Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
Kwavija nikala na nzala munigwelela mandia, nikala na ng’hilu muning’weza, nikala muhenza munibokela, nikala bule vivalo munivaza, nikala mtamu mwiza kunyuguza, na nikala mkifungo mwiza kunitembelela.’
"Abaho, waja wanhu walibule uzenzeleganye womwidika, ‘Mndewa, zua jaki vitukuwene kukala na nzala tukugwelela mandia, ama kukala na ng’hilu tukung’weza? Zua jaki vitukuwene kukala muhenza tukubokela, ama kukala kwabule vivalo tukuvaza? Zua jaki vitukuwene kukala mtamu ama kukala mkifungo, twiza kukutembelela?’ Abaho, Mndewa kowalongela, ‘Nowalongela ikweli, kinhu chochose kimumtendele munhu imwe wa wano ndugu zangu wadodo, munitendela nie!’
Munhu yondayakupule, mgwelele, na munhu yoyose yolonda umkalizi, sambiumuhindukile kisogo.
Vivo na mweye, mulangaza wenu umwemwese haulongozi wa wanhu, giladi wone sang’hano zenu zinogile, na hewo wamuyenzi Tata wenu wa kuulanga.
Wagweleleni wanhu vinhu, na Mulungu kowagwelela mweye. Mhima imemile, isindiligwe na kutigiswa na kwitika iyo yondamgweleligwe m’vipepelo venu. Kwavija mhima yondamuwapimile wayagwe iyo mhima yondampimilwe mweye."
Dale da wanhu dimuuza, "Avo, tutendeze?"
Kawalongela, "Yali na vivalo vibili yam’bagulile yalibule, na yali na mandia yatende vivo."
Guzeni vimulinavo zihela muwagwelele wakumbulu. Itendeleni wenyego mkwiji wa hela haulalaga, mwike mali genu kuulanga, aho mali genu hagahunguka, kwavija haduhu wabavi wondawakwenhukile ama vimhungu vondavibanange. Kwavija mali gako hagali na moyo wako baho hondaukale.
Ndagizi yangu iyo ino, ‘Muinogele kamba nie viniwanogele mweye.’
Haduhu munhu yali na noge kulu kubanza dino, da munhu kuulava ugima wake sama ya wambwiga zake.
Mzimbuli zose zino zinitendile niwalagusila kamba mkusang’hanika sang’hano ngaga kamba zino, tolondigwa kuwagwelela vinhu wakumbulu, tukumbukile mbuli za Mndewa Yesu mwenyego, yolonga, ‘Vinoga ng’hani kulava, kubanza kubokela.’ "
Paulo viyamambukize kulonga gano, kafugama mavindi hamoja na hewo wose, katambika. Wanhu wose wamulilila Paulo, na kumkumbatila na kumnonela. Kiwagelile giogio ng’hani kikala mbuli zake ziyalongile kamba hawachona kabili kihanga chake. Abaho, wamsindikiza mbaka hana imeli.
Muwasangile vinhu wanhu wa Mulungu wali wakumbulu, na mazua gose sulukileni kuwatendela wahenza ganogile.
Wanogele Wayagwe, Sambiuinogele Mwenyego
Tweye tuli na mhiko tolondigwa kuwataza mbuli ziwahumwile waja walibule mhiko, na sambituinogele tweye wenyego.
Ipapileni mibahasha wenyego kwa wenyego, mkutenda vino mogavikiza malagizo ga Kilisto.
Awo wose wokwiba waleke ubavi wao, ila wasang’hanike ng’hani na makono gao wenyego, giladi wapate kinhu cha kumgwaa mkumbulu.
Kila munhu mmwanza wenu sambiyalole gaja gamnogele heyo, ila vivija yalole gaja gowonogela na wayage.
Nhamanila na Sang’hano
Ndugu zangu, vino vilumba kamba munhu kolonga kanayo nhamanila ila hailagusa kubitila sang’hano zake? Nhamanila kamba hiyo yodaha kumkombola munhu kulawa muinhaguso ya Mulungu? Tutende ndugu yako kabule vivalo na kabule mandia, na gweye kolonga, "Genda na tindiwalo, ukote moto na kwiguta," ila humgwelela kinhu chochose, kinhu chaki kinogile chuutendile? Vivija nhamanila iiyeka, ihawa yabule sang’hano, nhamanila yako haidaha kutenda kinhu chochose.
Kamba munhu yoyose kana vinhu na komona ndugu yake kabule kinhu na ija yali na vinhu hamonela bazi ija yalibule vinhu, noge da Mulungu dokalaze mgati yake?