Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
Nek imi kin fok nzong, iyin di nɔɔk yin nayak, imi kin fok iyɛ ingash, iyin di nɔɔk yin ashi isɔ, imi bɛ́ itsen, iyin di shan yin nɛ nasa yin. Izen fi in se dang ares ite, iyin di te yin ares. A di rɔ, iyin di fiis yin gyat. In se ari inyang, iyin di bɛ́ yin itsen.>
<<Wat bafɛ́ atsak e, bi fɛ̀ ni iwu, <ATisa, akyi izen fi iyit kin da di yit ni nzong, in da nɔɔk yit nayak ɛ? Ki in da di yit ni tsin fok iyɛ ingash ayi, in da nɔɔk yit ashi isɔ yɛ? Na ki izen fi in kin da di yit atsen, in da shan yit sak nɛ nasa yit ɛ? Kɛ in da di yit vit ares, in da nɔɔk yit ares ɛ? Na ki izen fi in kin da di yit ni irɔk, ke ari inyang ayi, in tsin in da fiis yit ɛ?>
<<Agwɔm e, bi fɛ̀ ni iba, <Atsak fi in tsin ki tak yin, ngma ikyɛng fi iyin nye yin azining ayɛt bayɔng fɛ́ ba dung rat ayɛt baruneng ba, imi wu fi i di nye yin ne.>
Nɔk kaangan ikyɛng fɛ́ a bɛ́ itsɛt ni ngɔn, i bi rone ni kuta na ayɔng fɛ́ a bi itsɛt kukɔp ni ngɔn awo.
I se kpaf anɔng, won mgbey yin ni in ron nate banet, nɔng ba bin di ntomong yin ntek, nɔng ba bin di tere Ada yin fɛ́ a se azanɛn.
Agbat ifɛ̀ hom yo: Shim yin bafidiin, kyɔn ti imi kin ki shim yin.
Vit anet fɛ́ a bɛ̀ ishim fi iwat iyeng: anet na mees kutset wu nek bafidang wu.
Ayɛt ikyɛng fi in ras, in ki tonoso yin fok i se gbing-gbing ni in taat kutsin ni tomong, in di se yit in di gyerep yit bayɔng fɛ́ ba se vit agap. Won ni in yiring yit ni ifɛ̀ aTisa yit aYeso ye, <Awɛng se naton inesek aza ishashang.> >>
Ama fɛ́ a mi gang kucɛɛt, a sak akut aben ni iba, ra awon. Ngma ba ba tos na ba yisik aBulus na ba ku nyes ashow isak anu. Ikyɛng fi idung ka ba ra iyɛ yet ifɛ̀ dɔng fɛ́ a fɛ̀ ye da ba bi tɛ ba ku di awo. Ama anɔng, ba tse ba ku tsa sak ayɛt kukyɛ ashi me.
Kabasa yin ikyɛng fi i bɛ̀ yin ne banet Adakunom fɛ́ ba se dang ikyɛng, shashang yin batsen na nasa yin.
Iyit fi in se yit gbagba ni inɔɔk atsak, i se gyat ni in sok yit kunanang bayɔng fɛ́ ba se buk-buk ni inɔɔk atsak, in bi sot yit bafi ishim ice yit awo.
Di sɛs yin bafidang ni ndaam bà, nek ayet anɔng e me fi i di ki shining yin itees Anet-Isheshek.
Won ayɔng fɛ́ a tsang yising, bi tɛ a di barang awo, tit na a ra kutomong kutek ni mbɔk wu, nɔng a da sɛ ikyɛng fɛ́ a di ki gbinding bayɔng fɛ́ ba bɛ̀ kudaam.
Akak yin bi tsɛt ikyikak ifi ishim ice wu kyɛk awo, tit idɔng fɛ́ bakak di ki sɛ itek bà.
Ábaruneng, igyat e yet akyɛ ke anet nye fok iwu bi inɔɔk atsak, wat vit kutomong fɛ́ a di ki tonong ɛ? Inɔɔk atsak kuri iyɔng da kyem i ku sheshek ɛ? Won in fɛ̀ yit aruneng ke anganeng akak ayi se vit ares ite ke nayak iya ayi. Kɛ akak ayɛt yin fɛ̀ ni wu, <<Tsi tik kyang, Adakunom da te mɔɔ ni ihwya,>> vit ikyɛng fɛ́ a nye naton kudaam wu fɛ́ ba di, akyi ikyɛng itek dɔng a nye yɔng ɛ? Kpaf anɔng, inɔɔk atsak fi i se vit kutomong fi ku da tonong, yet kukom e.
Ke akak bi ikyɛng azatse, na yɛrɛ arunyining ayɛt kudaam, na rawu dang fok angmishish wu, i se wɛshɛk fok ishim Adakunom se ni iwu awo.