Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
Kwenge amango naliiri nzara mwampa ebiryo, n’amango naliiri nyoorha, mwampa ech’okunywa, n’amango naliiri muhisi, mwanyankirira. N’amango nabaaga mbulire emyambalo, mwampa yo, n’amango naliiri mulwala, mwantabaala, n’amango naliiri omu munyororo, mwayinja kuntangula.›
«Abo bakwaneene nji bamushubiza ntya: ‹Nnaweerhu, mango machi rhwakubonaga oli nzara, rhwaguha ebiryo, changwa mango machi rwakubonaga oli nyoorha, rhwaguha ech’okunywa? Na mango machi rhwakubonaga oli muhisi, rhwanakuyankirira? Changwa mango machi waliiri wabulire emyambalo, rhwaguha yo? Mango machi rhwakubonaga oli mulwala changwa oli omu munyororo, rhwaja kugurhangula?›
«Oyo Mwami nj’abashubiza ntya: ‹Okuli mbabwirire oku ebyo byooshi, mwabeere muli mwabijirira oli mudoorho mw’aba beene beerhu, nyoono nye mwalemaga mwabijirira.›
Omuntu nk’aguhemere akantu, omuhe ko. N’omuntu nk’ashondere omuhoze, orhamulahiriraga.
Ntyo k’obumoleke bwenyu buleme bwamoleka embere z’abantu, yi babone ebijiro byenyu binja baleme banakuuza Yisho oli omu mpingu.»
Muhe abandi na Nnamahanga nj’abaha. Nji mwahaabwa omulengo gulengerwe bwinja, gusindagiirwe n’okuyunjuzwa bweneene kugera ogusheeshekala. Bulaala Nnamahanga nj’abalengera n’omulengo mulengera mo abandi.»
Abantu baliiri kumubaza ntya: «Gichi rhujaage rhwajira?» Abashubiza ntya: «Ogwerhe simiisi ebiri agwasizwe guhaana nguma okw’orhayigwerhe. Ogwerhe ech’okulya naye ajire ntyo.»
Yeesu ashuba kuderha ntya: «Muguze ebintu byenyu, muhe abakene efuranga. Muchijirire orhushaho rhw’efuranga rhurhagashaaja, muchibiikire ebikulo birhaagahwa omu mpingu. Eyoola nta mwizi wakayegeera yo na nta mushwa gwakabibiihya. Bulaala emunda ebikulo byaawe biri, yi n’omurhima gwawe gwaba guli.»
Mw’ebyo byooshi najiraga, nalibayeerekere oku bihemere gukola n’obushiru ntya yi rhurhabaale abarhagwerhe misi, omu kuyibuka ebinwa bya Nnaweerhu Yeesu. Aderhaga yenyine ntya: ‹Hali mugisho munene omu guhaana kulusha okuyankirira.›»
Paawulo abeere amala kuderha ebyoola, afukama haguma nabo booshi, asaliira. Booshi baaja barhondera kulaka bweneene, bamuhoobera n’okumuseezera. Balibabeezwe bweneene, bulaala aliderhere oku barhagachimubona ko. Baava bamuherekeza guhika aha echombo chaliiri.