Agradecimento pela vida
Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.
Gimed urngin e pin’en nib fos e ngam pininged e sorok ngak SOMOL!
Ngu’un pining e sorok ngak SOMOL!
Ngan pining e sorok ngak Got ni Ta’ayuw
Ngan pining e sorok ngak SOMOL!
Lanin’ug, mu pining e sorok ngak SOMOL!
Bay u gu pining e sorok ngak u n’umngin nap’an ni gu be par ni gub fos;
Bay u gu tangnag e Got rog u n’umngin nap’an e yafos rog.
Gubin yang rog ni gur e msunumiy;
i gur e mu chamiyeg u yal rok e chitinag.
Gu be pining e sorok ngom, ya gur e ngan rus ngom;
urngin e tin ga ma rin’ e dabiyag ni nge tamilangan’uy riy, ma rib fel’.
Gu manang u lan ngorongoreg ni polo’.
Um guy e yil rog ni be sum,
nge rogon ni un chamey ni bfel’ rogon u yal rok e chitinag
nnap’an ni gu be ilal u rom ndariy be’ ni be guyeg.
ma gur e gamanang ni gu bay u rom —
dawor ni gargelegeg ma ga be guyeg.
Pi rran ni kam sunumiy ni fan ngog
e gubin ni go’ bay u lan e birom e babyor
u m’on ndawori tabab reb e pi rran nem.
Bay ug tangnag SOMOL u n’umngin nap’an e yafos rog;
n’umngin e yafos rog ni bay u gu tangnag e sorok ngak e Got rog.
Manga yigi fel’ u wan’ e tang rog,
ya ir e ke felfelan’ nigeg.
Dab mpaged talin i SOMOL ni ir Got!
Ir e sunumegdad, ma bmil fadad ngak;
gadad girdi’en, gadad fare ran’ i saf rok.
Marod ngalan e pi garog ko Tempel rok ni gimed be pining e magaer ngak,
marod ngalan e yoror rok nib thothup ni gimed be pining e sorok ngak!
Mu pininged e magaer ngak mi gimed pining e sorok ngak!
A Got, rib th’ab feni fel’ e t’ufeg rom ni dabimus!
Gamad be naf e girdi’ nga tan e taglul’ u pom.
Gamad be mur ko ggan ni yo’or ni ga be pi’;
ka mu pagmad gamad be garbad ko fare lul’ ni aram fel’ngim ni be map’.
I gur enggin gubin e yafos;
ma bochan e tamilang rom ma gamad be guy e tamilang.
Ba meybil ko Pongmagaer
Gu be pining e sorok ngom, SOMOL, ya kam ayuwegneg
ma da mu pag e to’ogor rog ngar giriggad ngog.
SOMOL, ni Got rog, kug yornag e ayuw ngom,
ma kam gol nigeg;
kam teg u orel ko low ko yam’.
Kug waen i yan ko wo’ rog nga’ar,
machane ma ga fulweg e yafos ngog.
Pongmagaer ngak Got ni fan e ba mat’aw
SOMOL, bay gu pining e magaer nge sorok ngom u polo’ i lanin’ug;
Bay gu weliy murung’agen gubin ban’en ni bfel’ ni kam rin’.
Bay gu tang ni kug uf ni bocham.
Bay gu tang ni gu be pining e sorok ngom, i gur Got ni Gubin ma Rayag Rok.
Gubin ngiyal’ ni ngu’um pininged e magaer ngak Got ni Chitamangiy u fithingan e Somol rodad i Jesus Kristus u gubin ban’en.
Ayuw ni be pi’ Got ngodad u fithik’ Kristus
Ngad pininged e magaer ngak Got ni ir e Chitamngin e Somol rodad i Jesus Kristus! Ya ke tow’ath nagdad u daken e ta’ab girdi’ ni kad ted Kristus, ni fan e ke pi’ ngodad urngin mit e tow’ath nu tharmiy.
Ere ngad pininged e magaer ngak Got ko tow’ath nike pi’ ngodad ndabiyag puluwon!
Mu um pinined e magaer u fithik’ e felfelan’ ngak e en ni Chitamangiy ni ir e ke ngongliymed kam pired nrayag ni nge yag e f’oth ngomed u urngin ban’en ko tin ke tay Got ni fan ngak e tirok’ e girdi’ ko gin nsuwon nrib tamilang. Ya ayuwegdad nge chuwegdad u fithik’ i gelngin e talumor me thapegdad ko gin nsuwon e en ni Fak nib t’uf rok, ni ir e ke pithigdad rok urngin mit e kireb ma ke n’ag Got fan e denen rodad u daken.
I Kristus nge maruwel rok
Kristus e ta’reb rogon ya’an ngak Got, ni Got ndanir guy. I ir e bin ni m’on i Fak, ni ir e ba tolang ngak urngin ban’en ni sunumiy Got. Ya pa’ Kristus e sunumeg Got urngin ban’en ngay ni bay u tharmiy ngu but’, ntin yibe guy nge tin ndanir guy, nib mu’un e pi kan ni be gagiyeg ngay, ni tin ni pilung nge tin ni yad be yog e thin, nge tin yad be tay murung’agen ban’en. Pa’ Kristus e sunumeg Got ngay e gin’en ni ba’ urngin ban’en u lanelang riy nib mu’un e fayleng ngay, ni fan ngak Kristus. I Kristus e immoy u m’on ko ngiyal’ ndawori sum urngin ban’en riy, me ir e be tay urngin ban’en nra reb ma be par u tagil’.
Bay um pired u rom nib yu’ ngomed urngin e tin ngam ked, ma bay um pininged e magaer ngak SOMOL ni Got romed ni bochan e re nam nem nike pi’ ngomed nib yong’ol e but’ riy.SOMOL
"Somol, gur e mub mu lageg, ma ga ayweg e pogofan rog.
Gu wan nga’ar nggu mada’ nga enggin fapi burey;
ngalan fa re binaw ni yug ma par e garog riy nib man’ ndariy n’umngin nap’an;
machane gur SOMOL ni Got rog e kam fulwegneg u ar nda gum’!
Nap’an ni gu thamiy rog ni nggum’,
ma aram mu gu meybil ngom SOMOL,
ma ga rung’ag lamag ngalan e Tempel rom nib thothup.