Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
ନାନ୍ନେ କାର୍ୱିନ୍ ମାତ୍ତାନ୍, ମିଡ଼୍ ନାକିଂଙ୍କ୍ ତିନ୍ଦାଙ୍କ୍ ହିତ୍ତିଡ଼୍; ନାକ୍ ଉନ୍ଦ୍ୱାହ୍ସ୍ ମାତ୍ତେ, ମିଡ଼୍ନାକିଙ୍କ୍ ହୁନ୍ଦାନ୍ ମାଇଦିଙ୍କ୍ ହିତ୍ତିଡ଼୍ । ନାନ୍ନେ ପୁନ୍ୱେ ମାତ୍ତାନ୍, ମିଡ଼୍ ନାକିଂଙ୍କ୍ ଲୋନ୍ କାର୍ଙ୍ଗିତିଡ଼୍ । ନାନ୍ନେ ବାଣ୍ଡା ମାତ୍ତାନ୍, ମିଡ଼୍ ନାକିଂଙ୍କ୍ ଚକାସେଡ଼ି କେର୍ସ୍ପିତିଡ଼୍ । ନାନ୍ନେ ରଗ୍ତେ ମାତ୍ତାନ୍, ନା ଯତନ୍ ଆତ୍ତିଡ଼୍ । ନାନ୍ନେ ବନ୍ଦିଲତ୍ତାଗେ ମାତ୍ତାନ୍, ନାକିଂଙ୍କ୍ ଉଡାଙ୍କ୍ ୱାତ୍ତିଡ଼୍ । ଦାର୍ମିକ୍ ନାରୁଡ଼୍ ଉତ୍ତର୍ ହିଦ୍ତଡ଼୍, "ପ୍ରବୁ ! ବେସୁଙ୍କ୍ ନିକିଂଙ୍କ୍ କାର୍ୱିନ୍ ମାନ୍ଦାନାଦ୍ ଉଡ଼ି ତିନ୍ଦାଙ୍କ୍ ହିତ୍ତମ୍ ? ବେସୁଙ୍କ୍ ନିକିଂଙ୍କ୍ ଉନ୍ଦେ ୱାତ୍ତାଦ୍ ଉଡ଼ି ହୁନ୍ଦାଙ୍କ୍ ହିତ୍ତମ୍ ? ବେସୁଙ୍କ୍ ନିମ୍ ପୁନ୍ୱେ ଆୟ୍ୟକଟ ମାତ୍ୱେୟ୍ ନିକିଂଙ୍କ୍ କାର୍ଙ୍ଗିତିଡ଼୍ ମାଡ଼୍ତମ୍ ? ବେସୁଙ୍କ୍ ବାଣ୍ଡା ମାନ୍ଦାନାଦ୍ ଉଡ଼ି ଚକା କେର୍ସ୍ପତମ ? ବେସୁଙ୍କ୍ ନିକିଂଙ୍କ୍ ରଗ୍ତେ ବା ବନ୍ଦି ଅବସ୍ଥାତେ ଉଡ଼ି ନିକିଂଙ୍କ୍ ସେବା ମାଡ଼୍ତମ୍ ? ରାଜାଲ୍ ଉତ୍ତର୍ ହିତ୍ତଣ୍ଡ୍, ନାନ୍ନେ ସତ୍ କେତୁତାନ୍, ହି ଦାଦାଲଡ଼୍ ଲୋପେ ସାର୍ରେତଡ଼୍ ଡ଼ାଗାଙ୍କ୍ ସୁଦୁର୍ ମାଇଦିଙ୍କ୍ ବାତେଏ ମାଡ଼୍ତିଡ଼୍ ଆଦ୍ ନା ମାଇଦିଙ୍କ୍ ମାଡ଼ିତିଡ଼୍ ।"
