Agradecimento
O agradecimento é a linguagem natural do cristão. Em tudo dai graças! A gratidão a Deus transforma a perspectiva, fortalece a fé e produz alegria em todos os tempos.
Dar graças sempre
Em tudo dai graças, porque esta é a vontade de Deus em Cristo Jesus para convosco. A gratidão é atitude fundamental.
Atyn-are kya lungtuabya ho oh; pawccecize tuh-e tuh Khri Jesu kya nae hanlan Pachia rynaw nynh thua.
Ah Bawipaw Jesu Khri min te Paaw Pachia kalan pawpaw balyn hanlan lungtuabya zungzae ho oh.
Khri kya-e daenaw nynh nae thinlung kha ae la uk oh sah; tuh-e daenaw elang nynh nanning kha pyn pynkheit kya um lan ko na thua oh; te lungtuabya hothya oh. Khri bya tuh nae kya phe beih lan la um sah; lu kheit te lu kheit hawnaw tynre te ccangpyakute raeringnaw pyakuh oh; nae thinlung kyakhe lungtuanaw thinlung te sam hlaw hae, thehoynaw hlaw hae te muisaw hlaw hae kha Pachia kalan sah oh. Na cyi oh paw miakaw kha bya na ho oh zemah, ryalaw na law oh zemah Bawipaw Jesu min liate pawpaw balyn kha cyih oh lah, amaw liate Paaw Pachia kalan lungtuabya ho oh.
Khri kya-e daenaw nynh nae thinlung kha ae la uk oh sah; tuh-e daenaw elang nynh nanning kha pyn pynkheit kya um lan ko na thua oh; te lungtuabya hothya oh.
Khri bya tuh nae kya phe beih lan la um sah; lu kheit te lu kheit hawnaw tynre te ccangpyakute raeringnaw pyakuh oh; nae thinlung kyakhe lungtuanaw thinlung te sam hlaw hae, thehoynaw hlaw hae te muisaw hlaw hae kha Pachia kalan sah oh. Na cyi oh paw miakaw kha bya na ho oh zemah, ryalaw na law oh zemah Bawipaw Jesu min liate pawpaw balyn kha cyih oh lah, amaw liate Paaw Pachia kalan lungtuabya ho oh.
Saw tyty sang oh, lungtuabya hote kyhrarih lante sawsang oh.
Pawpaw konglang mah nae thinphang nan sah; pawpaw balyn kya lungtuabya hote, sawsangnaw te ngianaw liate na ngia ry oh paw kha Pachia nysah oh.
Louvor e gratidão
Entrai pelas portas com ação de graças. Rendei graças ao Senhor porque Ele é bom e a sua bondade dura para sempre.
Lungtuabya hote a koikua
lungkhu lang tee oh lah,
thehoysah te a voidu lungkhu lang
tee oh.
A tungvaw lungtuabya ho oh lah,
a min kha thehoysah oh.
Bawipaw tuh hoy zah
a sungsahnaw tuh zungzae atyn keiccuze
amaw kalan lungtuabya ho oh.
Bawipaw tuh ahoy keiccuze
amaw kalan lungtuabya ho oh;
pawccecize atynpaw a sungsahnaw tuh
zungzae atyn.
Lungtuanaw te amaw malang
tee oh sih lah,
thehoysahnaw hlaw kha lungtuate
sah oh sih!
Pawccecize Bawipaw tuh
alesaepaw Pachia thua zah,
pachia hae balyn laeze alesaepaw
Siapharan nynh thua.
Bawipaw kalan lungtuabya hote,
Ahang Huaccepaw Pachia,
na min thehoysahnaw hlawsah tuh
myarya ahoy;
tintang, phyly te roi hoypaw kha
khuakute awkhua kya atynpaw
na sungsahnaw kha thuasah,
khuazi kya na lungzinaw kha thuasah
hopaw tuh myarya hoypaw nynh thua.
Silawnaw raete ka kalan lungtuanaw
a langsakuh hae paw tuh
saw yn tua hae paw nynh thua;
ahmepaw laanpi a zui hae paw kyakhe
Pachia khumnaw kha
ka langsakuh cih," a ci.
Nang tuh ka Pachia na thua zah,
na kalan lungtuabya ka ho cih;
ka Pachia na thua zah, kae thehoysah cih.
Bawipaw lungtuabya ho oh,
pawccecize aning tuh hoy zah
a sungsahnaw tuh zungzae atyn.
Tukeiccuze kae Pachia, nang kha kae luung zah asung-epaw na min kha kae thehoysah.
Expressões de gratidão
Graças a Deus pelo seu dom inefável! A gratidão se expressa em oração, louvor e generosidade para com os outros.
Ho kho um leipaw a lasung hanlan Pachia kya thehoynaw um sah!
