Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
Ajarchu kei kawonchaam pha nangni’n baksik ningnape, kei’n katuiraal pha khannum tui ningnapeii, kei’n khomal inkhat ka-e pha khannum ningna-leiralaang; puon choisik kaneimakpha puon ningnape, kei’n kana pha nangni’n ningna en, kei’n mikhumna ah kaom pha nangni’n ningnajuopha. Khawa phakhan mikatha ngai’n ama diang inheimasangsik eii, Pumi, nang nawonkachaam kinmuwa angtik kinaminbak ame, emakli natuiraal pha kinamin-in nabe? Angtik nang in khomal na-e pha kinnamuwa kin inna kinnaruoiluut ame, emakli puon ommak pha puon kinape ame? Emakli nang in nana ah khat-um mikhumna ah niom angtik kinnamuwa nakoolla kinhongnga me?’ Rengpa khan inmani diang heimasangta, ‘Kei’n nangnidiang inthiangnga kanatipi, kei ka-u kanai kasiinkhet chungnga nangni’n angrakip ningtho kha, keisik ah ningtho eii!’ "
Tuka-ang inkhat in nang diang phur khat anani pha, ama diang khan pero, halli tuka-ang inkhat in phur khat apuukzoot pha, ama diang khan minpuuk ro.
Kha angnga mi ngai’n nangni chountho katha kha inmuwa marwaanna kaom ning Pa kha minpaak nasik nangni war kha mi ngai maikuungnga warrase. 1 Pet 2:12
Mi ngaidiang pero, halli Pathian innum nangdiang napete. Katha minteiichu, namdeen inlang, kanik inlang khat-um minliamthaak inlang pero, halli nang iminteii angnga Pathian innum minteiita najuo penooksik eii."
Mipui’n amadiang inrakel, "Halle angme keini’n kinthosik?"
Ama’n inmani diang amasang, "Atu ka-ang in songkol inni anei inchu, kaneimak padiang inkhat perase, halli atu ka-ang baksik kanei ngai innum hiwa angnga thorusu."
Nangni’n ningnei neinaak rakip jour inlang sara ngaidiang peru, nangni’n kamaruo maksik sialkhou kha choiru, halli Marwaanna inchuongna kha mintuupru khawa khan inkei omnuni, ajarchu inruup luuttheinuni, khat-um inngeii innum minmang matornunujei. Nangni karei omna rakip ah, ningmalung khaum aomsik eii.
Kei’n nangni kinaminriang angnga inkhatli inkhat inriangru kitihi kei chongpeii kha eii.
Miring inkhat in asappui ngaisik aringkhuo ipeii itihi khawa chungtiang akalok minriang kha ommakjei. Jn 13:34; 15:17; Jn 3:23; 2 Jn 5
Kei’n nangnidiang angrakip chungnga chuon ranak ah katho ah kanaminmujei, tichu, kha angnga tho-inlang nangni’n akasuol ngaikha kasan khat-um Pumi Jisu chong kha kangaidon ning-esik ejei, ajarchu Pumi’n ati, ‘Akalei neek achu akape in kheella rawaan atha.’ "
Hiwahi ati suoli, ama’n akemurkhup thep-ah inmani rakiple inruoiya nina inneijei. Halli inmani rakip malung intook-ah inchap khat-um Paul kha inkakuo ah inheimazoop jei, ama meelsuo woikhat inmani’n mununujei tia ama’n iril chong jarra kheella inmani’n inleipoong. Khamakheiya inmani’n ama kha rakuong katung injuothak jei.
Halli naneinaak kha, insamma kaom ngamna kanei mi ngai khale insempuiru, halli ning-inn kha khuolmi ngaisik-ah malongpiru.
Inngamna-ah kacheet eini rakip in, kajeimak ngai phurrik roonmator nasik-ah nisansik suok. Halli napum khabit minhoimaro.
Nangni inkhat in inkhat phurrik insanru, halli hin tho-inlang nangni’n Christa dan kha ningjuisik eii.
Inruup khan woikhat inruup thokhai marase, takkha kapoong karaalla kaom mi ngaidiang asan matornasik malung inthiangnga akut-ah chuon thorase.
Han nangni’n ningtheinuo sikbit-ah ka-ngaidon emaru, takkha khatlikhat imanuom kha-um ngaidonpiru.
Ulenai ngai, miring inkhat in ngamna kanei tili chuonna amalar mak-inle, ang athana omme? Khawa ngamna khan ama sanmator nibo? Puondiar khat-um baksik kaneimak ulenai inom tia leirui. Halli nangni’n inmani diang ningti, "Pathian in rawaan naperase! kalumma omru halli kakhop-ah bakru!" nangni’n inmani diang arei ka-ekha ningpemak inle, ang athana omme? Khawa angnga: ngamna kha chuon inchelmak inchu, akathi kha eii.
Inchong chu ni-eli, ni-u ninai ngai kapoong khachu nimuli nisanmak inle, angtho tholi eini’n Pathian kaminriang nitisik me?