ବେନ ଯଦି ଜିନିଷ୍ ତାଲ୍କିତଣ୍ଡ୍ ଅଂକିଙ୍କ୍ ହିମୁଟ୍ । ବେନ ବାତ୍ ତାଲ୍କେ ଅଂକିଙ୍କ୍ ଆଦ୍ ହିମୁଟ୍ ।
ଆଦେପୁଟୁଙ୍କ୍ ମିୱାଦ୍ ୱେସ୍ ସାରେତଡ଼୍ ଗାର୍ରେ କେଲିନ୍ । ଆଲେକେ ମିୱାଦ୍ ସତ୍କାମ୍ ସାରେ ଉଡ଼ି ଅଡ଼୍ ମିଇ ସ୍ୱର୍ଗତଣ୍ଡ୍ ବାବାଲ୍ ଇଶ୍ୱର୍ତିଙ୍କ୍ ପ୍ରସଂଶା ମାଡ଼ିତଡ଼୍ ।
ଦାନ ମାଡ଼ାଟ୍, ଆଲାତ୍କେ ଇଶ୍ୱର୍ ମିକିଂଙ୍କ୍ ଦାନ ହିଦ୍ତଣ୍ଡ୍; ଅଣ୍ଡ୍ ବଡ୍ତିଙ୍କ୍ ସାରେ ମାଡ଼ି ତାଙ୍କ୍ ଆଦ୍ମି ମାୟିନା ମିକିଂଙ୍କ୍ ହିଦ୍ତଣ୍ଡ୍; ବାତେଙ୍କ୍ ଇତ୍କେ ବେନେ କଲ୍ସାନାଦିନ୍ ତଡ଼୍ କଲସିତିଡ୍, ଆଦ୍ କଲ୍ସାନାଦିନ୍ ତଡ଼୍ ଇଶ୍ୱର୍ ମିକିଂଙ୍କ୍ ମେଣ୍ଡେ କଲ୍ସି ହିଦ୍ତଣ୍ଡ୍ ।"
ଇଗେ ନାରୁଡ଼୍ ଅଂକିଙ୍କ୍ କେତ୍ତଡ଼୍, "ଆଲାତ୍କେ ମାନାଡ଼୍ ବାତେଏ ମାଡ଼ିକାଡ଼୍ ?"
ଯୋହନ୍ ଅଡ଼୍କିଂଙ୍କ୍ କେତ୍ତଣ୍ଡ୍, "ବେନନାଗ୍ ରେଣ୍ଡ୍ ଚକା ମିନ୍ଦେ, ଅଣ୍ଡ୍ ବେନନାଗ୍ ଇଲ୍ଲେ, ଅଂକିଙ୍କ୍ ୱେରନ୍ ହିୱୀଣ୍ଡ୍; ମେଣ୍ଡେ ବେନଙ୍କ୍ ତିନ୍ଦାନାଦ୍ ମିନ୍ଦେ, ଅଣ୍ଡ୍ ଆଦ୍ ଲେକାମ୍ ମାଡ଼ିଣ୍ଡ୍ ।"
ମିୟାୱୁ ବାତା ମିନ୍ଦେ, ଆୱିଙ୍କ୍ ୱାମି ଗରିବ୍ ନାରୁଡ଼୍କ୍ ଦାନ ମାଡ଼ାଟ୍; ବାତେଏ ନଷ୍ଟ ଆୟ୍ୟ, ଆସତ୍ ପଡ଼ିୟ୍ତାଗ୍ ନିଜର୍ ମାଇଦିଙ୍କ୍ ୱିଜ୍ ନେହ୍ମୁଟ୍; ବେଗେ ଡଙ୍ଗାଲଡ଼୍ ଗାର୍ୱାଡ଼ଡ଼୍ ବା ପୁଡ଼୍ୟି ନଷ୍ଟ ମାଡ଼, ଆସତ୍ ସ୍ୱର୍ଗତାଗ୍ ତେର୍ୱେ ଦନ୍ସମ୍ପତ୍ତି ଅସ୍ରିଞ୍ଚାଟ୍ । ବାତେଙ୍କ୍ ଇତ୍କେ ବେଗେ ମିୱାଦ୍ ଦନ୍ସମ୍ପତ୍ତି, ଆଗେ ମିକା ମିୱାଦ୍ ମନ୍ ।