Hysahnaw te patae na pya nawlan oh nanning tuh pawpaw kya balyn hoirumsah na thua cih oh zah, kae kyate a mue hae paw nae lasung liate Pachia kha a thehoysah cih hae,
Thuasalama ah Bawipaw Jesu Khri liate aening taenaw oun pyatupaw Pachia kya thehoynaw um sah.
Jesu Khri liate nanning pya athuapaw Pachia thawccinaw keiccuze nanning hanlan ka Pachia kha zungzae ka luung.
Nae zynnaw tuh laephi pynpi kya siakhae athua keiccuze nae balyn hanlan Jesu Khri liate ka Pachia kha masaty ka luung.
pawccecize minmin nynh Pachia phang nyh hae pite, Pachia kha sawtua lan accan thyhte sawtua khyh hae, luung mah luung khyh hae, mih tuakunaw tuh accakaepaw lang tang zah tuanaw hoi leipaw mih thinlung tuh mohnaw te phe abeih.
Pawccecize pawpaw tynre balyn tuh amaw kyate, amaw liate, amaw hanlan nynh thua. Amaw kya phu-enaw zungzae um sah. Amen.
Bawipaw nynh hythua ae pya oh sah lah, ae do-oih vae oh sah;
Bawipaw nynh nae tungvaw a mitmae awsah sah lah, thaw ae ccih vae oh sah;
Bawipaw nynh nae tungvaw maehoynaw ae pya oh sah lah, daenaw ae pya vae oh sah.
Thuasalama kae nynh tuh
lungtuanaw roisawte,
namaw kalan silawnaw ka rae cih;
pya lan bya ka kinku vae paw kha ka pya cih.
Luenaw tuh Bawipaw kya-e
nynh thua!" a ci.
Uteno hae, nae zynnaw tuh myarya lethung zah nanning milu raveih nynh lu kheit te lu kheit na sungsakunaw oh mah alethung keiccuze cyi lan accan hawte nanning hanlan Pachia kha zungzae kae luung.
Khuazi khuadae ka sawsangnaw kya apaekuh lei lan nang kha kae liathui zah, ka minpaaw hae nynh a beik hae hawte mawtemaw nykunaw thinlung athyaapaw te ka beikpaw Pachia kha ka luung.
nanning hanlan Pachia kalan dae leite lungtuabya ka ho zah ka sawsangnaw kya tyty kae lia oh.
Tukeiccuze ahy kho leipaw peenaw kha ah ccou oh keiccuze lungpawte um oh sih, sawtuanaw te rawrinaw ryte douccah lante Pachia kha beik oh sih.
E ryalawnaw hynh hmin takyh kya lungtuabya hote zungzae kae cciadue.
Jesu nynh he a muih hae tuh minmin kha, "La cceih oh lah ranpibawi hae kha la dosakuh oh," a cipya hae. Minmin nynh a ccia lya hae khe mih ccinaw tuh phe athyaa. Minmin lakuze lukheitpaw nynh a dannaw kha he a muihkuh tuh, ki zah roi accae lante Pachia kha the a hoysah. Jesu cculeihpaw khe bakhung zah lungtuabya a ho; tuh-e paw tuh Samariapaw nynh thua. Jesu nynh, "Vaethya ccinaw a thyaa hae paw kha lu haw thua khyh tou? Lu takua hae so teimou a um hae? E minphuin ccangpaw holeite Pachia thehoysah lan yn kipaw lu kheit san um khyh tou?" a ci. Jesu nynh tuh-e paw tuh, "Thokuh, la cceih ccavae, na zynnaw nynh ae dansah vae," a cipya.
Khua khuakheit lungkhu lang a tee tuh, vaethya ccinaw a kae hae paw lu haw nynh amaw kha a cciadue hae. Asawnaw khe thadyn hae zah, "Bawipaw Jesu, kaening hynh ngaethya oun umsah!" cite a sia hae. Jesu nynh he a muih hae tuh minmin kha, "La cceih oh lah ranpibawi hae kha la dosakuh oh," a cipya hae. Minmin nynh a ccia lya hae khe mih ccinaw tuh phe athyaa. Minmin lakuze lukheitpaw nynh a dannaw kha he a muihkuh tuh, ki zah roi accae lante Pachia kha the a hoysah. Jesu cculeihpaw khe bakhung zah lungtuabya a ho; tuh-e paw tuh Samariapaw nynh thua. Jesu nynh, "Vaethya ccinaw a thyaa hae paw kha lu haw thua khyh tou? Lu takua hae so teimou a um hae? E minphuin ccangpaw holeite Pachia thehoysah lan yn kipaw lu kheit san um khyh tou?" a ci. Jesu nynh tuh-e paw tuh, "Thokuh, la cceih ccavae, na zynnaw nynh ae dansah vae," a cipya.
Nanning kae liathui oh takyhte ka Pachia kalan lungtuabya ka ho,