Agradecimento pela vida
Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.
Gimoro amora mayweyo mondo opak Jehova Nyasaye.
Pakuru Jehova Nyasaye.
Pak ne Jehova Nyasaye!
Yaye chunya, pak Jehova Nyasaye.
Abiro pako Jehova Nyasaye e ngimana duto;
abiro wero wende pak ne Nyasacha kinde duto ma angima.
In ema ne ichweyo dhanda maiye,
adier, ne ingʼina maber gi ei minwa.
Apaki nikech ne ichweya mongʼith kendo malich miwuoro;
tijeni misetimo lich,
kendo angʼeyo mano maber.
Fuonde mag ringra ne ok opondoni,
kane ochweya ei minwa,
kane ochwe ringra e kama opondo,
wangʼi ne oneno ringra ei minwa;
ndalona duto e piny-ka ne ondiki chon gi lala,
e kitabu mari kane pok kata achiel kuomgi obetie.
Abiro wer ne Jehova Nyasaye e ngimana duto,
adier, abiro wero wende pak ne Nyasacha e kinde duto ma pod angima.
Mad gik ma aparo e chunya omiye mor,
seche duto ma amor kuom Jehova Nyasaye.
Ngʼeuru ni Jehova Nyasaye en Nyasaye.
En ema nochweyowa, kendo wan mage;
wan joge, kendo wan rombene mokwayo.
Donjuru e rangeyene kugoyo erokamano
bende biuru e laru mare kupake.
Goneuru erokamano kendo pakuru nyinge.
Mano kaka herani ma ok rum nengone tek, yaye Nyasaye!
Joma idewo kaachiel gi joma ni piny
yudo kar pondo margi e bwo tipo mar bwombeni.
Gichamo chiemo mangʼeny e hekalu mari ka gimor;
imiyogi math moa e aorani mar mor.
Nimar in ema in gi soko mar pi mar ngima;
kuom lerni ema wanenoe ler.
Abiro tingʼi malo, yaye Jehova Nyasaye,
nikech ne igola e bur matut,
kendo ne ok iyiene wasika mondo obed mamor kuoma.
Yaye Jehova Nyasaye Nyasacha, ne aluongi mondo ikonya
kendo ne ichanga.
Yaye Jehova Nyasaye, ne igola oko e liel,
ne iresa kane oyudo aridora piny e bur matut mar joma otho.
Abiro paki gi chunya duto, yaye Jehova Nyasaye;
abiro nyiso timbegi madongo duto.
Abiro bedo mamor kendo abiro bedo moil kodi;
abiro pako nyingi gi wer, yaye Nyasaye Man Malo Moloyo.
ka udwoko erokamano kinde duto ni Nyasaye Wuoro kuom gik moko duto e nying Ruodhwa Yesu Kristo.
Gweth mar chuny man kuom Kristo
Pak obed ni Nyasaye ma wuon Ruodhwa Yesu Kristo, mosegwedhowa kod gweth duto mag chuny koa e polo kuom Kristo.
Wagouru erokamano ne Nyasaye kuom michne maduongʼ mokalo apima!
magoyo erokamano ni Wuoro ka un gi mor. En ema osewalou tenge mondo uyud gweth mag jomaler e pinyruodh ler. Nikech oseresowa waa e loch mar mudho mi okelowa e pinyruoth mar Wuode mohero, Ne owarowa koweyonwa richowa.
Duongʼ mar Kristo
Kristo e kido mineno mar Nyasaye ma ok ne, kendo en e wuowi makayo mar Nyasaye man-gi duongʼ kuom chwech duto. Kuome gik moko duto nochwe; gik manie polo gi manie piny; gik mineno kod gik ma ok ne; kata bed ni gin duongʼ kata teko, kata ruodhi, kata loch. Mago duto Nyasaye nochweyo kuom Kristo kendo nochweyogi ni Kristo. Ne entie kapok gimoro amora nobetie, kendo kuome ema gik moko duto oriwore.
Ka usechiemo ma uyiengʼ, to pakuru Jehova Nyasaye ma Nyasachu kuom piny maber ma osemiyou.
Yaye Ruoth Nyasaye ne itingʼo tingʼna,
kendo ne ireso ngimana.
Nalutora nyaka e tiend gode mag nam
kendo piny nouma chuth nyaka chiengʼ.
To nigola oko kangima
e bur matut, yaye Jehova Nyasaye, ma Nyasacha.
"Ka chunya ne dwaro aa ne apari Jehova Nyasaye,
kendo lemona nochopo nyaka e hekalu mari maler.