ନାନ୍ ବେଲା ମିକିଂଙ୍କ୍ ପ୍ରେମ ମାଡ଼୍ତାନ୍, ମିଡ଼୍ ମିକା ଆଲେକେ ମିଇ ମିଲୋପେ ପ୍ରେମ ମାଡ଼ାଟ୍, ଇଦ୍ ନାୱାଦ୍ ଗଟ୍ ।
ନିଜେତ୍ ସାଙ୍ଗନ୍ ସେଙ୍ଗେ ଜିୱୁନ୍ ଇଦାନ୍ କନ୍ସ୍ ବେନନାଦ୍ ମେଣ୍ଡେ ଗାଟି ପ୍ରେମ ଇଲେ ।
‘ପାଏମ୍ ଆଦ୍ଦାନ୍ ନାଗାଙ୍କ୍ ଦାନ ମାଡ଼ାନାଗ୍ ଅଦିକ୍ ୱେଡ଼୍କେ ମାନ୍ତେ,’ ନିଜେ ପ୍ରବୁ ଜିସୁନାଦ୍ ଇଦ୍ ବାକ୍ୟତିଙ୍କ୍ ହେର୍କା ମାଡ଼ି ଇଦ୍ ରକମ୍ କଷ୍ଟ ପାଡ଼୍ୟି ମାଡ଼ି ମାନାଡ଼୍ ଗରିବ୍ ନାରୁଡ଼୍କିଂଙ୍କ୍ ସାହାଯ୍ୟ ମାଡ଼ିକାଡ଼୍, ଇଦ୍ ବିଷୟ୍ତେ ନାନ୍ ସାରେଦାମ୍ ମିକିଂଙ୍କ୍ ଆଦର୍ଶ ତଅତ୍ତାନ୍ ।"
ଇଦ୍ ଗଟ୍ ତେର୍ତେ ପେର୍କେ ପାଉଲ୍ ଅଡ଼୍ ତଡ଼୍ ମର୍ମିଣ୍ଡା ଇସ୍ ପ୍ରାର୍ତନା ମାଡ଼୍ତଣ୍ଡ୍ । ସାରେତଡ଼୍ କେୟି କେୟି ପାଉଲ୍ତିଙ୍କ୍ ଗାଡ଼୍ମ୍ ଉର୍ଙ୍ଗି ନମସ୍କାର୍ ମାଡ଼ି ରହତ୍ତଡ଼୍ । ଅଡ଼୍ ମେଣ୍ଡେ ଅଂକିଙ୍କ୍ ଉଡ଼ାନଙ୍କ୍ ପାର୍ୱଡ଼୍ ଇଞ୍ଜ ଅଣ୍ଡ୍ କେତ୍ତାଙ୍କ୍ ଅଡ଼୍ ଗାଟି ଦୁଃକାମ୍ ଆସ୍ ମାତ୍ତଡ଼୍ । ଅଡ଼୍ ଅଂକିଙ୍କ୍ ବିଦାୟ୍ ହିଦାନଙ୍କ୍ ଜାହାଜ୍ତେ ବକେତ୍ ଆତ୍ତଡ଼୍ ।
କ୍ରିଷ୍ଟ ବିଶ୍ୱାସୀ ନାରୁଡ଼ାଦ୍ ଅବାବ୍ ପୁନ୍ଦାନଙ୍କ୍ ଆଲ୍ସାଟ୍ । କୁଟ୍ମାମ୍ତିଙ୍କ୍ ସେବା ମାଡ଼ାଟ୍ ।
ବେନଡ଼୍ ବିଶ୍ୱାସ୍ତାଗ୍ ନାର୍ଗ୍, ଅଡ଼୍ ବିଶ୍ୱାସ୍ତାଗ୍ ଦୁର୍ବଲ୍ ମାନ୍ଦାନ୍ ତାମୁନ୍ତାଦ୍ ଦଷ୍ ସେଙ୍ଗେ ଶକ୍ତିତଡ଼୍ ଆୟ୍ମୁଟ୍ । ବେନ ନିଜେତିଙ୍କ୍ ୱେଡ଼୍କ୍ ମାଡ଼ାନ୍ ସେଙ୍ଗେ ଆଲ୍ସ୍ମାକିଣ୍ଡ୍ ।
