Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
यतिकी ना हस्तकु ईरीन, अदिक नीव नानी तिनली कोट्टीर; ना निरळ्कु ईरीन, अदिक नीव नानी नीर कुळ्सदीर; ना अनजान ईरीन, अदिक नीव नानी ताम मान्या ईटदीर; ना ऊगळा ईरीन, अदिक नीव नानी कपळा हाक्सुसदीर; ना बिमार ईरीन, अदिक नीव नान देखभाल माळदीर, ना बंदीगृह दा ईरीन, अदिक नीव नान से भेंट ताकोमली बंदीर.’
"आग न्यायी लॉकुर आऊक उत्तर कोट्टार, ‘हे प्रभु, नाव याग नीनी हस्तकु नोळदेव अदिक तीन्सदेव? या निरळ्कु नोळदेव अदिक नीर कुळ्सदेव? नाव याग नीनी अनजाना नोळदेव अदिक तान मान्या ईटदेव? या ऊगळा नोळदेव अदिक कपळा हाक्सुसदेव? नाव याग नीनी बिमार या बंदीगृह दा नोळदेव अदिक नीन से भेंट माळली बंदेव?’ आग राजा आंदरी उत्तर कोट्टान, ‘ना नीम से खरा अनतीन कि नीव जो नान स्यांळ्द से स्यांळ्द वार्टुर दा टु यावारा ऊंद मंळसा अन्द सांगुळ माळदीर, अद नांदा सांगुळ माळदीर.’"
जो यावारा नीम से बेळ्यान, आऊक कोळी; अदिक जो नीम से उदार बेळोद चाहासतान, आऊन से बाय तिर्गुसबाळी."
अदा प्रकार नीम ऊजुळ मंळसागोळ्द मुंद चमकुसुल कि आंदुर नीम वळ्लीद क्याल्सागोळी नोळकु नीम आप्प उन, जो स्वर्ग दा आन, बळाई माळुल.
कोळतोगी, रा परमेश्वर भी नीमी कोट्टान. लॉकुर नीम क्वारा दा पुरा-पुरा नाप, वत्त-वोतकु अदिक आलगाळ-आलगाळ्सकु सीग हचकु हाक्यार. यतिकी या नाप देल नीव दुसरा अन साटी आळेतीर, अदा नाप देल नीम साटी भी आळुकु आदीत."
आग लॉकुर आऊन से केळदुर, "रा नाव येन माळेव?"
आव आंदरी उत्तर कोट्टुन, "यार्द हात्ती येढ्ढ कुळता आव, आव आऊक ऊंद कुळता कोळुल यार्द हात्ती हैलेच अदिक यार्द हात्ती तिनोद आद, आव भी हिंग अच माळुल."
तान संपत्ती मारकु दान माळबुळी; अदिक तान साटी हिंग चीलागोळ माळी जो हाळोदव आगालव, मतलब स्वर्ग दा धन जमा माळी जो कम आगाल अदिक यऊर हात्ती काळ्ल होगालुन, अदिक किळा भी बिगळुसाल. यतिकी यल नीम धन आद, अल नीम मन भी हतकु ईत्तीत."
"नान आग्या ईद आद, कि ह्यांग ना नीम से प्यार ईटदीन, हांग अच नीव भी आबुर दाबुर से प्यार ईटी.
इदुर से धोळ्द प्यार यारदु ईला कि यावारा तान संगीगोळ साटी तान जीव कोळुल.
ना नीमी सप्पा येनारा माळकु तोर्सदीन कि ईद रीति देल मेहनत माळतेला निर्बलगोळी संभालसोद अदिक प्रभु यीशु उन वचन याद ईटोद जरूरी आद, जो आव खुद अच अंदिदुन: ताकोमोर से कोळोद वळ्लीद आद.
ईद अनकु पौलुस आंदुर सांगुळ ट्वांगरा टेक्सदुन प्रार्थना माळदुन. आग आंदुर सप्पा मुंदुर हापाळ वर्लदुर अदिक पौलुस उन कुतक्या हुडुकु आऊन चुम्मा ताकोमली कुरतुर अदिक सार माळदुर. आंदुर खास माळकु ई मात देल शोक दा ईरोर जो आव अंदिदुन कि नीव नान मार्रा बाक नोळतीदिल. आग आंदुर आऊक जहाज ताका पोहचुसदुर.
पवित्र लॉकुरी जो येनारा जरूरी आद, अदुर दा आंदुर्द मदत माळी; पाहुनचार माळदुर दा हतकु ईरी.
इदुरसाटी नाव बलवानगोळी पायजे कि निर्बलगोळ्द निर्बलतागोळी सहन माळेव, ना कि तान तान इक संतुष्ट माळेव.
नीव आबुर दाबुर बोझ नेगी, अदिक ईत्ता प्रकार मसीह अन व्यवस्था अक पुरा माळी.
काळताना माळावाळा बाक काळताना माळबाळुल, बल्की वळ्लीद क्याल्सा माळोर साटी तान कयगोळ देल मेहनत माळुल, इदुरसाटी कि यारी प्रयोजन आद आऊक कोळली आऊन हात्ती येनारा ईरूल.
हर ऊंद तान हित इन ईला, उलटा दुसरा अन्द हित इन भी चिन्ता माळुल.
हे नान वार्टुरा अदिक आकतींगेरा, अगर यावारा अनुल कि नानी विश्वास आद लेकीन आव कर्म माळालुन, रा इदुर से येन फायदा? येन ईत्ता विश्वास यागल्यारा आऊन उद्धार माळ सकतद? अगर यावारा वार्टुरा या आकतींग इन हाती जंग कपळा ईरूल अदिक आंदरी हर रोज भोजन इंद कमी ईरूल, अदिक नीम दा टु यावारा आंदुर से अनुल, "शांती देल होगी, नीमी पर्याप्त कपळा सिकुल अदिक नीव वळ्लीद खाना तीनकु संतुष्ट ईरी,"
लेकीन जो वस्तुगोळ मय इन साटी जरूरी आव अव आंदरी ईला कोळुल रा येन फायदा? हांग अच, अगर विश्वास भी कर्म सहित हैलेच रा तान स्वभाव दा सोतकु आद.
लेकीन जो यारदारा हात्ती दुनिया अन्द संपत्ती ईरूल अदिक आव तान मसीह वार्ट उक कंगाल नोळकु आऊन जरवत मा तरस तिनोद चाहासालुन, रा आऊन दा परमेश्वर उन प्यार ह्यांग बन्सकु ईर सकतद?