35 Kwaapfila tsanikala ne inzala, namwe mngaya ichijo, tsanikala ne ing’ilu, namwe mngaya ghamatsi, tsanamhenza namwe mnibokela. 36 Tsanahela lighwanda namwe mnipfetsa, tsanamtamu namwe mutsa kundola, tsanamchifungo, namwe mnyangila.’

37 "Baho iwanu iwanoghile watsomwidika, ‘Imtwatsa wetu tsuwachi hatukwonile kuna inzala na tukwing’a ichijo, au kuna ing’ilu na twetwe tukwing’a ghamatsi? 38 Kuya tsuwachi hatukwonile kwa mhenza na twetwe tukubokela, au kwahela lighwanda na twetwe tukupfetsa? 39 Tsuwachi hatukwonile kwa mtamu au kwa mchifungo na twetwe tukwangila?’ 40 Imndewa katsowedika, ‘Nowalongelani ghendo, chochose chamumtendele yumwe wa wano wandughu tsangu, mnendela nene.’

42 Ayula iyokulomba mwing’e; na ayula iyobama kukukopa uleke kumhundusila ichisogho.

16 Pfipfo na mwemwe mleke ghumwanga ghwenu ghumulike hambele ha iwanu, nawo waghone ghamatendo ghenu ighanoghile, wamtunitse Aba wenu iyali kulanga.

38 Muweng’e iwanu wangi, ne Imulungu katsomwing’ani. Namwe mtsobokela ichipimo chimemile mbaka chakwitika. Kwaapfila ichipimo chamtumila kwe iwanu wangi, Imulungu katsochitumila chicho kuna mwemwe."

10 Kingili lye iwanu limghutsa, "Lelo tutandetse?"

11 Yohane kawedika, "Imunu yane ghamaghwanda meli yamwing’e yula yalihela lighwanda, na yane ichijo yatende pfipfo."

33 Muutse ipfinu pfenu muweng’e tsisendi iwahingwa. Mwitendele imikoba yang’ailalagha bae, na mwike utajiri wenu kulanga, hanu hang’autsohunguka bae. Aho haduhu mbapfi iyodaha kwiba na haduhu mswa iyodaha kuuhinya. 34 Kwaapfila hane utajiri wako, ghumoyo ghwako ghutsakuwa baho."

12 Alino lilyo lilaghitso lyangu, mwikunde kama apfila nene pfaniwakundile mwemwe.

13 Kuduhu munu yaana upendo mkulu kubita auno, wa imunu kuulapfa ugima wake kwaajili ya mbwigha tsake.

35 Mne chila chinu chanendile, tsaniwalangusa ka kwa kusang’ana ka pfino, twobamighwa kuwapfila iwanu walihela ingupfu, mkumbuke chayalongile Imtwatsa Yesu imwenyegho, ‘Kabweda ayula iyoghola kubita ayula iyobokela.’ "

36 Hayamalitse kulonga agho, katowa ghamaghoti hamwe nawo, kamlomba Imulungu. 37 Wose walila hawang’ali womuagha Pauli kuno wamkumbatila na wamnonela. 38 Tsawona usungu ng’ani kwaapfila kawalongela ng’awatsomwona keli bae. Kuya waghenda naye mbaka kune imeli.

13 Muwagholele iwanu we Imulungu pfinu pfenu, muwe waluso kwa wahenza.

1 Twetwe yatutoghola ghendo twobamighwa tuwadudumile awala iwotoghola chidogho. Tuleke kwinoghelesa iwenyegho.

2 Mwisolele imitsigho, kwa kutenda apfo mtsoghatimitsa ghamalaghitso gha Kiristu.

28 Imunu iyang’ali yakwiba, yaleke kwiba keli, ila yasang’ane ng’onde inoghile kwa ghamoko ghake yapate ichinu chokuwagholela iwalihela chinu.

4 Chila imunu yaleke kulola chayobama yeye mwenyegho yaliheka, lekeni pfipfila alole chawobama iwanu wangi.

14 Wandughu tsangu, apfi pfinogha imunu kulonga komtoghola Yesu aku ghamatendo ghake ng’agholangusa apfo? Apfi ukutoghola ako kodahatse kumkombola? 15 Tulonge, kwomwona ndughu yako au dada yako kahela ghamaghwanda na kahela ichijo. 16 Naghwe kwomlongela, "Ughende tseghamba, ukwote ghumoto na ukaje wighute," lekeni ng’umwing’ile bae ichijo au ghamaghwanda. Apfi chutendile chomwapfila choni? 17 Pfipfila ukutoghola kuliyeka, ka ng’akulangusa ghamatendo, akwo kufwa ghendo.

17 Ka imunu kana pfinu na baho komwona ndughu yake kobama pfinu, naye ng’omwonela libatsi bae, lelo yodahatse kulonga ka komnoghela Imulungu?

17 Iyali mluso kwa imunu mhingwa ayo komwatsima IMNDEWA, naye IMNDEWA katsomliha kwa acho chayatendile.

11 Kwaapfila iwahingwa mtsokala nawo matsuwa ghose mna isi yenu. Apfo nowalaghitsa muwe waluso kwa ndughu tsenu iwolomba na iwahingwa iwokala muisi mwenu."