ନିଜେ ନିଜର୍ ଦାୟିତ୍ୱ ଆୟ୍ମୁଟ୍; ଇଦ୍ ରକମ୍ ମିଡ଼୍ କ୍ରିଷ୍ଟଟନ୍ ନିୟମ୍ ପୁରା ମାଡ଼ିତିଡ଼୍ ।
ଡଙ୍ଗାଲ୍ ମେଣ୍ଡେ ଡଙ୍ଗ୍ମାକିଣ୍ଡ୍ । ସାୟେତ୍ ଉପାୟ୍ତେ ନିଜେତ୍ ଜିବିକା ଗାଡ଼୍ସାନ୍ ସେଙ୍ଗେ ନୁ ଗରିବୀଡ଼୍କିଙ୍କ୍ ସାହାଯ୍ୟ ମାଡ଼ାନ୍ ସେଙ୍ଗେ ଅଣ୍ଡ୍ ପାଡ଼୍ୟି ମାଡ଼ିଣ୍ଡ୍ ।
ମାତର୍ ନିଜେତ୍ ଉର୍ଗାଡ଼୍ ସେଙ୍ଗେ ମାନେମ୍ ଆୟ୍ୟକଟ ବାଗାତଡ଼୍ ସେଙ୍ଗେ ମନ୍ ଆୟ୍ମୁଟ୍ ।
ଆ ନା ଦାଦାଲଡ଼ି ନୁ ଏଲାସ୍କ୍, ଯଦି ବେନ ନାୟାଦ୍ ବିଶ୍ୱାସ୍ ମିନ୍ଦେ ଇଞ୍ଜ କେତିତଣ୍ଡ୍, ଇତ୍କେ ଅନ୍ ପାଡ଼୍ୟି ଇଲ୍ୱେମାନ୍ତେ, ଆଲେକେ ଆଦ୍ ବାତ୍ ଲାବ୍ ? ଇଦ୍ ରକମ୍ ବିଶ୍ୱାସ୍ ବାତ୍ ବେନଙ୍କ୍ ମୁକ୍ତି ଇଦ୍ ପାର୍ଦ୍ତେ କି ? ହେର୍କେ ମାଡ଼ାଟ୍ ଯଦି ବେନ ତାମୁଣ୍ଡ୍ ଆୟି ବା ଏଲାଡ଼୍ ଆୟି, ଚକାସିଲେ ନୁ ତିନ୍ଦାନାଦ୍ କାଦି ଦର୍କ, ଇଶ୍ୱର୍ ମିକିଙ୍କ୍ ଆର୍ଶିବାଦ୍ ମାଡ଼ିତ୍ ତିଞ୍ଜ୍ ଉଞ୍ଜ୍ ଶାନ୍ତିତେ ମାନୁଟ୍ ନିଯାତ୍ ଗଟ୍ ଆଙ୍ଗ୍ଡ଼ାମ୍ ଆୟକି ? ଆଦେ ରକମ୍ ବିଶ୍ୱାସ୍ ନୁ ପାଡ଼୍ୟି ଇଲକଟ୍ ମାତ୍ତ୍କେ ବିଶ୍ୱାସ୍ ଡଲ୍ତେ ।
ଯଦି ୱେରଣ୍ଡ୍ ସାଉକାର୍ ନାରୁଣ୍ଡ୍ କ୍ରିଷ୍ଟିୟାନ୍ ଏଲାଡ଼୍ତାମୁଣ୍ଡ୍ତେ ଅବାବ୍ ଉଡ଼ି ମିକା ଅନ୍ ସେଙ୍ଗେ ଦୟା ମାଡ଼ଣ୍ଡ୍, ଅନ୍ ହୃଦୟତାଗ୍ ଇଶ୍ୱର୍ତେ ପ୍ରେମ ମିନ୍ତେ ଇଞ୍ଜ ଅଣ୍ଡ୍ ବେଲାନ୍ କେତେ ପାର୍ତନ୍ ?
ବେନ ଗରିବ୍ତିଙ୍କ୍ ଦୟା ମାଡ଼ିତଣ୍ଡ୍, ଅଣ୍ଡ ସଦାପ୍ରବୁଙ୍କ୍ ଋଣ ଇଦ୍ତଣ୍ଡ୍; ମେଣ୍ଡେ, ଅଣ୍ଡ୍ ଅନ୍ ସାୟେତ୍ ପାଡ଼୍ୟିଦେ ଦାନ ଇଦ୍ତଣ୍ଡ୍ ।