɔ, O Nana Nyamenle; mebabɔ nwanwanendeɛ mɔɔ wɔyɛ la kpokpoti anwo nolo meahile aleɛabo amra. Mebava fɛlɛkolilɛ meado edwɛne meamaa wɔ duma, O Anwuma Nyamenle Bedevinli.