Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
Ayis giiko, taani koshatin muzideta, saamotin ushshideta, eretonna imatha asi gidada bin mokideta, kallotin mayzideta, hargetin hargisideta, qashetin tana oychideta’ yaagana.
"Hessafe guye, xilloti zaaridi, ‘Godaw, neeni koshatin awude be7idi muzido? Woyko neeni saamotin awude be7idi ushshido? Neeni imathe gidada yin awude be7idi mokido? Woyko neeni kallotin awude mayzido? Neeni hargin woyko qashetin neeko bidi nena awude oychido?’ yaagana. Kawoy zaaridi, ‘Taani hintew tuma odayis; hinte tana kaalliya ha ubbaafe guuxeysas oothidaysa taw oothideta’ yaagana.
Woossiya oodeska imma; neepe tal7anaw koyiya oonaka diggofa.
Hessa mela asay hinte lo77o oosuwa be7idi, salon de7iya hinte aawa bonchana mela hinte poo7oy asa sinthan poo7o.
Immite; hintew imetana. Hinte makidaban hintew zaari maketana, ubbaraka lo77o makiyaban baqidi, suuddi kunthidi, laaletana gakanaw hintew maketi imetana" yaagis.
Asay, "Yaatin nuuni ay oothinoo?" yaagidi oychidosona.
Yohaanisi zaaridi, "Nam7u afili de7iya asi baynaysas immo. Kathi de7eysi baynaysas immo" yaagis.
Hintew de7iyaba bayzidi manqotas immite. Kaysoy ekonnason, bili moonnason, cimonna karxiitan, wuronna shalo salon shiishite. Hinte wozanay hinte shaloy de7iya bessan gidana.
Ta kiitay haysa; taani hintena dosidaysada hinteka issoy issuwa dosite.
Ba shempuwa ba laggiyas aathidi immeysafe aadhiya gita siiqoy baawa.
Hinte haysada daaburidi oothishe daaburanchota maaddanaysanne Godaa Yesuusi, ‘Ekeysafe immeysi anjetidaysa’ gida qaala hinte qopanaw besseysa taani hintena ubbaban bessaas" yaagis.
Phawuloosi hessa odi ongidi enta ubbaara gulbatidi Xoossaa woossis. Enti ubbayka Phawuloosa idimmidi yeekidi yeeridosona. I Zaaridi, "Tana be7eketa" yaagida qaalay enta daro azzanthis. Enti markabiya gakanaw iya moyzidosona.
Ammaniya geeshshata koshshiyaban maaddite; imathata mokite.
Nuuni ammanon minnidaysati daaburanchota toohuwa tookanaw bessees. Nuuni nuna ufaysanaw bessenna.
Issoy issuwa deexo toohuwa tookite. Yaatiko Kiristoosa higgiya poleeta.
Kaysotiya uray hizape guye kaysotopo. Shin manqota maaddiyabay iyaw daana mela ba kushen lo77oba ootho.
Hinte issoy issoy, hara asi maaddiyaba koyitepe attishin, hintena maaddiyaba xalaala koyopite.
Ta ishato, hintefe issi asi taw ammanoy de7ees gidi, ba ammanuwa ooson bessonna ixiko iya ay maaddanee? Iya ammanoy iya ashshanaw danda7ii? Leemisos issi ishay woyko issi michiya kallotikonne entaw miyabay dhayiko, hintefe issi asi entako, "Saro biite! Tama kayite! Kallidi miite!" gidi, koshshiyaba entaw immonna ixiko enta ay maaddii? Hessa gisho, oosoy bayna ammanoy barka hayqidaysa.
Shin dure gidida oonika metootanchuwa be7ishe, iyaw qadhetonna ixiko ba wozanan Xoossaa siiqoy de7ees gaanaw waanidi danda7ii?
Manqos keehiya asi Godaas tal7ees;
Goday he lo77o oosuwa gisho woytees.
Awudeka gidin, biitta bollafe manqoy dhayonna gisho, ne Isra7eeletas, manqotasinne metootanchotas hinte keeha gidana mela kiittayis.