Agradecimento pela vida
Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.
ఊపిరి ఉన్న ప్రతిదీ యెహోవాను స్తుతించాలి.
యెహోవాను స్తుతించండి.
యెహోవాను స్తుతించండి,
నా ప్రాణమా, యెహోవాను స్తుతించు.
జీవితమంతా యెహోవాను స్తుతిస్తాను;
నేను బ్రతికి ఉన్నంత కాలం నా దేవునికి స్తుతి పాడతాను.
నా అంతరంగాన్ని మీరు సృష్టించారు;
నా తల్లి గర్భంలో మీరు నన్ను ఒక్కటిగా అల్లారు.
నేను అద్భుతంగా, ఆశ్చర్యంగా సృజించబడ్డాను కాబట్టి మీకు కృతజ్ఞతాస్తుతులు చెల్లిస్తున్నాను.
మీ క్రియలు ఆశ్చర్యకరమైనవి,
అది నాకు పూర్తిగా తెలుసు.
రహస్య స్థలంలో నేను రూపొందించబడినప్పుడు,
భూమి అగాధ స్థలాల్లో నేను ఒక్కటిగా అల్లబడినప్పుడు,
నా రూపము మీ నుండి మరుగు చేయబడలేదు.
నేను పిండంగా ఉన్నప్పుడు మీ కళ్లు నన్ను చూశాయి;
నాకు నియమించబడిన రోజుల్లో ఒక్కటైనా రాకముందే
అవన్నీ మీ గ్రంథంలో వ్రాయబడ్డాయి.
నా జీవితకాలమంతా నేను యెహోవాకు పాడతాను;
నేను బ్రతికి ఉన్నంత కాలం నా దేవునికి నేను స్తుతిగానం చేస్తాను.
నేను యెహోవాయందు ఆనందిస్తుండగా,
నా ధ్యానము ఆయనకు ఇష్టమైనదిగా ఉండును గాక.
యెహోవాయే దేవుడని గ్రహించండి.
ఆయనే మన సృష్టికర్త, మనం ఆయన వారం;
మనం ఆయన ప్రజలం, ఆయన మేపే గొర్రెలం.
కృతజ్ఞతతో ఆయన ద్వారాల గుండా ప్రవేశించండి,
స్తుతితో ఆయన ఆవరణంలోకి ప్రవేశించండి;
ఆయనకు వందనాలు చెల్లించండి, ఆయన నామమును స్తుతించండి.
దేవా! మీ మారని ప్రేమ ఎంత అమూల్యమైనది!
నరులు మీ రెక్కల నీడను ఆశ్రయిస్తున్నారు.
మీ మందిరంలోని సమృద్ధి వల్ల వారు సంతృప్తి పొందుతున్నారు;
మీ ఆనంద నది నుండి మీరు వారికి త్రాగడానికి ఇస్తారు.
ఎందుకంటే మీ దగ్గర జీవపుఊట ఉంది;
మీ వెలుగులోనే మేము వెలుగును చూడగలము.
యెహోవా, నేను మిమ్మల్ని ఘనపరుస్తాను,
ఎందుకంటే నా శత్రువులు నాపై విజయం సాధించకుండ
మీరు నన్ను పైకి లేవనెత్తారు.
యెహోవా, నా దేవా, సహాయం కోసం నేను మీకు మొరపెట్టగా,
మీరు నన్ను స్వస్థపరిచారు.
యెహోవా, పాతాళం నుండి నా ప్రాణానికి పైకి లేవనెత్తారు;
సమాధిలోనికి వెళ్లకుండా నన్ను కాపాడారు.
యెహోవా, నేను నా హృదయమంతటితో మిమ్మల్ని స్తుతిస్తాను;
మీ అద్భుతమైన క్రియల గురించి నేను చెప్తాను.
మీలో నేను ఆనందించి సంతోషిస్తాను;
ఓ మహోన్నతుడా, మీ నామాన్ని బట్టి నేను స్తుతులు పాడతాను.
ఎల్లప్పుడు మన ప్రభువైన యేసు క్రీస్తు పేరట మన తండ్రియైన దేవునికి అన్నిటి కోసం కృతజ్ఞతాస్తుతులు చెల్లిస్తూ ఉండండి.
మన ప్రభువైన యేసు క్రీస్తు తండ్రియైన దేవుడు స్తుతింపబడును గాక. పరలోక మండలాల్లో, ఆత్మ సంబంధమైన ప్రతి ఆశీర్వాదంతో క్రీస్తులో ఆయన మనల్ని దీవించారు.
చెప్పశక్యం కాని ఆయన వరాన్ని బట్టి దేవునికి కృతజ్ఞతలు.
వెలుగు రాజ్యంలో పరిశుద్ధ ప్రజల స్వాస్థ్యంలో పాలుపంచుకోవడానికి, మిమ్మల్ని ఎన్నికచేసిన తండ్రికి కృతజ్ఞతాస్తుతులు చెల్లిస్తున్నాము. ఆయన మనల్ని అంధకార సంబంధమైన అధికారంలో నుండి విడిపించి, తాను ప్రేమించిన తన కుమారుని యొక్క రాజ్యంలోనికి మనల్ని తీసుకువచ్చారు. ఆ కుమారుని ద్వారా మనకు విడుదల, పాపక్షమాపణ కలుగుతుంది.
కుమారుడు అదృశ్య దేవుని స్వరూపం, సృష్టంతటి కంటే మొదట జన్మించిన వాడు. ఎందుకనగా, ఆయనలోనే సమస్తం సృష్టించబడ్డాయి, అనగా: ఆకాశంలో ఉన్నవి, భూమిపై ఉన్నవి, కంటికి కనబడేవి కనబడనివి, సింహాసనాలైనా లేదా ప్రభుత్వాలైనా లేదా పాలకులైనా లేదా అధికారులైనా, సమస్తం ఆయన ద్వారానే ఆయన కొరకే సృష్టించబడ్డాయి. ఆయన అన్నిటికంటే ముందుగా ఉన్నవాడు, సమస్తానికి ఆయనే ఆధారము.
మీరు తిని తృప్తి చెందిన తర్వాత, మీ దేవుడైన యెహోవా మీకు ఇచ్చిన మంచి దేశాన్ని బట్టి ఆయనను స్తుతించండి.
ప్రభువా, నీవు నా కేసు తీసుకున్నావు.
నీవు నా ప్రాణాన్ని విమోచించావు.
పర్వతాల పునాదుల వరకు నేను మునిగాను,
క్రిందున్న భూమి గడియలు నన్ను శాశ్వతంగా బంధించాయి.
అయితే నా దేవా! యెహోవా,
మీరు నా ప్రాణాన్ని గోతిలో నుండి పైకి తీసుకువచ్చారు.
"నా ప్రాణం క్షీణిస్తూ ఉంటే,
యెహోవా నేను మిమ్మల్ని జ్ఞాపకం చేసుకున్నాను.
నా ప్రార్థన మీ దగ్గరకు వచ్చింది,
మీ పరిశుద్ధ ఆలయానికి చేరింది.