Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
Ays giikko, taani koshattin muzideta, saamottin ushshideta, erettona imatha asi gidada bin mokkideta, kallottin mayzideta, harggettin harggisideta, qashettin tana oychchideta’ yaagana.
"Hessafe guye, xilloti zaaridi, ‘Godaw, neeni koshattin awude be7idi muzidoo? Woykko neeni saamottin awude be7idi ushshidoo? Neeni imathe gidada yin awude be7idi mokkidoo? Woykko neeni kallottin awude mayzidoo? Neeni harggin woykko qashettin neekko bidi nena awude oychchidoo?’ yaagana. Kawoy zaaridi, ‘Taani hinttew tuma odays; hintte tana kaalliya ha ubbaafe guuxeyssas oothidayssa taw oothideta’ yaagana.
Woossiya oodeskka imma; neeppe tal77anaw koyaa oonakka diggofa.
Hessa mela asay hintte lo77o oosuwa be7idi, salon de7iya hintte aawa bonchchana mela hintte poo7oy asa sinthan poo7o.
Immite; hinttew imettana. Hintte makkidaban hinttew zaari makettana, ubbarakka lo77o makkiyaban baqqidi, suuddi kunthidi, laalettana gakkanaw hinttew maketi imettana" yaagis.
Asay, "Yaatin nuuni ay oothinoo?" yaagidi oychchidosona.
Yohaannisi zaaridi, "Nam77u afili de7iya asi baynnayssas immo. Kathi de7eyssi baynnayssas immo" yaagis.
Hinttew de7iyabaa bayzidi manqotas immite. Kaysoy ekkonnason, bili moonnason, cimonna karxiitan, wuronna shaluwa saluwan shiishite. Hintte wozanay hintte shaloy de7iyasuwan gidana.
Ta kiitay hayssa; taani hinttena dosidayssada hintteka issoy issuwa dosite.
Ba shemppuwa ba laggiyas aathidi immeyssafe aadhdhiya gita siiqoy baawa.
Hintte hayssada daaburidi oothishe daaburanchchota maaddanayssanne Godaa Yesuusi, ‘Ekkeyssafe immeyssi anjjettidayssa’ gida qaala hintte qoppanaw besseyssa taani hinttena ubbaban bessas" yaagis.
Phawuloosi hessa odi onggidi entta ubbaara gulbbatidi Xoossaa woossis. Entti ubbayka Phawuloosa idimmidi yeekkidi yeeridosona. I Zaaridi, "Tana be7ekketa" yaagida qaalay entta daro azzanthis. Entti markkabiya gakkanaw iya moyzidosona.
Ammaniya geeshshata koshshiyaban maaddite; imathata mokkite.
Nuuni ammanon minnidayssati daaburanchchota toohuwa tookkanaw bessees. Nuuni nuna ufayssanaw bessenna.
Issoy issuwa deexo toohuwa tookkite. Yaatikko Kiristtoosa higgiya poleeta.
Kaysiya uray hizappe guye kaysotoppo. Shin manqota maaddiyabay iyaw daana mela ba kushen lo77obaa ootho.
Hintte issoy issoy, hara asi maaddiyabaa koyiteppe attin hinttena maaddiyabaa xalaala koyoppite.
Ta ishato, hinttefe issi asi taw ammanoy de7ees gidi, ba ammanuwa ooson bessonna ixxiko iya ay maaddanee? Iya ammanoy iya ashshanaw dandda7ii? Leemisos issi ishay woykko issi michchiya kallotikonne enttaw miyabay dhayikko, hinttefe issi asi enttako, "Saro biite! Tama kayite! Kallidi miite!" gidi, koshshiyabaa enttaw immonna ixxiko entta ay maaddii? Hessa gisho, oosoy baynna ammanoy barkka hayqqidayssa.
Shin dure gidida oonikka metootanchchuwa be7ishe, iyaw qadhettonna ixxiko ba wozanan Xoossaa siiqoy de7ees gaanaw waanidi dandda7ii?