Agradecimento pela vida
Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.
Ke fakamālō kia Sihova ʻae meʻa kotoa pē ʻoku mānava.
Haleluia.
Mou fakamālō kia Sihova.
Fakamālō kia Sihova, ʻE hoku laumālie.
Te u fakamālō kia Sihova ʻi heʻeku kei moʻui:
te u hiva fakamālō ki hoku ʻOtua ʻi he lolotonga ʻo ʻeku moʻui.
He kuo ke maʻu hoku kongaloto:
naʻa ke ʻufiʻufi au ʻi he manāva ʻo ʻeku faʻē.
Te u fakamālō kiate koe;
he ʻoku fakamanavahē mo fakaofo hoku ngaohi:
ʻoku fakaofo hoʻo ngaahi ngāue;
pea ʻoku ʻilo pau ki ai ʻe hoku laumālie.
Naʻe ʻikai fufū ʻa hoku sino meiate koe,
ʻi he ngaohi au ʻi he lilo,
mo teuteu lelei au ʻi he ngaahi potu māʻulalo ʻoe fonua.
Naʻe ʻafio ho fofonga ki hoku sino ʻoku teʻeki ai fakaʻosi;
pea naʻe tohi ʻi hoʻo tohi hoku ngaahi kupuʻi sino kotoa pē,
ʻaia naʻe fakatupu fakaholo,
ʻi he teʻeki ai ha kupu ʻe taha.
Te u hiva kia Sihova ʻi heʻeku kei moʻui:
te u hiva fakamālō ki hoku ʻOtua ʻi he lolotonga ʻo ʻeku moʻui.
ʻE melie ʻa ʻeku fakakaukau kiate ia:
te u fiefia ʻia Sihova.
Mou ʻilo ko Sihova ko ia pe ko e ʻOtua:
ko ia pe naʻa ne ngaohi ʻakitautolu,
ka naʻe ʻikai te tau ngaohi ʻakitautolu;
ko hono kakai ʻakitautolu,
mo e fanga sipi ʻo ʻene ngoue.
Hū ʻi hono ngaahi matapā mo e fakafetaʻi,
pea ki hono ngaahi lotoʻā mo e fakamālō:
mou fakafetaʻi kiate ia, pea fakamālō ki hono huafa.
ʻE ʻOtua, hono ʻikai mahuʻinga fau ʻa hoʻo ʻaloʻofa!
Ko ia ʻoku falala ai ʻae fānau ʻae tangata ki he malu ʻo ho kapakau.
Te nau fonu lahi ʻi he mahu lelei ʻo ho fale;
pea te ke fakainu ʻakinautolu ʻi he vaitafe ʻo hoʻo fiemālie.
He ʻoku ʻiate koe ʻae matavai ʻoe moʻui:
temau mamata ʻi hoʻo maama ki he maama.
Te u fakafetaʻi kiate koe, ʻE Sihova; he kuo ke hiki hake au,
pea naʻe ʻikai te ke tuku ke fiefia ʻa hoku ngaahi fili kiate au.
ʻE Sihova ko hoku ʻOtua, naʻaku tangi kiate koe,
pea kuo ke fakamoʻui au.
ʻE Sihova, kuo ke ʻohake hoku laumālie mei hētesi:
kuo ke fakatolonga ʻeku moʻui, ke ʻoua naʻaku ʻalu hifo ki he luo.
Te u fakafetaʻi kiate koe, ʻE Sihova, ʻaki hoku loto kotoa;
te u fakahā atu hoʻo ngāue fakaofo kotoa pē.
Te u fiefia mo nekeneka ʻiate koe:
te u hiva fakamālō ki ho huafa, ʻa koe ʻoku ke māʻolunga lahi taha pe.
ʻO ʻatu ʻae fakafetaʻi maʻuaipē ʻi he ngaahi meʻa kotoa pē ki he ʻOtua ko e Tamai ʻi he huafa ʻo hotau ʻEiki ko Sisu Kalaisi;
Fakafetaʻi ki he ʻOtua ko e Tamai ʻa hotau ʻEiki ko Sisu Kalaisi, ʻaia kuo ne tāpuaki ʻaki ʻakitautolu ʻae ngaahi tāpuaki fakalaumālie kotoa pē ʻi he ngaahi potu fakalangi ʻia Kalaisi:
Fakafetaʻi ki he ʻOtua, koeʻuhi ko ʻene foaki ʻoku taʻefaʻalaua.
ʻO fakafetaʻi ki he Tamai, ʻaia kuo ne ngaohi ʻakitautolu ke tau taau ke kau ʻi he tofiʻa ʻoe kāinga māʻoniʻoni ʻi he maama: ʻAia kuo ne fakamoʻui ʻakitautolu mei he mālohi ʻoe poʻuli, pea kuo ne hiki ʻakitautolu ki he puleʻanga ʻo hono ʻAlo ʻofaʻanga: ʻAia ʻoku tau maʻu ai ʻae huhuʻi ʻi hono taʻataʻa, ko e fakamolemole ʻoe ngaahi angahala: ʻAia ko hono tatau ʻoe ʻOtua taʻehāmai, ko e ʻuluaki fānau ʻi he meʻa fakatupu kotoa pē: He naʻe fakatupu ʻe ia ʻae ngaahi meʻa kotoa pē, ʻaia ʻoku ʻi he langi, pea mo ia ʻoku ʻi māmani, ʻae meʻa hā mai mo e taʻehāmai, pe ko e ngaahi nofoʻa fakaʻeiʻeiki, pe ko e ngaahi ʻeikiʻanga, pe ko e ngaahi pule, pe ko e ngaahi mālohi: naʻe fakatupu ʻe ia ʻae ngaahi meʻa kotoa pē, pea naʻe maʻana ia: Pea ʻoku ki muʻa ia ʻi he ngaahi meʻa kotoa pē, pea ʻoku tuʻumaʻu ʻiate ia ʻae ngaahi meʻa kotoa pē.
ʻOka ke ka kai ʻo mākona, te ke toki fakafetaʻi kia Sihova ko ho ʻOtua koeʻuhi ko e fonua lelei ʻaia kuo ne foaki kiate koe.
"ʻE Sihova kuo ke langomakiʻi hoku laumālie;
kuo ke huhuʻi ʻeku moʻui.
Naʻaku ʻalu hifo ki he tefito ʻoe ngaahi moʻunga:
pea naʻe takatakai au ʻe he mālohi ʻoe māmani ʻo taʻengata;
ka neongo ia, kuo ke ʻomi ʻa ʻeku moʻui mei he fakaʻauha, ʻe Sihova ko hoku ʻOtua.
"ʻI heʻene pongia hoku laumālie ʻiate au naʻaku manatu kia Sihova;
pea naʻe ʻaʻau atu kiate koe ʻa ʻeku kole, ki ho ʻafioʻanga māʻoniʻoni.